ជនឈ្លៀតឱកាសមួយចំនួននៅតែបន្តលក់ផលិតផលគ្មានប្រសិទ្ធភាពដល់សាធារណៈជនដើម្បីទប់ស្កាត់វីរុស COVID-19។ ថ្មីៗនេះ មានគណនីហ្វេសប៊ុកមួយចំនួនបានផ្សព្វផ្សាយលើបណ្តាញសង្គមហ្វេសប៊ុក លក់ឧបករណ៍សម្រាប់ធ្វើតេស្តរកវីរុស COVID-19 បានដោយខ្លួនឯង។

ចំពោះបញ្ហានេះ ក្រសួងសុខាភិបាលបានប្រកាសនៅថ្ងៃទី៣០ ខែមីនានេះថា គណនីហ្វេសប៊ុកចំនួន២មានឈ្មោះថា លក់សំភារៈពេទ្យបោះដុំនៅ Khmer និងKheang Tun បានផ្សព្វផ្សាយលក់ឧបករណ៍តេស្តរកវីរុស COVID-19 ដែលគ្មានលេខបញ្ជិការ និងគ្មានការទទួលស្គាល់ពីក្រសួងសុខាភិបាល។ ក្រសួងសុខាភិបាលបានឲ្យដឹងថា ក្រសួងនឹងមានវិធានការតឹងរឹងទៅតាមច្បាប់ដែលមានជាធរមាន ចំពោះម្ចាស់គណនីហ្វេសប៊ុកទាំងពីរនេះ និងជនឱកាសនិយមផ្សេងៗទៀតដែលនៅតែបន្តលក់ តេស្តរក COVID-19 គ្មានលេខបញ្ជិកា និងគ្មានការទទួលស្គាល់ពីក្រសួងសុខាភិបាល។

បន្ថែមពីលើនេះ ក្រសួងសុខាភិបាលបានអំពាវនាវឲ្យប្រជាពលរដ្ឋទាំងអស់ ត្រូវទៅពិនិត្យតាមមូលដ្ឋានសុខាភិបាលសាធារណៈ ដែលមានគ្រូពេទ្យអាចបានពីករណីសង្ស័យពិតប្រាកដ មានវិធីសាស្រ្តក្នុងការស្រង់យកវត្ថុវិភាគ និងបានឲ្យប្រជាពលរដ្ឋទាំងអស់ ផ្តល់ព័ត៌មានដល់អាជ្ញាធរមានសមត្ថកិច្ច ក្នុងករណីដែលប្រទះឃើញមានជនណាកំពុងលក់ឧបករណ៍តេស្តរកវីរុស COVID-19 ដែលគ្មានលេខបញ្ជិកា។

អត្ថបទពាក់ព័ន្ធ៖

COVID-19៖ ព្រឹកនេះមានអ្នកឆ្លងថ្មី ៤នាក់ ជាសះស្បើយ ២នាក់
ក្រសួងសុខាភិបាល ហាមមិនឲ្យប្រើឧបករណ៍ធ្វើតេស្តរក COVID-19 ខ្លួនឯងដាច់ខាត
ពីថ្ងៃ ៣០ ទៅ ជនបរទេសចង់ចូលកម្ពុជា ត្រូវមានធានារ៉ាប់រងសុខភាព ៥ ម៉ឺនដុល្លារ
ស្អែក កម្ពុជាពិភាក្សាលើច្បាប់ដាក់ប្រទេសក្នុងគ្រាអាសន្ន
សម្តេច ហ៊ុន សែន៖ បិទកាស៊ីណូទូទាំងប្រទេស ចាប់ពីថ្ងៃទី១ មេសា នេះតទៅ

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

​ក្រសួងប្រកាសចាត់ការផ្លូវច្បាប់ចំពោះជនឱកាសនិយមលក់ឧបករណ៍តេស្តរក COVID-19 ដោយខ្លួនឯង

ក្រសួងប្រកាសចាត់ការផ្លូវច្បាប់ចំពោះជនឱកាសនិយមលក់ឧបករណ៍តេស្តរក COVID-19 ដោយខ្លួនឯង