កាមរោគគឺជាជំងឺឆ្លងដែលភាគច្រើនបង្កឡើងដោយការរួមភេទមិនបានការពារឲ្យបានត្រឹមត្រូវ។ បុរសៗបានឆ្លងកាត់ការរួមភេទដោយមិនបានការពារ មានដៃគូច្រើន ឬធ្វេសប្រហែសដោយប្រការណាមួយ ក្នុងពេលរួមភេទ ហើយចេញរោគសញ្ញាទាំងនេះលើលិង្គ គួរតែជួបជាមួយគ្រូពេទ្យ ដើម្បីធ្វើរោគវិនិច្ឆ័យ និងទទួលការព្យាបាល។
មានដៃគូច្រើន រួមភេទមិនបានការពារ គួរជួបពេទ្យបើចេញរោគសញ្ញាទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
រោគសញ្ញាសំខាន់ៗលេចឡើងក្រោយរួមភេទមិនបានការពារ
ឈឺចាប់ពេលនោម៖ ប្រសិនបើមានអាការៈនោមឈឺ ក្រហាយ ក្ដៅ នោះបញ្ជាក់ថាមានបញ្ហាឆ្លងជំងឹកាមរោគ ករណីនេះអាចទើបតែចាប់ផ្ដើមនៃជំងឺកាមរោគណាមួយ។ ដូច្នេះត្រូវប្រញាប់ទៅជួបជាមួយគ្រូពេទ្យដើម្បីត្រួតពិនិត្យ។
ការហៀរខ្ទុះចេញពីក្នុងលិង្គ៖ អាការៈនេះភាគរយខ្ពស់បង្ហាញថា កំពុងតែមានជំងឺប្រមេះទឹកបាយ ប៉ុន្ដែបើហៀរទឹកមកថ្លា គឺអាចប្រមេះទឹកថ្លា។
ឡើងពងបែកលើលិង្គ៖ ជារោគសញ្ញាដែលបង្កឡើងដោយ មេរោគ herpes simplex ដែលបណ្ដាលឲ្យឡើងកន្ទួលពងបែកក្រហាយ ម្យ៉ាងវិញទៀតរោគសញ្ញាមួយនេះក៏ស្រដៀងគ្នាទៅនឹងរោគសញ្ញា នៃជំងឺស្វាយ។
ហើមពងស្វាស៖ ប្រសិនជាមានអាការៈ ហើមពងស្វាស ក៏ជារោគសញ្ញា នៃជំងឺប្រមេះទាំង២ប្រភេទ គឺប្រមេះទឹកបាយ និង ទឹកថ្លា។
ឡើងកន្ទួលរមាស់លើលិង្គ៖ ឡើងកន្ទួលក្រហមរមាស់លើលិង្គ ជាសញ្ញាបង្ហាញពីជំងឺកាមរោគអាចជាប្រភេទសើរស្បែក បង្កឡើងដោយពពួកបាក់តេរី មេរោគផ្សិតជាប់នៅលិង្គដែលរួមភេទមិនបានការពារ និង មិនបានអនាម័យឲ្យល្អ។ ករណីខ្លះក៏មានការរមាស់ចុងលិង្គ ធ្វើឲ្យអ្នកជំងឺពិបាកទ្រាំ។
រោគសញ្ញាបន្ទាប់បន្សំ ដែលកើតមាននៅបរិវេណក្បែរលិង្គ បណ្ដាលមកពីជំងឺកាមរោគ
រោគសញ្ញាមួយចំនួននៃជំងឺកាមរោគ ក៏អាចកើតឡើងនៅតំបន់ផ្សេងក្រៅពីលិង្គ។ រោគសញ្ញាទាំងនោះមានដូចជា៖
ពងបែកនៅរន្ធគូទ៖ ជំងឺកាមរោគ ក៏អាចបង្ករោគសញ្ញាមានពងបែកនៅក្បែរន្ធគូទ ក្នុងករណីនេះបណ្ដាលមកពីដៃគូជ្រើសរើសវិធីរួមភេទតាមរន្ធគូទ រោគសញ្ញានេះអាចជាជំងឺស្វាយ។
ឡើងកូនកណ្ដុរនៅត្រង់ក្រលៀន៖ ក៏ជារោគសញ្ញាបង្ហាញថាឆ្លងជំងឺកាមរោគណាមួយ។ អ្នកមានរោគសញ្ញានេះ ត្រូវពិភាក្សាជាមួយគ្រូពេទ្យ ប៉ុន្ដែប្រសិនបើឡើងកូនកណ្ដុរនៅត្រង់ក ក៏អាចជារោគសញ្ញាបង្ហាញថា ឆ្លងវីរុស HIV ដែរ។
រមាស់ត្រង់គល់រោម៖ ជារោគសញ្ញាជំងឺកាមរោគ បណ្ដាលមកពីសត្វល្អិត។ បើយើងសម្លឹងមើលឲ្យច្បាស់ នឹងឃើញកំណកសៗតូចល្អិតជាប់នៅនឹងគល់រោម។
រោគសញ្ញាដែលបានបង្ហាញខាងលើ ដើម្បីឲ្យកាន់តែច្បាស់លាស់ត្រូវទៅជួបជាមួយគ្រូពេទ្យ ដើម្បីធ្វើរោគវិនិច្ឆ័យ ក្នុងករណីដែលដឹងច្បាស់ខ្លួនឯងថាបានរួមភេទជាមួយដៃគូ មិនបានការពារ ឬការពារដែរតែភ្លាត់ស្នៀតដោយប្រការណាមួយ។
អត្ថបទគួរអាន៖
- នេះហើយលំហាត់ប្រាណ ជួយឲ្យឆ្អឹងកាន់តែល្អ មិនងាយពុកឆ្អឹងផ្ដេសផ្ដាស
- អាហារសំខាន់ៗជួយឲ្យឆ្អឹងមានសុខភាពរឹងមាំ ពីក្មេងដល់ចាស់
- កាល់ស្យូមល្អសម្រាប់ក្មេង បើខ្វះច្បាស់ជាមានបញ្ហាឆ្អឹងធ្ងន់ធ្ងរ
- ម៉េចបានពេទ្យហាមមិនឲ្យយើង ឬក្មេងៗគេងផ្កាប់មុខ ហើយប៉ះពាល់អីខ្លះ?
- ទឹករ៉ែ ខុសពីទឹកធម្មតាម៉េចខ្លះ? ម៉េចបានអ្នកមានផឹកជាប្រចាំ?
- វីតាមីន និងរ៉ែ ទាំងនេះ សំខាន់ខ្លាំងសម្រាប់ការលូតលាស់របស់កុមារ
តើជំងឺកាមរោគផ្ដល់ផលវិបាកអ្វីខ្លះដល់ការរស់នៅ?
ជំងឺកាមរោគមួយចំនួនដែលកើតឡើង ហើយមិនបានព្យាបាលឲ្យត្រឹមត្រូវ ឬព្យាបាលយឺតពេលអាចបង្កបញ្ហាដល់ជីវភាពរស់នៅ ដូចជាជំងឺ ប្រមេះទឹកបាយជាដើម។ ក្នុងករណីដែលមិនបានព្យាបាល ឬព្យាបាលមិនទាន់ពេល អាចបណ្ដាលឲ្យបាត់បង់សមត្ថភាពបង្ករកំណើតបាន។ នៅមានផលវិបាកផ្សេងទៀតដូចជា៖
- ទារកកើតមិនគ្រប់ខែ កើតមកតូចពេក ងងឹតភ្នែកឈឺ ឬស្លាប់។
- ស្លាប់ដោយសារការបង្ករោគធ្ងន់ធ្ងរ។
- ឈឺចាប់យូរអង្វែង។
- មហារីកមាត់ស្បូន បំពង់ក ឬរន្ធគូថ។
- ហានិភ័យកើតឡើងចំពោះការឆ្លងជំងឺកាមរោគផ្សេងៗទៀត
ដូច្នេះបុរសៗនៅពេលដែលឃើញរាល់រោគសញ្ញាសង្ស័យ គួរតែប្រញាប់ទៅជួបជាមួយគ្រូពេទ្យឲ្យលឿនទើបជាការល្អ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម