រកឃើញជនជាតិបារាំងនៅកំពង់សោម ២ នាក់ផ្ទុក COVID-19
ក្រសួងសុខាភិបាលបានប្រកាសឲ្យដឹងថា មានករណីឆ្លង COVID-19 ២ នាក់បន្ថែមទៀតនៅខេត្តព្រះសីហនុ។ បុរសទាំងពីរម្នាក់អាយុ ៦៧ ឆ្នាំ និងម្នាក់ទៀតមានអាយុ ៨០ ឆ្នាំ ដែលជាភ្ញៀវទេសចរណ៍ មកដល់ខេត្តព្រះសីហនុ កាលពីថ្ងៃ ១៨ ខែ មីនា ឆ្នាំ ២០២០។
សរុបករណីវិជ្ជមាន COVID-19 នៅទូទាំងប្រទេសគិតមកទល់យប់ថ្ងៃ ២១ ខែ មីនា ឆ្នាំ ២០២០ មានចំនួន ៥៣ នាក់ (ស្រី នាក់ ប្រុស ៤៩ នាក់) ក្នុងនោះមាន ជនជាតិចិន ១ នាក់ នៅខេត្តព្រះសីហនុ ជាសះស្បើយ អង់គ្លេស ៣ នាក់ (ម្នាក់អវិជ្ជមាន COVID-19) កាណាដា ១ នាក់ ប៊ែលហ្សិក ១ នាក់ បារាំង ៤ នាក់ ម៉ាឡេស៊ី ១១ នាក់ ខ្មែរ ២៩ នាក់ (ក្នុងនោះមានខ្មែរកាន់សាសនាឥស្លាម ២៥ នាក់ ក្នុងចំណោម ២៥ នាក់ នោះមានស្រ្តី ២ នាក់ជាភរិយាឆ្លងពីស្វាមី និងបុរសម្នាក់ឆ្លងដោយការប៉ះពាល់ជិតស្និទ្ធជាមួយបុគ្គលវិជ្ជមាន COVID-19)។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
