៣. សម្អាតស្បែកយកចិត្តទុកដាក់
ការលាងសម្អាតស្បែកប្រចាំថ្ងៃអាចប៉ះពាល់ដល់ស្បែកបាន ដូចនេះគួរសម្អាតដោយយកចិត្តទុកដាក់៖
- កំណត់រយៈពេលងូតទឹក៖ ការងូតទឹកក្ដៅ និងយូរពេកអាចធ្វើឲ្យបាត់បង់ជាតិខ្លាញ់ពីស្បែក។ ដូចនេះគួរងូតទឹកក្ដៅឧណ្ហៗ និងកុំយូរពេក។
- ចៀសវាងប្រើសាប៊ូដែលខ្លាំង៖ សាប៊ូខ្លាំងអាចធ្វើឲ្យស្បែកបាត់បង់ជាតិខ្លាញ់ យកល្អគួរជ្រើសរើសប្រើសាប៊ូដែលខ្សោយ ជាធម្មតាសាប៊ូដែលត្រូវនឹងធម្មជាតិរបស់ស្បែកគឺមាន pH៥,៥។
- ជូតឲ្យស្ងួត៖ ក្រោយពីលាងសម្អាតមុខ ឬងូតទឹកហើយ គួរប្រើកន្សែងផ្ដិតថ្នមៗដើម្បីរក្សាជាតិសំណើមនៅលើស្បែក។
- ផ្តល់សំណើមដល់ស្បែកស្ងួត៖ ប្រសិនជាស្បែកយើងស្ងួត គួរប្រើទឹកផ្តល់សំណើម (moisturizer) ដែលត្រូវនឹងប្រភេទស្បែករបស់យើង។ យើងអាចជ្រើសរើសប្រើទឹកផ្តល់សំណើមណាដែលមាន SPF។
៤. របបអាហារ
របបអាហារក៏ជាចំណែកមួយដែរ ក្នុងការជួយថែរក្សាស្បែករបស់យើងឲ្យនៅមានសុខភាពល្អ។ យើងគួរញ៉ាំផ្លែឈើ បន្លែ គ្រាប់ធញ្ញជាតិ និងប្រូតេអ៊ីនសាច់ឲ្យបានច្រើន។ ការស្រាវជ្រាវមួយចំនួនណែនាំថារបបអាហារដែលសម្បូរដោយខ្លាញ់ត្រី និងមានខ្លាញ់មិនល្អ ឬកាបូអ៊ីដ្រាតកែច្នៃតិច អាចធ្វើឲ្យស្បែកក្មេងជាងវ័យ។ បន្ថែមពីនេះ ផឹកទឹកឲ្យបានច្រើនក៏ជួយស្បែកមានសំណើមដែរ។