ជំងឺប្រមេះ! ឮតែឈ្មោះ តើវាអាចបង្កគ្រោះថ្នាក់ដល់ជីវិតទេ?

បើនិយាយទៅដល់ជំងឺប្រមេះ គឺចែកចេញជាពីរ ប្រមេះទឹកបាយ និង ប្រមេះទឹកថ្លា ហើយជំងឺនេះមិនងាយបង្កគ្រោះថ្នាក់ដល់ជីវិតនោះទេ ប៉ុន្ដែវាអាចបង្កដោយប្រយោល ដោយការរាលដាលទៅជាជំងឺផ្សេងទៀត មកបំផ្លាញជីវិតអ្នកជំងឺបាន។ បើដូច្នេះនៅតែជារឿងមួយគួរឲ្យភ័យខ្លាចបើ​សិន​គ្មានវិធានការព្យាបាលឲ្យទាន់ពេលវេលានោះ។

ជាទូទៅហើយ ដែលជំងឺប្រមេះឆ្លងតាមការរួមភេទដោយមិនបានការពារឲ្យត្រឹមត្រូវ អ្នកចម្លងជំងឺភាគច្រើនមិនដឹងឡើយថា ខ្លួនមានផ្ទុកជំងឹនេះ ហើយបានឆ្លងពីភពណាឲ្យប្រាកដ ឬកើតជំងឺដោយខ្លួនឯងក៏មិនបានដឹង។ ជំងឺប្រមេះអ្នកចាប់ផ្ដើមកើតដំបូង​មិនបង្ហាញរោគ​សញ្ញាអ្វីនោះទេ ទើបជាហេតុបង្កការចម្លងទៅកាន់ដៃគូយ៉ាងងាយ ដោយការរួមភេទមិនបានការពារ។ មាន​អ្នកជំងឺខ្លះអាចត្រូវចំណាយពេលយូទើបងបង្ហាញរោគសញ្ញា ភាគច្រើនពួកគេ និយាយថា គឺគ្មានអារម្មណ៍ថាកើតទាល់តែសោះ បើមិនបានពិនិត្យធ្វើតេស្ដស្វែងរក។

អត្ថបទគួរអាន៖

• ទម្លាប់​មិន​ល្អ​ទាំង​៦​ បំផ្លាញ​សុខភាព​បេះដូង​​ដោយ​មិន​ដឹង​ខ្លួន​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​
• ខ្វះ​​ឈាម​​ទៅ​ចិញ្ចឹម​បេះដូង អាច​ចេញ​រោគសញ្ញា​ទាំង​នេះ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ផលអាក្រក់ដែលអ្នកជំងឺប្រមេះបង្ហាញរោគសញ្ញា ចំពោះស្រី គឺមានធ្លាក់ស ពិបាកនោម ធ្លាក់ឈាមខុសពីធម្មតាពេលមករដូវ និង ភាគច្រើនទៀតអាចមានការហូរខ្ទុះចេញពីមាត់ស្បូន តាម​ទ្វារមាស។ បើចំពោះបុរសវិញគឺ មានសភាព នោមក្ដៅឆួល ក្រហាយ មានខ្ទុះនៅចុងលិង្គពេលនោមហើយ ទឹកនោមក្ដៅមានពណ៌ល្អក់ បើធ្ងន់ធ្ងរបន្ដិចអាចឈានទៅដល់ការហើមនៅតំបន់​ពងស្វាស ក៏មាន។

រោគសញ្ញាទាំងនេះស្ថិតក្នុងដំណាក់កាលដំបូង អ្នកជំងឺមិនថាបុរសឬស្ដ្រីនោះទេ​គឺ ភាគច្រើនមិនសូវចាប់អារម្មណ៍ ពិនិត្យធ្វើតេស្ដនោះទេ ពួកគេតែងតែគិតថា គឺជាជំងឺដែលកើតឡើងស្រាលធម្មតា អាចនឹងបាត់ទៅវិញពេលណាមួយ។ ដូច្នេះការណ៍ដែលមិនបានយកចិត្ដទុកដាក់ ព្យាបាល ឬបណ្ដោយទុកឲ្យយូរនោះនឹងបង្ក​ហារ​និភ័យដូចជា៖ វាអាចបង្កឲ្យកើតជំងឺ រលាកអាងត្រគាក ឈឺអាងត្រគាករ៉ាំរ៉ៃ ប៉ះពាល់សមត្ថភាពបង្កកំណើត ការអាប់សែក្រពេញ Bartholin និងអាចឈានទៅដល់មហារីកមាត់ស្បូន។​ ចំពោះបុរសវិញ អាចបង្កឲ្យអសមត្ថភាព​បង្កកំណើត រលាកពងស្វាស រលាកក្រពេញប្រូស្ដាត ត្បៀតបំពង់បង្ហួរនោម ជាដើម។

សរុបមកការកើតជំងឺប្រមេះ ថ្វីត្បិតតែវាមិនអាចធ្វើឲ្យយើងគ្រោះថ្នាក់ដល់ជីវិតភ្លាមៗ ប៉ុន្ដែវាក៏​តែងតែបង្កការរំខានដល់ក្ដីសុខរស់នៅ រហូតដល់ពេលមួយដែលវានឹងបង្កទៅជំងឺថ្មីផ្សេងទៀត ដែលអាចគំរាមកំហែងដល់ជីវិត។ ក្នុងស្ថានដែលគ្នាយើងជួបប្រទះនឹងរោគសញ្ញមិនប្រក្រតី ដូចដែលបានបង្ហាញខាងលើ គួរតែប្រញាប់ទៅជួបពិគ្រោះជាមួយគ្រូពេទ្យ ដែលនៅក្បែរឲ្យបាន​លឿន ដើម្បីទទួលការធ្វើរោគវិនិច្ឆ័យ ព្យាបាលឲ្យទាន់ពេលវេលា ជៀសវាងជំងឺកាន់តែធ្ងន់ធ្ងរ។

ចង់គណនា BMR ចុចទីនេះ!

ចង់គណនា BMI ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

ចង់ពិនិត្យសុខភាពប្រព័ន្ធរំលាយអាហារ ចុចទីនេះ!