ប្រុសៗយើងប្រហែលជាធ្លាប់ឆ្ងល់ដែរថា ពេលរួមភេទបើប្រើស្រោមអនាម័យពីរជាន់ អាចមានសុវត្ថិភាពកាន់តែខ្ពស់ជាងប្រើមួយជាន់? ជាទូទៅមិនមានការណែនាំឲ្យប្រើស្រោមអនាម័យពីរជាន់ក្នុងពេលរួមភេទនោះទេ។
មាតិកា
ប្រើស្រោមអនាម័យពីរជាន់ មានសុវត្ថិភាពជាងមួយជាន់?
១. អាចជាគំនិតល្អ តែគ្មានភស្តុតាងជាក់លាក់
ពេលគិតដល់រឿងប្រើស្រោមអនាម័យពីរជាន់ពេលរួមភេទ មើលទៅហាក់ដូចជាគំនិតល្អណាស់ដែរ តែការពិតជាក់ស្តែងមិនមានការណែនាំឲ្យធ្វើដូចនេះទេ។ មកដល់ពេលនេះ មិនមានភស្តុតាងបែបវិទ្យាសាស្រ្តណាមួយបញ្ជាក់ថាពាក់ស្រោមអនាម័យពីរជាន់អាចមានប្រសិទ្ធភាពខ្ពស់ជាងពាក់តែមួយនោះទេ។ ការប្រើប្រាស់ស្រោមអនាម័យបានត្រឹមត្រូវ ត្រឹមតែមួយគឺសុវត្ថិភាពល្អទៅហើយ។ ការប្រើប្រាស់ស្រោមអនាម័យ ត្រូវគេដឹងថាមានប្រសិទ្ធភាពការពារមិនឲ្យមានផ្ទៃពោះចន្លោះពី៨៥%ទៅ៩៨% ឯណោះ។
២. ហេតុអ្វីមិនគួរប្រើស្រោមអនាម័យពីរជាន់?
ក្រុមគ្រូពេទ្យឯកទេសខាងសុខភាពផ្លូវភេទ បានលើកឡើងថា ការប្រើស្រោមអនាម័យពីរជាន់ក្នុងពេលតែមួយអាចធ្វើឲ្យកម្រិតនៃការកកិតរវាងស្រោមទាំងពីរអំឡុងពេលរួមភេទមានកម្រិតខ្ពស់។ ការកកិតកាន់តែខ្លាំង អាចធ្វើឲ្យមានឱកាសដាច់ ឬរហែកស្រោមបាន។ ដោយសារតែមានការពិបាកក្នុងការសិក្សាលើការប្រើប្រាស់ស្រោមអនាម័យពីរជាន់ ទើបមិនមានភស្តុតាងវិទ្យាសាស្រ្តគ្រប់គ្រាន់ ថាការធ្វើដូចនេះ មានសុវត្ថិភាពនោះ។
គ្មានវិធីសាស្រ្តពន្យារកំណើតណាមួយ មានប្រសិទ្ធភាពខ្ពស់ក្នុងការការពារខ្លួនយើងពីជំងឺកាមរោគ ដូចជាការប្រើស្រោមអនាម័យនោះទេ។ ដូចនេះហើយរាល់ពេលរួមភេទ ការប្រើប្រាស់ស្រោមអនាម័យជារឿងចាំបាច់ ហើយប្រើតែមួយគឺគ្រប់គ្រាន់ហើយ។
ក្នុងករណីគ្នាយើងបារម្ភពីរឿងមានផ្ទៃពោះ នឹងចង់បន្ថែមស្រោមអនាម័យមួយជាន់ទៀត គួរធ្វើបែបនេះនេះវិញ៖
- បើមិនទាន់ចង់មានផ្ទៃពោះ អាចប្រើវិធីសាស្រ្តពន្យារកំណើតផ្សេងទៀត មានដូចជាថ្នាំគ្រាប់ពន្យារកំណើត ឬដាក់កងក្នុងស្បូន ព្រមជាមួយការប្រើស្រោមអនាម័យពេលរួមភេទ។
- បើពាក់ស្រោមអនាម័យហើយ នៅតែបារម្ភរឿងមានផ្ទៃពោះទៀត ចូរដកលិង្គចេញពីយោនី មុនពេលចេញទឹកកាម។
ដូចនេះហើយ គ្នាយើងត្រូវដឹងថា ស្រោមអនាម័យផលិតឡើងមិនមែនសម្រាប់ប្រើពីរជាន់រួមគ្នាទេ។ ហេតុនេះហើយបានជាក្រុមហ៊ុនផលិត និងស្ថាប័នសុខភាពធំៗមួយចំនួនទៀតមិនណែនាំឲ្យធ្វើដូចនេះ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Can You Use Two Condoms for Extra Protection? https://kidshealth.org/en/teens/2-condoms.html
Why Double Wrapping Condoms Can Be Risky https://www.verywellhealth.com/double-bagging-condoms-using-two-condoms-906780
Is it better to double up on condoms in case the first one breaks? https://www.plannedparenthood.org/learn/teens/ask-experts/is-it-better-to-double-up-on-condoms-in-case-the-first-one-breaks
កំណែប្រែបច្ចុប្បន្ន
30/07/2021
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម