តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ការ​ប្រើ​ក្រុមថ្នាំ Alpha Blockers ព្យាបាល​លើស​ឈាម

ការ​ប្រើ​ក្រុមថ្នាំ Alpha Blockers ព្យាបាល​លើស​ឈាម

លើសឈាម បើជ្រុលកើតហើយ គឺត្រូវរ៉ាំរ៉ៃអស់មួយជីវិត។ អ្នកលើសឈាម ត្រូវលេបថ្នាំលើសឈាម (បញ្ចុះឈាម) ជាប្រចាំ​ជា​រៀង​រហូត។ “Hello គ្រូពេទ្យ” នឹងលើក​យក​ថ្នាំ​បញ្ចុះ​ឈាម​ប្រភេទ Alpha Blockers ​ឲ្យ​គ្នាយើង​ទាំងអស់គ្នាស្វែងយល់។

១- ឈ្មោះក្រុម​ថ្នាំ Alpha Blocker គួរដឹង

ថ្នាំ Alpha Blocker ជា​ក្រុមថ្នាំ​មួយ​ប្រភេទដែល​មាន​សកម្មភាព​លើ​ រេស៊ីបទ័រ អាល់ហ្វា (Alpha-adrenergic antagonist) អាច​​ព្យាបាល​ជំងឺ​លើស​ឈាម​បាន។ ថ្នាំ​ខ្លះ​នៃប្រភេទក្រុមថ្នាំនេះ មាន​សកម្មភាព​លឿន តែ​មាន​ប្រសិទ្ធភាព​មិន​បានយូរ​ ឯ​ថ្នាំ​ខ្លះ​មាន​សកម្មភាព​យឺត​ ប៉ុន្តែ​ប្រសិទ្ធភាព​បាន​យូរ។ ពេទ្យ​នឹង​​រើស​ថ្នាំ​ដែល​ល្អ​បំផុត​សម្រាប់​ស្ថានភាព​អ្នក​ជំងឺ។

ខាង​ក្រោម​នេះជា​ឈ្មោះថ្នាំ​ខ្លះៗក្នុងប្រភេទ Alpha Blockers ​ដែល​មានតាមឱសថ​ស្ថាន​៖
– Doxazosin mesylate
– Prazosin hydrochloride
– Terazosin hydrochloride

២- គួរប្រើ Alpha Blocker ពេលណា?

Alpha Blocker ​មិន​មែន​ជា​ថ្នាំ​ជម្រើស​ទី​១ ​ក្នុង​ការ​ព្យាបាល​លើសឈាមទេ​ ​ប៉ុន្តែគេ​​ប្រើ​វាជាមួយថ្នាំ​លើសឈាម​ផ្សេង​ទៀត​ដើម្បីបញ្ចុះសម្ពាធឈាម​ ក្នុង​ករណី​​សម្ពាធ​ឈាម​​​ពិបាក​គ្រប់​គ្រង។

ទោះ​បី​ក្រុមថ្នាំថ្នាំ​នេះមានប្រសិទ្ធភាពខ្ពស់ ពេលសម្ពាធឈាមឡើងខ្ពស់ក៏ដោយ វា​មិន​ល្អ​ដូច​ថ្នាំ​លើស​ឈាម​ផ្សេង​ទៀត​សម្រាប់​​ការពារ​ជំងឺ​ដាច់​សរសៃ​ឈាម​ខួរក្បាល​ និង​គាំង​បេះដូង​ទេ។ Alpha Blocker ​ត្រូវ​ណែនាំ​ឲ្យប្រើ ​ពេល​​ថ្នាំ​ផ្សេងទៀតមិន​មាន​ប្រសិទ្ធភាព ហើយក៏​អាច​ប្រើ​សម្រាប់​ការពារ​កុំ​ឲ្យ​ក្រពេញ​ប្រូស្តាត​រីក​ធំ​ផង​ដែរ។

៣- ប្រតិកម្មថ្នាំក្រោយលេប Alpha Blocker

រេសិបទ័រ អាល់ហ្វា (Alpha receptors) នៅ​ក្នុង​សាច់​ដុំ​ជញ្ជាំង​​សរសៃ​ឈាម មាន​តួនាទី​រឹត​សរសៃឈាម​ឲ្យតូច និង​បិទ​សកម្មភាព​រេសិបទ័រ​អាល់ហ្វា​ ដើម្បី​សម្រួល​សរសៃ​ឈាម​ឲ្យ​បន្ត​បើក​ធំ ហើយ​​វា​ជួយ​បន្ថយ​ជាតិ​ខ្លាញ់​អាក្រក់​ (LDL cholesterol)​ បាន​ទៀត។

ជំងឺលើសសម្ពាធឈាម

៤- ផលរំខាន ក្រោយ​ប្រើ​ថ្នាំ Alpha Blocker

Alpha blockers អាច​ធ្វើឲ្យមាន​ផល​រំខាន​​តិចតួច ​ជា​ទូទៅ​កើត​មាន​ក្នុង​អំឡុង​ ២ សប្ដាហ៍ បន្ទាប់​ពី​ប្រើ​ថ្នាំ។ ខ្លះ​អាច​បង្ក​ឲ្យសន្លប់​ភ្លាម​ពេល​ក្រោក​ឈរ បន្ទាប​ពី​លេប​ថ្នាំ​ដំបូង។ អ៊ីចឹងហើយ ពេទ្យណែនាំ​ឲ្យ​ប្រើ​មុនពេល​ចូល​គេង។ កម្រិត​ប្រើ​ថ្នាំ​ដំបូង​អាច​​ទាប បន្ទាប់​មក​បង្កើន​បន្តិច​ម្ដងៗក្នុង​រយៈពេល​ ២​ ទៅ ៣​ សប្តាហ៍។

ផល​រំខាន​ញឹក​ញាប់​ដែល​​ជួប មាន៖
– វិល​មុខ ឈឺ​ក្បាល ខ្សោយ​
– បេះដូង​លោត​ខ្លាំង
– ឡើង​ទម្ងន់​
– ក្អួត អស់​កម្លាំង
– ចុះ​សម្ពាធ​ឈាមលឿន​ ពេល​ងើប​ឈរ​ ឬ​ទម្រេត​ខ្លួន​ភ្លាម​ៗ​
– ហើម​ជើង​ ឬ​ក​ជើង
– ឡើង​កន្ទួល​រមាស់
– បញ្ហា​ដំណេក
– លិង្គ​មិនរឹង។​

Alpha blocker អាច​បន្ថយ​ប្រសិទ្ធភាព​ថ្នាំប្រឆាំង​ជំងឺ​បាក់​ទឹកចិត្ត (Anti-depressant) អ៊ីចឹងគួរ​ប្រាប់​ពេទ្យ​ពី​ថ្នាំ​ដែល​ប្រើ​ពី​មុន មុន​នឹង​ព្យាបាល​។

៥- អ្នកណាខ្លះមិនគួរប្រើថ្នាំ Alpha Blocker?

– បើ​​មាន​ប្រវត្តិកើតជំងឺ​ខ្សោយ​បេះដូង​ ​ថ្លើម តម្រងនោម​ Pakinson (ជំងឺ​ញ័រ​ដៃ​ជើង ​កើត​លើ​មនុស្ស​ចាស់) ពេទ្យនឹងណែនាំមិនឲ្យប្រើឡើយ។
– បើកំពុង​ពពោះ​ បំបៅដោះកូន និងត្រៀមយកកូន ត្រូវ​ប្រាប់​ពេទ្យ ដើម្បី​ឲ្យពេទ្យ​អាច​ថ្លឹង​ថ្លែង​ពី​គុណសម្បត្តិ និង​គុណ​វិបត្តិ មុន​ចេញ​ថ្នាំ ​Alpha Blocker ឲ្យ​ប្រើ។

Alpha blockers ជាប្រភេទថ្នាំព្យាបាលលើសឈាម ដោយវាបន្ធូរសរសៃឈាម។ វាមិនមែនជាជម្រើសប្រភេទថ្នាំទី១ គេត្រូវប្រើទេ។ វាអាចមានផលរំខានខ្លះ តែមិនធ្ងន់ធ្ងរឡើយ។

Verifying...
health-tool-icon

រង្វាស់ចង្វាក់បេះដូង

លោកអ្នក​អាច​គណនាដឹងពី​ "អត្រាបេះដូងលោតពេលសម្រាក" ធម្មតា និង​អតិបរមា ​ទៅ​តាម​កម្រិត​អាយុ របៀប​ហាត់ប្រាណ​ និង​សកម្មភាព​ផ្សេង​ទៀត​ដែល​អាច​ជះឥទ្ធិពលដល់​ ចង្វាក់បេះដូងលោត។

ប្រុស

ស្រី

អ្នក​ពិនិត្យ​ឲ្យ​អ្នក​ណាដែរ?

អត្រាបេះដូងលោតពេលសម្រាក របស់អ្នក​ចំនួន​ប៉ុន្មានដែរ? (ដង/នាទី)

60

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

High blood pressure (hypertension) – Alpha blockers. http://www.mayoclinic.org/diseases-conditions/high-blood-pressure/in-depth/alpha-blockers/art-20044214. Accessed June 1, 2017.

Alpha-blockers for treating high blood pressure. http://www.webmd.boots.com/hypertension-high-blood-pressure/guide/alpha-blockers. Accessed June 1, 2017.

Types of Blood Pressure Medications. http://www.heart.org/HEARTORG/Conditions/HighBloodPressure/PreventionTreatmentofHighBloodPressure/Types-of-Blood-Pressure-Medications_UCM_303247_Article.jsp. Accessed June 1, 2017.

How Is High Blood Pressure Treated?. https://www.nhlbi.nih.gov/health/health-topics/topics/hbp/treatment. Accessed June 1, 2017.

រូបថត​របស់​អ្នក​និពន្ធbadge
ដោយ យ៉ានណែត ដាញែល កែសម្រួល​ចុងក្រោយ 27/02/2021
ត្រួតពិនិត្យដោយ គឹម កាណែល