ស្រីៗយើងមានដៃគូរួមភេទ មានធ្លាប់ដឹងទេថាការរួមភេទដល់ចំណុចកំពូលបានផ្ដល់ប្រយោជន៍ដល់សុខភាពអ្វីខ្លះ ក្រៅពីផ្ដល់ភាពស្រណុកសុខស្រួលដល់ផ្លូវអារម្មណ៍ហើយនោះ?
មាតិកា
ដល់ចំណុចកំពូល ស្រីៗបានអត្ថប្រយោជន៍សុខភាពមួយនេះ
កន្លងមកមានសេចក្ដីរាយការណ៍ជាច្រើនបានលើកឡើងថាការរួមភេទដល់ចំណុចកំពូលមានប្រយោជន៍ដល់សុខភាពស្បែក សក់ និងសុខភាពទូទៅមួយចំនួនទៀតនៃរាងកាយរបស់យើង។ ដូចគ្នាដែរស្រីៗគ្នាយើងប្រហែលជាមិនចាប់អារម្មណ៍ទេថា ការរួមភេទដល់ចំណុចកំពូលក៏ជួយឲ្យវដ្ដរដូវរបស់យើងទៀងទាត់។
ការសិក្សាមួយរបស់សាកលវិទ្យាល័យ Columbia និងសាកលវិទ្យាល័យ Stanford រកឃើញថាស្រីៗមានដៃគូរួមភេទ ដែលបានរួមភេទយ៉ាងតិចម្ដងក្នុងមួយសប្ដាហ៍គឺភាគច្រើនវដ្ដរដូវរបស់អ្នកទាំងនោះទៀងទាត់ជាងស្រ្តីផ្សេងទៀតដែលមិនសូវរួមភេទ ឬមិនដែលរួមភេទ។
ការអះអាងបែបនេះមិនមែនទើបតែមានថ្មីៗនេះនោះទេ កាលពីឆ្នាំ១៩៧៨ ក៏បានការសិក្សាមួយរបស់សាកលវិទ្យាល័យ Pennsylvania បានរកឃើញដែរថាការរួមភេទ និងបានដល់ចំណុចកំពូលទៀងទាត់មានទំនាក់ទំនងជាមួយនឹងភាពទៀងទាត់នៃវដ្ដរដូវរបស់ស្រីៗ។
ការសិក្សានេះបញ្ជាក់ថា ថ្វីបើអ្នកស្រាវជ្រាវមិនបានដឹងច្បាស់ពីយន្តការប្រព្រឹត្តទៅនៃទំនាក់ទំនងនេះក៏ពិតមែន តែថាការរួមភេទដល់ចំណុចកំពូលបានជួយរក្សាចង្វាក់កោសិការបស់រាងកាយ និងកាត់បន្ថយការរលាក ដែលជួយជំរុញឲ្យវដ្ដរដូវឲ្យមានភាពទៀងទាត់។
ក្រៅពីនេះ ការដល់ចំណុចកំពូលក៏ជួយស្រីៗយើងមានអារម្មណ៍ល្អ ដែលការមានអារម្មណ៍ល្អនេះជួយឲ្យសុខភាពផ្លូវចិត្តក៏ល្អដែរ ជួយកាត់បន្ថយស្រ្តេស ជួយបង្កើនប្រព័ន្ធភាពស៊ាំ និងធ្វើឲ្យចំណងស្នេហាកាន់តែស្អិតល្មួតទៀតផង។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Female Orgasm: Everything You Need to Know
https://flo.health/menstrual-cycle/sex/pleasure/female-orgasm
12 unexpected health benefits of orgasms
https://www.insider.com/orgasm-health-benefits-2018-11#they-can-help-regulate-your-menstrual-cycle-3
Everything You Need to Know About Female Orgasms
https://www.femina.in/relationships/love-sex/everything-you-need-to-know-about-orgasms-98857.html
កំណែប្រែបច្ចុប្បន្ន
23/12/2021
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម