និយមន័យ

១- អ្វីជាការញៀនការងារ?

២- កើតមានញឹកញាប់ដែរទេ?

តាមការស្រោវជ្រាវ ប្រមាណ ៥–១០% នៃពលរដ្ឋ អាមរិក កើតជំងឺញៀនការងារ ខណៈការស្រាវជ្រាវផ្សេងទៀត គឺកើន២៥% ឯណោះ។

ដោយសារជំងឺញៀនការងារមានអត្រាខ្ពស់ ហើយមនុស្សភាគច្រើនលើពិភពលោក ប្រកបរបបចិញ្ចឹមជីវិត ដោយធ្វើការ ហេតុនេះទើបត្រូវយល់ដឹងឲ្យច្បាស់ថាអ្វី គឺជាជំងឺញៀនការងារ។

រោគសញ្ញា

៣- រោគសញ្ញាមានអ្វីខ្លះ?

មនុស្សញៀននឹងការងារ តែងតែព្យាយាមប្រាប់ដាក់មូលហេតុលើខ្លួនឯង ថាធ្វើការងារច្រើនជារឿងល្អ អាចជួយឲ្យទទួលបានជោគជ័យ។ ករណីខ្លះ អាចគ្រាន់តែប្រឹងធ្វើការងារធម្មតា ឬខ្លះទៀតគឺដើម្បីភាពជោគជ័យ។ យ៉ាងណា មហិច្ចតា និងជំងឺញៀនធ្វើការ គឺខុសគ្នាទាំងស្រុង។

គ្នាយើងញៀននឹងការងារ អាចខំធ្វើការឲ្យលឿនដើម្បីចៀសបញ្ហាជីវិតរបស់ខ្លួន។ វាស្រដៀងនឹងការញៀនដទៃទៀតដែរ គឺពួកគេអាចនឹងមិនដឹង ឬមិនគិតពីផលអវិជ្ជមានឡើយ។

រោគសញ្ញាញៀនការងាររួមមាន៖

– នៅកន្លែងធ្វើការយូរម៉ោង សូម្បីពេលមិនចាំបាច់

– គេងមិនគ្រប់គ្រាន់ ដើម្បីចូលរួមក្នុងគម្រោងការងារ ឬបញ្ចប់ការងារណាមួយ

– ជក់ចិត្តនឹងភាពជោគជ័យ ដែលជាប់ទាក់ទងទៅនឹងការងារ

– ភ័យខ្លាចខ្លាំងចំពោះការបរាជ័យនៅកន្លែងធ្វើការ

– ឆ្កួតនឹងការទំនាក់ទំនងប្រតិបត្តិការងារ

– ខូចខាចទំនាក់ទំនងផ្ទាល់ខ្លួន ដោយសារតែការងារ

– មានការប្រុងប្រយ័ត្នការងារខ្លាំង

– ធ្វើការងារ ដើម្បីផ្តាច់ខ្លួនពីទំនាក់ទំនងផ្សេងៗ

– ធ្វើការដើម្បីដោះស្រាយ បញ្ហាអារម្មណ៍ គិតថាខ្លួនឯងមានកំហុស ឬបាក់ទឹកចិត្ត

– ធ្វើការ ដើម្បីគេចពីវិបត្ដិមួយចំនួន ដូចជា ការស្លាប់ លែងលះ ឬបញ្ហាហិរញ្ញវត្ថុ។

អាចមានរោគសញ្ញាផ្សេងៗដែលមិនបានរៀបរាប់នៅខាងលើ។ បើសិនជាមានមន្ទិលសង្ស័យណាមួយ សូមទៅពិគ្រោះជាមួយគ្រូពេទ្យ។

៤- ពេលណាគួរទៅជួបពេទ្យ?

បើយើងខ្លួនឯង ឬមនុស្សជាទីស្រលាញ់របស់យើង មានរោគសញ្ញាបង្ហាញដូចខាងលើ ឬមានសំនួរអ្វីនោះ សូមពិគ្រោះជាមួយគ្រូពេទ្យ ព្រោះរាងកាយរបស់មនុស្សម្នាក់ៗខុសអាចបង្ហាញខុសគ្នា។

មូលហេតុបង្ក

៥- អ្វីខ្លះជាមូលហេតុបង្ក?

ជំងឺញៀនការងារ ភាគច្រើនកើតលើក្រុមមនុស្សងប់ងល់ និងភាពល្អឥតខ្ចោះ។ ការឲ្យតម្លៃខ្លួនឯងទាប ក៏ជាកត្តាធ្វើឲ្យវិវត្តទៅរកជំងឺញៀនការងារដូចគ្នា មូលហេតុ គឺដោយសារតែចង់ឲ្យថ្នាក់លើពេញចិត្ត។ មានការស្រាវជ្រាវខ្លះបញ្ជាក់ថា គ្នាយើងញៀនការងារភាគច្រើន សុទ្ធតែមានប៉ាម៉ាក់ តែការរំពឹងទុកខ្ពស់ពីយើង នាំឲ្យគិតថាក្តីស្រឡាញ់របស់ប៉ាម៉ាក់ច្រើន ឬតិចអាស្រ័យទៅលើភាពជោគជ័យយើងទទួលបាន។

កត្តាប្រឈម

៦- កត្តាប្រឈមមានអ្វីខ្លះ?

កត្តាប្រឈមផ្សេងៗ នាំឲ្យញៀនការងារ មានដូចជា៖

– គិតដដែលៗ ធ្វើអ្វីមួយដដែលៗ

– ថប់បារម្ភ

– ចរិតលក្ខណះ មនុស្សប្រភេទ A (គ្មានភាពអត់ធ្មត់ ឆាប់ខឹង ចូលចិត្តប្រកួតប្រជែង និងមហិច្ឆិតាធំ)

– យកការងារ ដើម្បីបន្លប់ភាពឈឺចាប់អ្វីមួយ។

រោគវិនិច្ឆ័យ និងការព្យាបាល

ព័ត៌មាននេះ មិនអាចយកទៅប្រើប្រាស់គ្រប់ប្រភេទជំងឺទេ។ គួរពិភាក្សាជាមួយគ្រូពេទ្យជំនាញ សម្រាប់ព័ត៌មានបន្ថែម។

៧- គួរធ្វើរោគវិនិច្ឆ័យដោយវិធីណា?

Bergen Work Addiction Scale ជាភាសាបច្ចេកទេស ប្រើសម្រាប់ធ្វើរោគវិនិច្ឆ័យជំងឺញៀនការងារ។ វិធីសាស្ត្រនេះ បង្កើតដោយសាស្ត្រាចារ្យផ្នែកចិត្តសាស្ត្រ នៃសាកលវិទ្យាល័យ Bergen ប្រទេស ណ័រវេ និងត្រូវបានទទួលស្គាល់ដោយសហគមន៍វេជ្ជសាស្រ្ត។ វិធីនេះ ផ្តោតលើការវាស់វែងកត្តាជាច្រើន ដូចជា ថាតើទិដ្ឋភាពជាក់លាក់ណាមួយបានកើតឡើងប៉ុន្មានដងនៅក្នុងជីវិតយើង ដោយប្រើប្រាស់ខា្នតដូចជា៖

– មិនធ្លាប់ (១)

– កម្រ (២)

– ម្តងម្កាល (៣)

– ញឹកញាប់ (៤)- តែងតែ (៥)

ខ្នាតខាងលើនេះយើងយកមកវាស់ជាមួយនឹងស្ថានភាពមួយចំនួនដូចខាងក្រោម៖

– យើងគិតថាធ្វើយ៉ាងណា ដើម្បីបង្កើតពេលវេលាកាន់តែច្រើនធ្វើការងារ

– ធ្វើការដើម្បីគេចវេស លប់លាងកំហុស ភាពទន់ខ្សោយ បាក់ទឹកចិត្ត និងថប់បារម្ភ

– មានអ្នកណែនាំឲ្យបន្ថយធ្វើការងារ តែយើងបដិសេធ

– ចំណាយពេលធ្វើការ ច្រើនជាងផែនការគិតទុក

– មានអារម្មណ៍ស្ត្រេសពេលមិនបានធ្វើការ

– កាត់បន្ថយការកំសាន្ត សកម្មភាពសប្បាយៗ និងពេលវេលាហាត់ប្រាណ ដើម្បីមានពេលធ្វើការឲ្យបានច្រើន

– ធ្វើការហួសកំណត់ នាំឲ្យប៉ះពាល់ដល់សុខភាព។

យោងទៅតាមទស្សនាវដី្តចិត្តវិទ្យា Scandinavian បញ្ជាក់ថា បើយើងឆ្លើយថា “ញឹកញាប់’ ឬ “តែងតែ’ យ៉ាងតិច ៤ សំនួរខាងលើ នោះយើងអាចមានជំងឺញៀនការងារ។

៨- ព្យាបាលដោយវិធីណា?

បើយើងមានញៀនការងារ មិនត្រូវការព្យាបាលដល់កម្រិតដូចមនុស្សញៀនថ្នាំនោះទេ។ ប៉ុន្តែយើងត្រូវការព្យាបាលតាមរយៈកម្មវិធីព្យាបាល ទាំងក្នុង និងក្រៅមន្ទីរពេទ្យ ដើម្បីគ្រប់គ្រងអាកប្បកិរិយា។ កម្មវិធីស្តារនីតិសម្បទាភាគច្រើនសម្រាប់ញៀនថ្នាំ និងញៀនស្រា ក៏អាចជាជំនួយសម្រាប់ព្យាបាលជំងឺញៀនការងារធ្ងន់ធ្ងរផងដែរ។ ព្យាបាលក្នុងមន្ទីរពេទ្យ តម្រូវឲ្យយើងសម្រាក នៅក្នុងពេទ្យក្នុងអំឡុងពេលព្យាបាល ខណៈព្យាបាលខាងក្រៅ អាចឲ្យយើងនៅផ្ទះ និងទទួលការប្រឹក្សានៅពេលថ្ងៃ។ ជំងឺញៀនការងារ ទាមទារការព្យាបាលពីកម្មវិធីព្យាបាល ឈ្មោះថា ក្រុម ១២ជំហាន (12-Step) និងកម្មវិធីព្យាបាលជាក្រុមផ្សេងទៀត។ នៅក្រៅប្រទេស កម្មវិធីព្យាបាលទាំងនេះ មាននៅក្នុងអង្គការធំៗមួយចំនួន រាប់បញ្ចូលទាំងអង្គការ Workaholics Anonymous ជាដើម។

ការព្យាបាលជាក្រុម ផ្តល់ឱកាសឲ្យយើងបង្កើតទំនាក់ទំនងជាមួយ និងគ្នាយើងមានជំងឺនេះផ្សេងៗទៀត អាចពិភាក្សាពីផលវិបាក និងអាចជួយផ្តល់កម្លាំងចិត្តគ្នាទៅវិញទៅមក។

ញៀនការងារ អាចមកពីវិបត្តិផ្លូវចិត្តមួយចំនួន ដូចជា ជំងឺគិតដដែលៗ ធ្វើដដែលៗ និងជំងឺប្រែប្រួលអារម្មណ៍ពីរផ្សេងគ្នា (Bipolar Disorder) ។ អាការៈញៀននេះ ក៏បង្កជាជំងឺផ្លូវចិត្ត ដូចជំងឺបាក់ទឹកចិត្តដែរ ហេតុនេះទើបការធ្វើតេស្តបញ្ហាផ្លូវចិត្តមានសារៈសំខាន់ដើម្បីព្យាបាលជំងឺ។ គ្រូពេទ្យចិត្តសាស្ត្រ នឹងជួយរៀបចំផែនការព្យាបាលឲ្យយើង។ ប្រឹក្សាយោបល់ ជាមួយគ្រូពេទ្យជំនាញ និងថ្នាំអាចជួយគ្រប់គ្រងអាការៈ ជំងឺថប់បារម្ភ និងស្រ្តេស។

ផ្លាស់ប្តូរទម្លាប់រស់នៅ

៩- ទម្លាប់រស់នៅ

គ្នាយើងញៀនការងារ ធ្វើការដើម្បីកុំឲ្យមានអារម្មណ៍បន្ទោសខ្លួនឯងពេលមិនបានធ្វើការ។ ដូច្នោះទើបត្រូវឲ្យអ្នកជំងឺមានទំនាក់ទំនងល្អជាមួយការងារ។ គ្នាយើងភាគច្រើន ត្រូវបំពេញការងារ ដើម្បីជីវិតរស់នៅប្រចាំថ្ងៃ។ ហេតុផលនេះ ភាគច្រើនយើងមិនអាចឈប់ធ្វើការបាននោះឡើង។ យ៉ាងណា ឈប់សម្រាកពីការងារមួយរយៈ គឺមានប្រយោជន៍ណាស់ ជួយធ្វើឲ្យយើងដឹងថា ទោះមិនធ្វើការជាប់រហូត ក៏យើងអាចមានក្តីសុខ ហើយផ្លាស់ប្តូរការងារ ក៏អាចជួយបានដូចគ្នា។

ញៀនការងារ ងាយស្រួលព្យាបាលជាងការញៀនថ្នាំ ដោយគ្រាន់តែផ្លាស់ប្តូរទម្លាប់ខ្លះៗ ដូចជា៖

– សកម្មភាពរស់នៅប្រចាំថ្ងៃ ត្រូវមានតុល្យាភាព

– ចៀសវាងកត្តាធ្វើឲ្យយើងស្រ្តេស និងកត្តាជំរុញផ្សេងៗទៀត។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាល ជូនទេ៕

Work Addiction (ជំងឺ​ញៀន​​​ការងារ)

និយមន័យ

រោគសញ្ញា

មូលហេតុបង្ក

កត្តាប្រឈម

រោគវិនិច្ឆ័យ ​និង​ការ​ព្យាបាល

ផ្លាស់ប្តូរទម្លាប់​រស់នៅ

Work Addiction (ជំងឺញៀនការងារ)

រោគវិនិច្ឆ័យ និងការព្យាបាល

ផ្លាស់ប្តូរទម្លាប់រស់នៅ