អាការៈឈឺចាប់ប្រដាប់ភេទច្បាស់ជាបង្កជាការរំខានដល់គ្នាយើងយ៉ាងខ្លាំង។ ពិតណាស់ ការឈឺចាប់ប្រដាប់ភេទនៅត្រង់ផ្នែកនីមួយៗសុទ្ធតែបណ្ដាលមកពីមូលហេតុផ្សេងៗ ដូច្នេះហើយ គ្នាយើងគប្បីស្វែងរកពីមូលហេតុបង្កឲ្យបានច្បាស់លាស់ ក៏ដូចជាស្វែងរកដំណោះស្រាយឲ្យបានទាន់ពេលវេលា។

១. ឈឺចាប់នៅចុងលិង្គ

ការរលាក ឬការឈឺក្រហាយនៅចុងលិង្គអាចបណ្ដាលមកពីសាប៊ូជ្រាបចូលផ្នែកខាងក្នុងនៃចុងលិង្គ។ នៅក្នុងករណីនេះ យើងអាចមានអារម្មណ៍ក្រហាយភ្លាមៗ បន្ទាប់ពីសាប៊ូជ្រាបចូលក្នុងបង្ហួរនោម ប៉ុន្តែពេលខ្លះ យើងមិនមានអារម្មណ៍ឈឺចាប់ឡើយ រហូតទាល់តែពេលយើងនោម។ យ៉ាងណាមិញ ប្រសិនបើការឈឺចាប់នេះមិនបាត់ទៅវិញក្រោយរយៈពេល១ថ្ងៃ ឬ២ថ្ងៃ វាអាចជាសញ្ញានៃការឆ្លងជំងឺកាមរោគ ជាពិសេស នៅពេលដែលយើងមានធ្លាក់ទឹករម្អិលពណ៌ស ឬពណ៌បៃតង អមជាមួយ។ មូលហេតុមួយទៀតនៃការឈឺចាប់ផ្នែកខាងចុងលិង្គ ក៏អាចជាសញ្ញានៃក្រួសតម្រងនោមដែរ ប្រសិនបើយើងមានអាការៈឈឺចាប់នៅផ្នែកខាងក្រោមពោះផងនោះ។

២. ឈឺចាប់នៅពងស្វាស

អាការៈឈឺចាប់ខ្លាំងនៅពងស្វាសកើតឡើងបន្ទាប់យើងលើកទម្ងន់ លើកសម្ភារៈធ្ងន់ៗ ឬឈររយៈពេលយូរម៉ោង។ ជាធម្មតា ការឈឺចាប់នឹងមានការធូរស្រាលនៅពេលដែលយើងគេង។ មូលហេតុដែលកើតអាការៈនេះ គឺបណ្ដាលមកពីជំងឺរីកសរសៃឈាមនៅពងស្វាស ដែលធ្វើឲ្យពងស្វាសឡើងក្ដៅ និងបណ្ដាលឲ្យមានការឈឺចាប់។ ប្រសិនបើយើងជួបបញ្ហានេះ ចូរពិគ្រោះយោបល់ជាមួយនឹងគ្រូពេទ្យ ទើបជាការប្រសើរ។

ឈឺប្រដាប់ភេទ២

៣. ក្រហាយនៅពេលនោម

ប្រសិនបើយើងមានអាការៈឈឺចាប់ខ្លាំងអំឡុងពេលនោម យើងអាចកំពុងប្រឈមនឹងជំងឺមហារីកប្លោកនោម។ នៅក្នុងករណីដែលយើងមានការឈឺចាប់នៅពេលនោម ព្រមទាំងនោមមានឈាម វាអាចបណ្ដាលឲ្យទឹកនោមមានពណ៌ក្រហម។

មូលហេតុទូទៅមួយទៀត គឺជាការឆ្លងមេរោគលើផ្លូវទឹកនោម ដែលកើតឡើងនៅពេលដែលបាក់តេរីឆ្លងចូលទៅក្នុងបំពង់បង្ហូរនោម។ បន្ថែមពីនេះ ជំងឺកាមរោគក៏អាចជាមូលហេតុនៃអាការៈក្រហាយនៅពេលនោមដូចគ្នា។

ស្រាយ​ចម្ងល់​ ​ការ​ឈឺ​ចាប់ ៣ប្រភេទលើ​ប្រដាប់​ភេទ​ ប្រុស​ៗ​គួរ​ដឹង​!​

១. ឈឺ​ចាប់​នៅ​ចុង​លិង្គ​

២. ឈឺ​ចាប់​នៅ​ពងស្វាស​

៣.​ ក្រហាយ​នៅ​ពេល​នោម​

ស្រាយចម្ងល់ ការឈឺចាប់ ៣ប្រភេទលើប្រដាប់ភេទ ប្រុសៗគួរដឹង!

១. ឈឺចាប់នៅចុងលិង្គ

២. ឈឺចាប់នៅពងស្វាស

៣. ក្រហាយនៅពេលនោម