បញ្ហាស្បែកស្ងួតកើតឡើងនៅពេលដែលយើងទទួលបានសំណើម ឬជាតិទឹកមិនគ្រប់គ្រាន់ ដើម្បីផ្គត់ផ្គង់ស្បែក ហើយវាទម្លាប់ដែលយើងធ្វើមួយចំនួនក៏បណ្ដាលឲ្យមានស្បែកស្ងួតដែរដូចជា ងូតទឹកញឹកញាប់ពេក ប្រើសាប៊ូមានជាតិកាត់ច្រើន កាវិវត្តទៅរកវ័យចំណាស់ ឬការប្រើប្រភេទថ្នាំមួយចំនួន។

មួយវិញទៀត នៅក្នុងរដូវធ្លាក់ខ្យល់ត្រជាក់ កាន់តែងាយធ្វើឲ្យស្បែកយើងស្ងួត ព្រោះខ្យល់កាន់តែត្រជាក់ កាន់តែស្ងួត គ្មានសំណើម ប៉ុន្តែគ្នាយើងមិនចាំបាច់ចំណាយច្រើនដើម្បីការពារស្បែកទេ ក្បួនធម្មជាតិៗប៉ុន្មាននេះ សុទ្ធតែអាចទប់ទល់នឹងបញ្ហាស្បែកស្ងួតបានយ៉ាងពេញចិត្ត។

តិចនិកធម្មជាតិការពារ ស្បែកស្ងួតក្នុងរដូវធ្លាក់ខ្យល់

ប្រើម៉ាស៊ីនបន្សុទ្ធខ្យល់ក្នុងផ្ទះ បើអាច
ងូតទឹក៥-១០នាទី/ថ្ងៃ ព្រោះបើងូតយូរពេកអាចធ្វើឲ្យបាត់បង់ប្រេងលើស្បែក
កុំងូតទឹកក្ដៅខ្លាំង គួរងូតទឹកក្ដៅឧណ្ហៗ ចៀសវាងបាត់បង់ប្រេងធម្មជាតិលើស្បែក
កាត់បន្ថយការប្រើប្រាស់សាប៊ូ (ប្រើតិចៗបានហើយ)
ចៀសឆ្ងាយពីសាប៊ូមានក្លិនទឹកអប់ ឬផលិតផលមានជាតិអាល់កុល ព្រោះវាអាចកាត់បន្ថយប្រេងធម្មជាតិស្បែកយើង
ចៀសវាងប្រើប៉ុង ឬច្រាសរឹងមកដុសខាត់ស្បែក
ពេលជូតខ្លួន ផ្ដិតៗលើស្បែក កុំជូតអូសខ្លាំងៗ
ក្រោយងូតទឹកហើយ លាបឡេផ្ដល់សំណើមភ្លាម កុំទុកទាល់ស្បែកស្ងួតខ្លាំង
លាបឡេផ្ដល់សំណើមលើប្រអប់ដៃ រាល់ពេលលាងដៃហើយ
បើស្បែករមាស់ មិនត្រូវអេះ គួរប្រើរបស់ត្រជាក់ៗស្អំ
មិនត្រូវចោលឡេការពារកម្ដៅថ្ងៃទាំងលើផ្ទៃមុខ និងដងខ្លួន
លាបឡេផ្ដល់សំណើមទាំងព្រឹក និងយប់
អ្វីកាន់តែសំខាន់ គឺញ៉ាំទឹកឲ្យបានច្រើន។ល។

បើគ្នាយើងចង់បានស្បែករលោងស្អាតក្នុងរដូវត្រជាក់បែបនេះ អាចធ្វើតាមតិចនិកខាងលើ និងអាចការពារមិនឲ្យយើងជួបបញ្ហាស្បែកឧស្សាហ៍កើតក្នុងរដូវត្រជាក់ដូចជា ស្បែកស្ងួត ប្រេះ រលាកស្បែក រមាស់ ឡើងក្រហម តឹងខ្លាំង ឬងាយប្រតិកម្ម។

ខែធ្លាក់ខ្យល់ស្ងួត! ធ្វើតាមក្បួនធម្មជាតិនេះ ស្បែកស្ងួតលែងជាបញ្ហាទៀត

តិចនិកធម្មជាតិការពារ ស្បែកស្ងួតក្នុងរដូវធ្លាក់ខ្យល់