ការរលាកស្បែកអាចវិវត្តទៅជារលាកសន្លាក់បានបើយើងកំពុងតែមានជំងឺរលាកស្បែកធ្ងន់ធ្ងរ។ ជាការពិតមនុស្សម្នាក់ក្នុងចំណោមបីនាក់នៃអ្នកជំងឺរលាកស្បែកនេះអាចវិវត្តទៅជារលាកសន្លាក់ ដែលការវិវត្តនេះអាចលេចចេញក្នុងរយៈពេលពី៥ទៅ១០ឆ្នាំក្រោយពីអ្នកជំងឺមានជំងឺរលាកស្បែក។ ខាងក្រោមនេះជាចំណុចសំខាន់ខ្លះៗដែលគ្នាយើងគួរយល់ដឹងដូចជាមូលហេតុ វិធីការពារ និងការព្យាបាលជំងឺរលាកស្បែកនេះ។
គួរយល់ដឹង! ជំងឺរលាកស្បែកអាចបង្កទៅជាជំងឺរលាកសន្លាក់បាន
ទំនាក់ទំនងរវាងជំងឺរលកស្បែក និងជំងឺរលាកសន្លាក់
ជំងឺរលាកស្បែកគឺជាជំងឺប្រឆាំងប្រព័ន្ធភាពស៊ាំដែលធ្វើឲ្យការលូតលាស់របស់កោសិកាស្បែកលឿនខុសធម្មតា។ ជំងឺនេះចេញជាសញ្ញាដូចជាបន្ទះរលាកដុំៗលើស្បែកដែលរមាស់ និងរឹងពេលដែលយើងប៉ះ។ បន្ទះទាំងនេះមើលទៅរឹង និងគ្រើមៗពណ៌ក្រហមនិងគែមពណ៌ស។
មួយវិញទៀតជំងឺរលាកសន្លាក់ដែលបណ្ដាលមកពីរលាកស្បែកអាចកើតមានក្នុងពេលណាមួយ។ សញ្ញានៃការរលាកសន្លាក់នេះរួមមានដូចជាហើម និងឈឺចាប់(នៅម្ដុំជង្គង់ កជើង និងជើង) ការហើមម្រាមដៃ និងម្រាមជើងអាចមើលទៅដូចសាច់ក្រក រឹងសន្លាក់ ដែលអាការៈនេះឧស្សាហ៍ជួបប្រទះនៅពេលព្រឹក ក្រចកកំពិត និងឈឺចង្កេះជាដើម។ ជំងឺនេះអាចបង្កឲ្យមានការអស់កម្លាំង និងពិបាកក្នុងការទប់លំនឹងទៀតផង។
ជំងឺទាំងពីរនេះបើកើតក្នុងពេលតែមួយគេហៅថាជំងឺផ្សូរ៉ាស៊ីស(psoriatic) ហើយគ្មានមធ្យោបាយអ្វីដែលអាចបញ្ឈប់អាការៈទាំងនេះបាននោះទេ។ ប៉ុន្តែក៏មានវិធីព្យាបាល និងការផ្លាស់ប្ដូររបៀបរស់នៅខ្លះៗដែលអាចបន្ថយហានិភ័យនិងធ្វើឲ្យរាងកាយរបស់អ្នកជំងឺប្រសើរឡើង។
អត្ថបទពាក់ព័ន្ធ៖
- សភាពស្បែកទាំង៨ នេះ បញ្ជាក់ថាសុខភាពកំពុងមានបញ្ហា
- តិចនិកថែរក្សាស្បែកសម្រាប់ស្រីៗ មុន និងក្រោយហាត់ប្រាណ
ហេតុអ្វីអ្នកខ្លះអាចវិវត្តពីរលាកស្បែកទៅរលាកសន្លាក់?
យើងគួរចងចាំថាជំងឺទាំងពីរនេះមិនអាចលេចចេញមុនក្រោយ ឲ្យយើងដឹងជាមុននោះទេ។ រវាងជំងឺទាំងពីរនេះគឺមានរោគសញ្ញាប្លែកពីគ្នា អ្វីដែលដូចគ្នាគឺវាបង្កពីបញ្ហាប្រព័ន្ធភាពស៊ាំ។ សម្រាប់ការរលាកស្បែក នៅពេលដែលប្រព័ន្ធភាពស៊ាំយើងធ្វើការមិនបានល្អ កោសិកាស្បែកនឹងលូតលាស់ខុសធម្មតាដែលបង្កទៅជារលាកបាន។
ដូចគ្នានេះដែរទៅលើសន្លាក់វិញក៏បង្កមកពីប្រព័ន្ធភាពស៊ាំដែរ ដែលនៅក្នុងឈាម គោលិកាឈាមសចាប់ផ្ដើមប្រឆាំងនឹងខ្លួនឯងដោយទៅយាយីជាលិកាល្អផ្ទុយពីការការពារប្រឆាំងនឹងមេរោគទៅវិញ។ លទ្ធផលនោះគឺទៅប្រឆាំងនឹងសន្លាក់នេះឯង។
ការព្យាបាលជំងឺរលាកស្បែក និងជំងឺរលាកសន្លាក់ដោយសារប្រព័ន្ធភាពស៊ាំ
យើងមានវិធីជាច្រើនក្នុងការព្យាបាលជំងឺទាំង២នេះ បើទោះបីជាសញ្ញានៃជំងឺនេះមិនអាចចុះថយពេលដែលលេចឡើងលើស្បែកឬសន្លាក់ក៏ដោយ តែមានវិធីខ្លះៗដែលអ្នកជំងឺអាចយកទៅអនុវត្តបានដើម្បីការពារកុំឲ្យជំងឺរាលកាន់តែខ្លាំង។
ជាទូទៅគឺរបៀបរស់នៅប្រចាំថ្ងៃរបស់យើងតែម្ដងដែលជាកត្តារំញោចការកើតឡើងនៃជំងឺនេះ ហើយក៏ជាកត្តាដ៏សំខាន់បំផុតក្នុងការទប់ស្កាត់ការឆ្លើយតបខុសប្រក្រតីនៃប្រព័ន្ធភាពស៊ាំរបស់សារពាង្គកាយយើង។ សម្រាប់អ្នកខ្លះ ស្ត្រេសគឺជាកត្តាចំបងក្នុងការធ្វើឲ្យមានការរលាកស្បែកបាន។ ដូចនេះហើយការគ្រប់គ្រងស្ត្រេស និងការរំសាយស្ត្រេសគឺវិធានការដ៏ល្អ ដូចជា ការហាត់ដកដង្ហើម ហាត់យ៉ូហ្កា និងការធ្វើសមាធិ ដើម្បីជួយទប់កុំឲ្យសញ្ញានៃជំងឺកាន់តែធ្ងន់ធ្ងរ។
ដូចគ្នានេះដែរការរលាកសន្លាក់ស្រួចស្រាលក៏អាចព្យាបាលដោយប្រើថ្នាំបំបាត់ការឈឺចាប់ដូចជាអ៊ីប៊ុយប្រូហ្វែន (ibuprofen) និងណាប្រូសែន (naproxen)។ ប្រភេទថ្នាំជំពូកថ្មីដែលទើបតែចេញហៅថាថ្នាំជីវៈ (biologic drugs)ក៏អាចប្រើបានដែរ។ ថ្នាំប្រភេទនេះប្រើហើយគឺជួយទៅបន្ថយសកម្មភាពរបស់ប្រព័ន្ធភាពស៊ាំ ដែលធ្វើការខុសប្រក្រតីនោះ ដូចជាប្រើថ្នាំmethrotrexate។ អ្នកជំងឺគួរតែប្រឹក្សាយោបល់ជាមួយគ្រូពេទ្យឯកទេសជាមុនសិនមុននឹងប្រើថ្នាំប្រភេទនេះព្រោះអាចនឹងត្រូវប្រើក្នុងកម្រិតទាបជាងថ្នាំពេទ្យទូទៅ។
ជំងឺសន្លាក់ប្រភេទនេះគឺកាន់តែឆាប់ព្យាបាលគឺកាន់តែប្រសើរ ដើម្បីបន្ថយការខូចខាតទៅលើសន្លាក។ មនុស្សភាគច្រើនតែព្រងើយកន្តើយនៅពេលជំងឺនេះនៅស្រាល និងទុករហូតដល់ធ្ងន់ធ្ងរហួសពេល។ យើងត្រូវប្រុងប្រយ័ត្នជានិច្ចប្រសិនបើមានសញ្ញាសង្ស័យលេចឡើងដូចជាឈឺសន្លាក់ឬខ្សោយ ពិសេសករណីគ្រូពេទ្យធ្វើរោគវិនិច្ឆ័យឃើញថាយើងមានជំងឺនេះធ្ងន់ធ្ងរពីមុនមកហើយ។ ការព្យាបាលត្រឹមត្រូវ និងទាន់ពេលវេលាគឺការសំខាន់ក្នុងការរក្សាសុខុមាលភាពសុខភាពរបស់អ្នកជំងឺ និងកាត់បន្ថយផលវិបាកទៅថ្ងៃក្រោយ។
អត្ថបទពាក់ព័ន្ធ៖
- រលាកស្បែកដោយពន្លឺព្រះអាទិត្យ ចេះវិធីនេះអាចជួយកែខៃបាន
- ស្បែកស្រអាប់ព្រោះសម្បូរកម្មវិធីជួបជុំពេក ដឹងប៉ុន្មានវិធីនេះ អាចកែខៃឡើងវិញបាន
- បើចេះតែរមាស់ស្បែកមិនដឹងមូលហេតុ អាចបណ្ដាលមកពីជំងឺមួយប្រភេទនេះ
- វិធី ៨យ៉ាង ជួយការពារស្បែកមិនឲ្យចាស់លឿនពេក
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នកជម្រើសល្អបំផុត សូមពិគ្រោះនិងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬ ការព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម