ស្វែងយល់ពីការប្រើប្រាស់
១- យិនសិនប៉ាណាក់ ជួយអីខ្លះដល់រាងកាយ?
យិនសិនប៉ាណាក់ (Panax ginseng) ជារុក្ខជាតិដុះនៅក្នុងប្រទេសកូរ៉េខាងជើង។ គេយកមើមរបស់វាធ្វើជាឱសថ។ យិនសិនប៉ាណាក់ (Panax ginseng) ខុសពី យិនសិនអាមេរិក យិនសិនស៊ីបេរី ឬ Panax Pseudoginseng។
គេញ៉ាំដើម្បីជំរុញការគិត ប្រមូលអារម្មណ៍ ការចងចាំ ព្យាបាលជំងឺវង្វេងមនុស្សចាស់ (Alzheimer’s disease) ជួយបំពេញកម្លាំងរាងកាយ ការពារកុំឲ្យខូចសាច់ដុំពេលហាត់ប្រាណ ជាពិសេសចំពោះកីឡាករ។
គេក៏អាចប្រើវាដើម្បីសម្រួលដល់ការធុញថប់ ស្ត្រេស ជំនួសទឹកថ្នាំប៉ូវកម្លាំងផងដែរ។ ពេលខ្លះ អាចហៅថា Adaptogen ពេលប្រើវាក្នុងករណីដូចរៀបរាប់នេះ។
មួយវិញទៀត អាចប្រើព្យាបាលជំងឺបាក់ទឹកចិត្ត ជំងឺថប់បារម្ភ បណ្ដុំរោគសញ្ញាហត់នឿយអស់កម្លាំង (CFS) ជំងឺស្បែកឡើងរឹង ប្រើដើម្បីពង្រឹងប្រព័ន្ធភាពស៊ាំ ព្រមទាំងការឆ្លងមេរោគក្នុងសួត (Cystic Fibrosis) បង្កដោយមេរោគ Pseudomonas។
អ្នកខ្លះប្រើយិនសិននេះ ដើម្បីព្យាបាលជំងឺមហារីកសុដន់ បង្ការមហារីកដៃស្បូន មហារីកថ្លើម សួត និងស្បែកជាដើម។
គេក៏យកទៅប្រើក្នុងជំងឺស្លេកស្លាំង រលាកទងសួតរាំរ៉ៃ ផ្តាសាយបក្សី ជំងឺទឹកនោមផ្អែម រលាកក្រពះ ក្តៅខ្លួន បន្សាបជាតិស្រវឹង ជំងឺសួត COPD ជំងឺអេដស៍ បញ្ហាបន្តពូជ វិបត្តិផ្លូវភេទបុរស បង្កើនសម្រើបសម្រាប់ស្ត្រី និងព្យាបាលជំងឺហឺតជាដើម។
យិនសិននេះ អាចប្រើព្យាបាលបញ្ហាឈាមហូរមិនឈប់ មិនឃ្លានអាហារ ក្អួត បញ្ហាពោះវៀនតូច ប្រមាត់ ធុំក្លិនមាត់ ឈឺសាច់ដុំស្បូន គេងមិនលក់ ឈឺសរសៃ ឈឺសន្លាក់ វិលមុខ ឈឺក្បាល ថ្លង់ វង្វេងវង្វាន់ ជំងឺអំឡុងពេលមានផ្ទៃពោះ និងសម្រាលកូន ក្តៅមុខមាត់ពេលជិតអស់រដូវ ផ្តាសាយធម្មតា ខ្សោយបេះដូង លើសសម្ពាធឈាម ស្បែកជ្រីវជ្រួញ និងពន្យឺតភាពចាស់។
បុរសខ្លះយកវាទៅលាបលើពងស្វាស ដើម្បីព្យាបាលការបញ្ចេញទឹកកាមលឿនពេក ឬយើងហៅថារួមភេទមិនបានយូរ ឆាប់ចេញទឹកកាម (Premature Ejaculation)។
ក្នុងផ្នែកឧស្សាហកម្មគេក៏យកវាទៅធ្វើជាសាប៊ូ គ្រឿងសម្អាង ក៏ដូចជាភេសជ្ជៈផងដែរ។
២- វាដំណើរការម៉េច?
មិនទាន់មានការសិក្សាគ្រប់គ្រាន់ទៅលើដំណើរការរបស់វានៅឡើយទេ។ ចំពោះព័ត៌មានបន្ថែមសូមពិគ្រោះជាមួយគ្រូពេទ្យ ឬគ្រូឱសថបុរាណ។ យ៉ាងណាគេដឹងថាយិនសិន ប៉ាណាក់ មានសារធាតុសកម្មសំខាន់ៗមួយចំនួន ដូចជា Ginsenoides ឬ Panaxosides។ Ginsenosides ជាពាក្យបង្កើតដោយអ្នកស្រាវជ្រាវជនជាតិអាស៊ី ហើយ Panaxosides វិញត្រូវបានដាក់ដោយអ្នកស្រាវជ្រាវជនជាតិរុស្សី។
យិនសិនប៉ាណាក់ (Panax ginseng) ជាថ្នាំជំនួយសុខភាពព្រោះវាមានឥទ្ធិពលលើប្រព័ន្ធជាច្រើនក្នុងរាងកាយ។
កត្តាប្រុងប្រយ័ត្ន
៣- មុនប្រើគួរដឹងអីខ្លះ?
មុនយកធ្វើជាថ្នាំព្យាបាល ត្រូវពិគ្រោះជាមួយគ្រូពេទ្យ ឱសថការី ឬពេទ្យថ្នាំបុរាណជាមុន បើសិន៖
- កំពុងមានផ្ទៃពោះ ឬបំបៅដោះកូន ដោយសារពេលពពោះ ឬបំបៅដោះកូន ត្រូវប្រើប្រាស់ថ្នាំឲ្យត្រូវតាមកម្រិតណែនាំរបស់គ្រូពេទ្យតែប៉ុណ្ណោះ។
– កំពុងប្រើប្រាស់ថ្នាំអ្វីផ្សេង ថ្នាំទាំងនោះរាប់បញ្ចូលទាំងថ្នាំអ្នកទិញខ្លួន និងថ្នាំទិញតាមវេជ្ជបញ្ជា
– មានប្រតិកម្មជាមួយយិនសិន ប៉ាណាក់ ថ្នាំពេទ្យ ឬមានប្រតិកម្មជាមួយឱសថបុរាណដទៃ
– កំពុងមានជំងឺប្រចាំកាយ ឬមានបញ្ហាសុខភាពអ្វីមួយ ពិសេសមានក្រួសក្នុងប្រមាត់ជាដើម
– ធ្លាប់មានប្រតិកម្មជាមួយអាហារ សារធាតុពណ៌ សារធាតុរក្សាអាហារ ឬជាមួយសត្វ។
លក្ខខណ្ឌចុះបញ្ជីការផ្លូវច្បាប់លើឱសថបុរាណ មិនតឹងរ៉ឹងដូចការចុះបញ្ជីការផ្លូវច្បាប់លើថ្នាំពេទ្យទេ។ ដូចនេះគេត្រូវការ សិក្សាបន្ថែមដើម្បីដឹងពីសុវត្ថិភាពប្រើប្រាស់ឱសថបុរាណ។ គុណសម្បត្តិនៃការប្រើឱសថនេះ ត្រូវច្រើនជាងផលប៉ះពាល់មុនពេលប្រើវា។ សូមពិគ្រោះជាមួយអ្នកជំនាញខាងឱសថរុក្ខជាតិ ឬគ្រូពេទ្យបន្ថែម។
៤- មានសុវត្ថិភាពកម្រិតណា?
យិនសិន ប៉ាណាក់ មានសុវត្ថិភាព បើប្រើលាបលើស្បែក ជាផលិតផលមានធាតុផ្សំច្រើនមុខ (SS Cream)។
តែគ្មានសុវត្ថិភាពបើញ៉ាំវាលើសពី ៦ ខែឡើង។ អ្នកស្រាវជ្រាវគិតថា អាចបង្កបញ្ហាដល់អ័រម៉ូនខ្លះ បើសិនជាប្រើក្នុងរយៈពេលយូរ។
៥- គួរប្រុងប្រយ័ត្ន
– ស្ត្រីមានផ្ទៃពោះ និងបំបៅដោះកូន៖ អាចគ្មានសុវត្ថិភាព បើញ៉ាំវាពេលកំពុងមានផ្ទៃពោះ។ ធាតុគីមីម្យ៉ាងនៅក្នុងយិនសិន ប៉ាណាក់ ត្រូវបានរកឃើញថាអាចបង្កជំងឺងឺពីកំណើតនៅលើសត្វ។ យល់ល្អកុំប្រើឱសថនេះពេលកំពុងមានផ្ទៃពោះអី។
ម្យ៉ាងទៀតយើងពុំទាន់មានបញ្ជាក់ពីសុវត្ថិភាព ចំពោះស្ត្រីបំបៅដោះកូននៅឡើយទេ។ ដើម្បីចៀសវាងពីគ្រោះថ្នាក់ សូមកុំប្រើប្រាស់អំឡុងពេលនោះ។
– ទារក និងកុមារ៖ គ្មានសុវត្ថិភាពទេ ចំពោះទាំងទារក និងកុមារ។ យិនសិននេះ អាចបណ្តាលឲ្យទារកពុល និងអាចឈានដល់ស្លាប់ទៀតផង។ ចំណែកកុមារមានអាយុច្រើនបន្តិចវិញ ក៏ពុំទាន់មានការបញ្ជាក់ដែរ។
– ជំងឺប្រព័ន្ធភាពស៊ាំ៖ ដូចជា ជំងឺស្បែកឡើងរឹង (Multiple sclerosis) ជំងឺ Lupus (Systemic Lupus Erythematosus, SLE) រលាកខូចសន្លាក់ (Rheumatoid Arthritis) និងជំងឺផ្សេងទៀត ប្រើយិនសិនប៉ាណាក់ អាចបង្កើនសកម្មភាពក្នុងប្រព័ន្ធភាពស៊ាំ ធ្វើឲ្យជំងឺទាំងនេះកាន់តែធ្ងន់ធ្ងរ។ សូមកុំប្រើវាបើមានស្ថានភាពទាំងនេះ។
– ករណីហូរឈាម៖ ឱសថរុក្ខជាតិនេះ អាចធ្វើឲ្យប៉ះពាល់មុខងារកំណកឈាម។ ដូចនេះកុំប្រើវាប្រសិនបើមានបញ្ហាហូរឈាម។
– ជំងឺបេះដូង៖ យិនសិន ប៉ាណាក់ អាចជះឥទ្ធិពលដល់ចង្វាក់បេះដូង និងសម្ពាធឈាមបន្តិចបន្តួច នៅថ្ងៃដំបូងចាប់ផ្តើមប្រើ។ ប៉ុន្តែបើប្រើជាប់រហូត មិនធ្វើឲ្យមានការប្រែប្រួលអ្វីឡើយ។ មួយវិញទៀត ពុំទាន់មានការសិក្សារពីទំនាក់ទំនងយិនសិននេះ ជាមួយជំងឺបេះដូងទេ ដូច្នេះហើយត្រូវប្រើវាដោយប្រុងប្រយ័ត្ន។
– ជំងឺទឹកនោមផ្អែម៖ អាចធ្វើឲ្យកម្រិតជាតិស្ករថយចុះ ហើយចំពោះអ្នកជំងឺទឹកនោមផ្អែមលេបថ្នាំបញ្ចុះជាតិស្ករ កាន់តែធ្វើឲ្យជាតិស្ករចុះកាន់តែខ្លាំង។ ប្រសិនមានជំងឺទឹកនោមផ្អែម ហើយប្រើយិនសិននេះ សូមតាមដានជាតិស្ករឲ្យបានត្រឹមត្រូវ។
– ស្ថានភាពអរម៉ូន៖ ដូចជា មហារីកសុដន់ មហារីកស្បូន មហារីកដៃស្បូន ជំងឺ Endometriosis ឬដុំសាច់ក្នុងស្បូន អាចប៉ះពាល់ដូចគ្នា ព្រោះយិនសិន ប៉ាណាក់ មានធាតុគីមីឈ្មោះ Ginsenosides មានសកម្មភាពដូចអរម៉ូន Estrogen ហេតុនេះស្ថានភាពជំងឺ អាចកាន់តែធ្ងន់ធ្ងរបើប៉ះជាមួយ Estrogen។
– បញ្ហាគេងមិនលក់៖ ញ៉ាំយិនសិននេះច្រើនពេក អាចធ្វើឲ្យពិបាកគេង។ ហេតុនេះសូមប្រើវាដោយប្រុងប្រយ័ត្ន។
– វះកាត់ប្តូរសរីរាង្គ៖ យិនសិនធ្វើឲ្យប្រព័ន្ធភាពស៊ាំកាន់តែសកម្ម អាចប៉ះពាល់ដល់ប្រសិទ្ធភាពថ្នាំប្រើក្រោយពេលវះកាត់ប្តូរសរីរាង្គ។ ដូច្នេះសូមកុំប្រើ។
– ជំងឺវិកលចរិត Schizophrenia៖ ប្រើយិនសិន ប៉ាណាក់ កម្រិតខ្ពស់ធ្វើឲ្យមានបញ្ហា ក្នុងការគេង និងអារម្មណ៍មិនស្ងប់ចំពោះ។
ស្វែងយល់ពីផលរំខាន
៦- មានផលរំខានអីខ្លះ?
ផលរំខានមានញឹកញាប់ជាងគេគឺពិបាកគេង។ ក្រៅពីនោះ រួមមាន បញ្ហាមករដូវ ឈឺសុដន់ ចង្វាក់បេះដូងកើនឡើង សម្ពាធឈាមទាប ឬខ្ពស់ ឈឺក្បាល មិនឃ្លានអាហារ រាក រមាស់ កន្ទួល វិលមុខ អារម្មណ៍ប្រែប្រួល ហូរឈាមតាមទ្វារមាស និងមានបញ្ហាផ្សេងទៀត។
ផលរំខានគេមិនសូវឃើញញឹកញាប់ រួមមាន ការឡើងកន្ទួលរមាស់ធ្ងន់ធ្ងរ គេអាចហៅថា បណ្ដុំរោគសញ្ញា Stevens-Johnson បញ្ហាថ្លើម និងមានប្រតិកម្មអាលែកហ្ស៊ីធ្ងន់ធ្ងរ។
មនុស្សគ្រប់គ្នា មិនប្រាកដថាមានរោគសញ្ញាដូចគ្នាទាំងអស់ទេ នៅអាចមានរោគសញ្ញាផ្សេងទៀត ហេតុនេះបើមានចម្ងល់ អាចពិភាក្សាជាមួយគ្រូពេទ្យ ឬឱសថការីបន្ថែម។
ស្វែងយល់ពីអន្តរកម្មថ្នាំ
៧- មានអន្តរកម្មជាមួយអីខ្លះ?
វាអាចមានអន្តរកម្មជាមួយថ្នាំយើងកំពុងលេប និងស្ថានភាពជំងឺកំពុងមាន។ ពិភាក្សាជាមួយគ្រូពេទ្យមុនពេលប្រើ។
ថ្នាំអាចមានប្រតិកម្មជាមួយយិនសិននេះរួមមាន៖
– ស្រា៖ រាងកាយបម្លែងជាតិអាល់កុលដើម្បីបញ្ចេញវាចោល។ ការញ៉ាំយិនសិនប៉ាណាក់ (Panax ginseng) អាចធ្វើឲ្យរាងកាយអ្នកធ្វើការកាន់តែលឿន។
– ជាតិកាហ្វេអ៊ីន៖ ជាតិកាហ្វេអ៊ីនបង្កើនល្បឿនរបស់ប្រព័ន្ធប្រសាទ អាចធ្វើឲ្យយើងមានអារម្មណ៍ច្រាសច្រាលហើយបេះដូងលោតញាប់។ ប្រសិនប្រើយិនសិនប៉ាណាក់ (Panax ginseng) ជាមួយកាហ្វេរួមគ្នា អាចបណ្តាលឲ្យមានបញ្ហាធ្ងន់ធ្ងរដល់ចង្វាក់បេះដូង និងសម្ពាធឈាមផងដែរ។ សូមកុំផឹកកាហ្វេជាមួយយិនសិនប៉ាណាក់ (Panax ginseng)។
– ថ្នាំបញ្ចុះទឹកនោម៖ អ្នកវិទ្យាសាស្ត្រគិតថា យិនសិនប៉ាណាក់ (Panax ginseng) បង្កើនសកម្មភាពថ្នាំបញ្ចុះទឹកនោម តែពុំទាន់មានពត៌មានគ្រប់គ្រាន់ពីវានៅឡើយទេ។
– អាំងស៊ុយលីន៖ យិនសិនប៉ាណាក់ (Panax ginseng) អាចធ្វើឲ្យជាតិស្ករថយចុះ ហើយអាំងស៊ុយលីនក៏អញ្ចឹងដែរ។ ប្រសិនជាយើងប្រើទាំងពីរមុខជាមួយគ្នា នោះជាតិស្ករក្នុងឈាមនឹងទាបខ្លាំង។ សូមតាមដានជាតិស្ករមុនពេលប្រើ។
– ថ្នាំបម្លែងដោយថ្លើម (Cytochrome P450 2D6 (CYP2D6) substrates)៖ ថ្នាំមួយចំនួនត្រូវបម្លែងដោយថ្លើម ហើយយិនសិនប៉ាណាក់ (Panax ginseng) អាចធ្វើឲ្យថ្លើមធ្វើការយឺតជាងមុនផងដែរ។ វាអាចធ្វើឲ្យមានផលរំខានដល់ថ្នាំយើងកំពុងប្រើប្រាស់។ សូមពិភាក្សារជាមួយគ្រូពេទ្យជាមុន។
– ថ្នាំរងការបម្លែងពីថ្លើមរួមមាន៖ ថ្នាំ Amitriptyline (Elavil), Clozapine (Clozaril), Codeine, Desipramine (Norpramin), Donepezil (Aricept), Dentanyl (Duragesic), Flecainide (Tambocor), Fluoxetine (Prozac), Feperidine (Demerol), Methadone (Dolophine), Metoprolol (Lopressor, Toprol XL), Olanzapine (Zyprexa), Ondansetron (Zofran), Tramadol (Ultram), Trazodone (Desyrel) និងថ្នាំផ្សេងទៀត។
– ថ្នាំជំងឺបាក់ទឹកចិត្ត (MAOIs)៖ យិនសិនប៉ាណាក់ (Panax ginseng) រំញោចរាងកាយយើង ហើយថ្នាំជំងឺបាក់ទឹកចិត្តក៏មានសកម្មភាពបែបនេះដែរ។ ប្រើវាទាំងពីរមុខជាមួយគ្នា អាចធ្វើឲ្យមានផលរំខានដូចជាអន្ទះអន្ទែង ឈឺក្បាល ពិបាកក្នុងខ្លួន និងគេងមិនលក់។
ថ្នាំសម្រាប់ជំងឺបាក់ទឹកចិត្ត មានដូចជា Phenelzine (Nardil), Tranylcypromine (Parnate) និងថ្នាំដទៃទៀត។
– ថ្នាំជំងឺទឹកនោមផ្អែម៖ យិនសិន ប៉ាណាក់ (Panax ginseng) អាចធ្វើឲ្យកម្រិតជាតិស្ករថយចុះ ហើយចំពោះអ្នកជំងឺទឹកនោមផ្អែមលេបថ្នាំបញ្ចុះជាតិស្ករ កាន់តែធ្វើឲ្យជាតិស្ករចុះខ្លាំង។ បើមានជំងឺទឹកនោមផ្អែម និងប្រើយិនសិននេះ សូមតាមដានជាតិស្ករឲ្យបានត្រឹមត្រូវ ព្រោះអាចត្រូវប្តូរកម្រិតថ្នាំ។
ថ្នាំទាំងនោះមានដូចជា Glimepiride (Amaryl), Glyburide (DiaBeta), Glynase (PresTab, Micronase), Insulin, Pioglitazone (Actos), Rosiglitazone (Avandia), Chlorpropamide (Diabinese), Glipizide (Glucotrol) Tolbutamide (Orinase) និងថ្នាំផ្សេងៗទៀត។
– ថ្នាំបន្ថយសកម្មភាពប្រព័ន្ធភាពស៊ាំ (Immunosuppressants)៖ យិនសិន ប៉ាណាក់ (Panax ginseng) អាចបង្កើនប្រព័ន្ធភាពស៊ាំ ហើយបើប្រើវាជាមួយថ្នាំបែបនេះ នឹងធ្វើឲ្យបាត់បង់ប្រសិទ្ធភាពថ្នាំ។
ថ្នាំទាំងនោះ រួមមាន Azathioprine (Imuran), Basiliximab (Simulect), Cyclosporine (Neoral, Sandimmune), Daclizumab (Zenapax), Muromonab-CD3 (OKT3, Orthoclone OKT3), Mycophenolate (CellCept), Tacrolimus (FK506, Prograf), Sirolimus (Rapamune), Prednisone (Deltasone, Orasone), Corticosteroids (Glucocorticoids) និងថ្នាំផ្សេងទៀត។
– ថ្នាំធ្វើឲ្យឈាមកកយឺត (Anticoagulant / Antiplatelet drugs)៖ យិនសិន ប៉ាណាក់ (Panax ginseng) ក៏ធ្វើឲ្យឈាមក្រកកដែរ ប្រើប្រាស់ជាមួយគ្នា ធ្វើឲ្យងាយហូរឈាមយូរពេលមានរបួស។
ថ្នាំទាំងនោះរួមមាន Aspirin, Clopidogrel (Plavix), Diclofenac (Voltaren, Cataflam), Ibuprofen (Advil, Motrin, others), Naproxen (Anaprox, Naprosyn), Dalteparin (Fragmin), Enoxaparin (Lovenox), Heparin, Warfarin (Coumadin) និងថ្នាំផ្សេងៗទៀត។
– ថ្នាំរំញោចអារម្មណ៍៖ ថ្នាំបែបនេះនាំឲ្យប្រព័ន្ធប្រសាទធ្វើការលឿន បណ្តាលឲ្យមានអារម្មណ៍អន្ទះអន្ទែង ហើយបេះដូងលោតញាប់។ យិនសិន ប៉ាណាក់ (Panax ginseng) ក៏មានសកម្មភាពដូចគ្នាដែរ ប្រើថ្នាំ ២មុខ ជាមួយគ្នា ធ្វើឲ្យមានបញ្ហាធ្ងន់ធ្ងរដល់ចង្វាក់បេះដូង និងសម្ពាធឈាម។ សូមកុំប្រើយិនសិន ប៉ាណាក់ (Panax ginseng) ជាមួយថ្នាំបែបនេះ។
ថ្នាំទាំងនោះ រួមមាន Diethylpropion (Tenuate), Epinephrine, Phentermine (Lonamin), Pseudoephedrine (Sudafed) និងថ្នាំផ្សេងៗទៀត។
– ថ្នាំ Warfarin (Coumadin)៖ Warfarin (Coumadin) ប្រើដើម្បីពង្រាវឈាមមិនឲ្យកក។ គេបារម្ភថាយិនសិន ប៉ាណាក់ (Panax ginseng) អាចធ្វើឲ្យបាត់បង់ប្រសិទ្ធភាពថ្នាំ Warfarin (Coumadin)។ តែមិនទាន់ច្បាស់ទេថាមានមានបញ្ហាធ្ងន់ធ្ងរប៉ុណ្ណា។ សូមពិនិត្យឈាមឲ្យបានទៀតទាត់ ហើយកម្រិត Wafarin ក៏អាចផ្លាស់ប្តូរដែរ។
ស្វែងយល់ពីកម្រិតថ្នាំ
ព័ត៌មានទាំងនេះ មិនបានរាប់ជាការណែនាំរបស់គ្រូពេទ្យនោះទេ។ ត្រូវតែពិភាក្សាជាមួយគ្រូពេទ្យ ឬឱសថការី មុនពេលចាប់ផ្តើមប្រើប្រាស់ថ្នាំប្រភេទនេះ។
៨- កម្រិតប្រើធម្មតាម៉េចដែរ?
គេណែនាំឲ្យប្រើកម្រិតដូចខាងក្រោម៖
តាមការលេប
– ជំងឺវង្វេងរបស់មនុស្សចាស់ (Alzheimer’s disease)៖ មើមយិនសិនប៉ាណាក់ (Panax ginseng) ៤,៥-៩ ក្រាម រៀងរាល់ថ្ងៃរយៈពេល ១២ សប្តាហ៍។
– ជំងឺស្ទះទងសួតរ៉ាំរ៉ៃ (Chronic obstructive pulmonary disease COPD)៖ ១០០មិល្លីក្រាម ទៅ ៦ក្រាម ប្រើ ៣ដង/ថ្ងៃ រយៈពេល ៣ ខែ។
– បញ្ហាសតិអារម្មណ៍៖ ២០០-៤០០ មិល្លីក្រាម នៃសារធាតុចម្រាញ់ពីយិនសិនប៉ាណាក់ (Panax ginseng) ម្តងក្នុងមួយថ្ងៃ ឬចែកជា ២ដង/ថ្ងៃ រយៈពេល ១២សប្តាហ៍ ឬលេបតែម្តងគត់ក្នុងកម្រិត ២០០-៩៦០ មិល្លីក្រាម។
– បញ្ហាលិង្គមិនឡើងរឹង៖ ១៤០០-២៧០០ មិល្លីក្រាម ចែកជា ២-៣ ដង/ថ្ងៃ រយៈពេល ១២សប្តាហ៍
– ផ្តាសាយ៖ ២០០ មិល្លីក្រាម នៃយិនសិនប៉ាណាក់ (Panax ginseng) រាល់ថ្ងៃ ៤សប្តាហ៍ មុនចាក់វ៉ាក់សាំងផ្តាសាយ ហើយបន្ត ៨សប្តាហ៍ ទៀតក្រោយចាក់វ៉ាក់សាំង។ អ្នកក៏អាចប្រើ ១ក្រាម ៣ដង/ថ្ងៃ រយៈពេល ១២សប្តាហ៍។
– សម្រាប់ការអស់កម្លាំងដោយសារជំងឺ Multiple sclerosis៖ ២៥០ មិល្លីក្រាម ២ដង/ថ្ងៃ រយៈពេល ៣ ខែ។
– សម្រាប់សមត្ថភាពសម្រើបផ្លូវភេទ៖ យិនសិនក្រហមកូរ៉េ ៣ក្រាម រៀងរាល់ថ្ងៃ រយៈពេល ៨ សប្តាហ៍។ រួមជាមួយផលិតផលផ្សេងទៀត (ArginMax for Women, The Daily Wellness Company) រៀងរាល់ថ្ ងៃរយៈពេល ៤ សប្តាហ៍។
លាបលើស្បែក
សម្រាប់ការបញ្ចេញទឹកកាមលឿនពេក៖ ជាប្រភេទក្រែម (SS-Cream) ផ្ទុកយិនសិនប៉ាណាក់ (Panax ginseng) និងធាតុផ្សំផ្សេងទៀត ដោយលាបលើចុងលិង្គ ១ម៉ោង មុនរួមភេទ ហើយលាងចេញក្រោយពេលរួមភេទហើយ។
កម្រិតថ្នាំលើមនុស្សម្នាក់ៗ គឺខុសៗគ្នា អាស្រ័យលើកត្តាអាយុ ស្ថានភាពសុខភាព និងជំងឺផ្សេងៗ។ ពពួកឱសថនេះ មិនមែនសុទ្ធតែមានសុវត្ថិភាពទាំងអស់ទេ។ សូមពិគ្រោះជាមួយគ្រូពេទ្យ ដើម្បីដឹងពីកម្រិតថ្នាំត្រឹមត្រូវសម្រាប់យើង។
៩- អាចមានទម្រង់អីខ្លះ?
វាអាចមានជាទម្រង់ដូចខាងក្រោម៖
– ថ្នាំគ្រាប់មានស្រោម (ខេបស៊ុល)
– ចម្រាញ់ជាទឹក
– ថ្នាំលាប
– តែ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
