ការថែទាំសុខភាពប្រដាប់បន្តពូជគឺជារឿងសំខាន់ណាស់ ជាពិសេសសម្រាប់ស្រីៗយើង។ ប៉ុន្តែ ស្រីៗមួយចំនួនតែងតែជួបប្រទះបញ្ហារមាស់ និងការឈឺចាប់ ដែលបណ្ដាលមកពីបាក់តេរី និងការរលាកផ្សេងៗ។ យ៉ាងណាមិញ ដើម្បីឲ្យទ្វារមាសមានសុខភាពល្អ ក៏ដូចជាអាចផ្ដល់ភាពរីករាយនៅក្នុងជីវិតផ្លូវភេទ យើងគប្បីចាប់ផ្ដើមពីការអនុវត្តទម្លាប់ថែទាំទ្វារមាសឲ្យមានសុខភាពល្អ ក៏ដូចជាបញ្ឈប់ទម្លាប់អាក្រក់មួយចំនួន។ ខាងក្រោមនេះ គឺជារឿងរ៉ាវដែលអ្នកឯកទេសខាងរោគស្ត្រីណែនាំឲ្យស្រីៗយើងបញ្ឈប់ជាបន្ទាន់។

១. ឈប់ទ្រាំជាមួយនឹងការរួមភេទបែបស្ងួត

ជាទូទៅ ស្រីៗជាច្រើនបានកំពុងតែទ្រាំទ្រជាមួយនឹងការរួមភេទដែលមិនផ្ដល់ក្ដីសុខស្រួល ហើយសូម្បីតែអ្នកដែលបានដាស់អារម្មណ៍ និងចង់រួមភេទ ក៏អាចមានបញ្ហាប្រតិកម្មឆ្លើយតបទៅនឹងអ្វីដែលខ្លួនចង់បានដូចគ្នា។ សម្រាប់ស្រីៗយើង នៅពេលដែលមិនមានទឹករម្អិលគ្រប់គ្រាន់ក្នុងពេលរួមភេទ អាចបណ្ដាលឲ្យដាច់រលាត់ ឬឈឺចាប់ដោយសារតែការកកិត។ ពិតណាស់ មានស្រីៗជាច្រើនមានអាការៈហូរឈាម ឬឈឺចាប់ដោយសារតែទ្វារមាសស្ងួត។ ទោះបីជាគ្នាយើងមិនត្រូវការទឹករម្អិលនៅពេលដំបូងនៃការរួមភេទក៏ដោយ ភាពស្ងួតទ្វារមាសអាចកើតមានឡើងនៅពេលដែលមានការរួមភេទមានរយៈពេលយូរ។ ដូច្នេះហើយ យើងគប្បីប្រើប្រាស់ទឹករម្អិលច្រើនដង អំឡុងពេលប្រតិបត្តិការ ដើម្បីជៀសវាងអាការៈស្ងួតទ្វារមាស។

២. ឈប់ធ្វើឲ្យទ្វារមាសមានក្លិនក្រអូបដូចផ្កា

ទ្វារមាសមិនចាំបាច់ទាល់តែមានក្លិនក្រអូបដូចផ្កានោះទេ។ ក្លិនធម្មតានៃទ្វារមាស ដែលមានជាតិអាស៊ីដធម្មជាតិ និងធុំក្លិនដូចសារជាតិរាវធម្មជាតិនៃរាងកាយ គឺគ្រប់គ្រាន់ហើយ។ អ្នកឯកទេសរោគស្ត្រីបានសង្កត់ធ្ងន់ថា ស្រីៗយើងគួរជៀសវាងប្រើប្រាស់ផលិតផលណាមួយដែលចូលទៅសម្អាត ធ្វើឲ្យស្រស់ថ្លា ឬផ្ដល់ក្លិនជាក់លាក់ដល់ទ្វារមាស។ ទន្ទឹមនឹងនេះដែរ យើងមិនគួរប្រើប្រាស់សាប៊ូដែលមានក្លិនក្រអូបខ្លាំង ឬផលិតផលណាមួយដើម្បីបំបាត់ក្លិនឡើយ ពីព្រោះវាអាចធ្វើឲ្យរលាកជាលិកានៃទ្វារមាសរបស់យើង។

ទ្វារមាសស្ងួត២

៣. ឈប់គិតថាការប្រើថ្នាំពន្យារកំណើតតែម្យ៉ាង ជួយឲ្យយើងរួមភេទប្រកបដោយសុវត្ថិភាព

មិនមែនរាល់ថ្នាំពន្យារកំណើតទាំងអស់ សុទ្ធតែអាចការពារយើងពីការឆ្លងជំងឺកាមរោគបានឡើយ។ ថ្នាំ និងកងដាក់ក្នុងស្បូន (IUD) គឺជាការពន្យារកំណើតដ៏មានប្រសិទ្ធភាពបំផុត ប៉ុន្តែវាមិនអាចការពារយើងពីការឆ្លងជំងឺកាមរោគភាគច្រើនឡើយ។ នេះមានន័យថា វាមានសារសំខាន់ណាស់ ក្នុងការប្រើស្រោមអនាម័យ ទោះបីជាយើងកំពុងប្រើវិធីពន្យារកំណើតអ័រម៉ូនមួយចំនួន ហើយជាពិសេស ប្រសិនបើយើងមិនមានទំនាក់ទំនងជាមួយនឹងដៃគូតែម្នាក់។

ដើម្បី​សុខភាពកន្លែង​សម្ងាត់ ស្រីៗគួរឈប់ធ្វើរឿងទាំងនេះ

១. ឈប់​ទ្រាំ​ជាមួយ​នឹង​ការ​រួម​ភេទ​បែប​ស្ងួត​

២. ឈប់​ធ្វើ​ឲ្យ​ទ្វារ​មាស​មាន​​ក្លិន​ក្រអូប​ដូច​ផ្កា​

៣. ឈប់​គិត​ថា​ការ​ប្រើ​ថ្នាំ​ពន្យារ​កំណើត​​​តែ​ម្យ៉ាង ជួយ​ឲ្យ​យើង​រួម​ភេទ​ប្រកប​ដោយ​សុវត្ថិភាព​

ដើម្បីសុខភាពកន្លែងសម្ងាត់ ស្រីៗគួរឈប់ធ្វើរឿងទាំងនេះ

១. ឈប់ទ្រាំជាមួយនឹងការរួមភេទបែបស្ងួត

២. ឈប់ធ្វើឲ្យទ្វារមាសមានក្លិនក្រអូបដូចផ្កា

៣. ឈប់គិតថាការប្រើថ្នាំពន្យារកំណើតតែម្យ៉ាង ជួយឲ្យយើងរួមភេទប្រកបដោយសុវត្ថិភាព