ស្វែងយល់ពីការប្រើប្រាស់
១- តើវ៉ាសាប៊ិប្រើដើម្បីអ្វី?
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
Wasabi (វ៉ាសាប៊ិ)
- ស្វែងយល់ពីការប្រើប្រាស់
- កត្តាគួរប្រុងប្រយ័ត្ន
- ស្វែងយល់ពីផលរំខាន
- ស្វែងយល់ពីអន្តរកម្មថ្នាំ
- ស្វែងយល់ពីកម្រិតថ្នាំ
វ៉ាសាប៊ិក (Wasabi) ជារុក្ខជាតិមានដើមកំណើតនៅប្រទេសជប៉ុន ប៉ុន្តែបច្ចុប្បន្ននេះ គេអាចដាំបាននៅតាមបណ្តាតំបន់មួយចំនួន ដូចជា កោះតៃវ៉ាន់ និងញ៉ូវសេឡេន ដើម្បីយកឫស មកប្រើក្នុងទឹកជ្រលក់ និងគ្រឿងទេស មានក្លិនឆួល និងហិរខ្លាំង។ គេញ៉ាំរុក្ខជាតិប្រភេទនេះ ដើម្បីការពារជំងឺបេះដូង មហារីក និងជំងឺពុកឆ្អឹង។ យ៉ាងណាមិញ គេក៏អាចប្រើវាក្នុងអាហារដើម្បីបង្កើនជាតិហិរផងដែរ។
២- វ៉ាសាប៊ិដំណើរការម៉េចខ្លះ?
មិនទាន់មានការសិក្សាច្បាស់ពីរុក្ខជាតិប្រភេទនេះនៅឡើយទេ។ ពិភាក្សាជាមួយអ្នកឯកទេសឱសថរុក្ខជាតិ ឬគ្រូពេទ្យមុនសម្រេចចិត្តប្រើប្រាស់។ ប៉ុន្តែយ៉ាងណា គេដឹងថា វ៉ាសាប៊ិក មានផ្ទុកនូវសារធាតុសម្លាប់មេរោគ ប្រឆាំងមហារីក និងការរលាកផ្សេងៗ។ លើសពីនេះ គេនៅជឿថា អាចជួយបញ្ហាកំណកឈាម និងការលូតលាស់ឆ្អឹងលឿនថែមទៀតផង។
កត្តាគួរប្រុងប្រយ័ត្ន
៣- មុនប្រើវ៉ាសាប៊ិគួរដឹងអីខ្លះ?
ប្រឹក្សាយោបល់ជាមួយគ្រូពេទ្យ ឱសថការី ឬអ្នកឯកទេសឱសថរុក្ខជាតិក្នុងករណី៖
– ស្រ្តីមានគភ៌ ឬបំបៅដោះព្រោះនៅពេល កំពុងចង់បានកូន ឬបំបៅដោះ គួរតែប្រើថ្នាំ ណែនាំដោយគ្រូពេទ្យជំនាញប៉ុណ្ណោះ។
– កំពុងប្រើប្រាស់ថ្នាំអ្វីផ្សេង ថ្នាំទាំងនោះរាប់បញ្ចូលទាំងថ្នាំអ្នកទិញខ្លួន និងថ្នាំទិញតាមវេជ្ជបញ្ជា
– មានប្រតិកម្មជាមួយ វ៉ាសាប៊ិ ថ្នាំពេទ្យ ឬមានប្រតិកម្មជាមួយឱសថបុរាណដទៃ
– កំពុងមានជំងឺប្រចាំកាយ ឬមានបញ្ហាសុខភាពអ្វីមួយ ពិសេសមានក្រួសក្នុងប្រមាត់ជាដើម
– ធ្លាប់មានប្រតិកម្មជាមួយអាហារ សារធាតុពណ៌ សារធាតុរក្សាអាហារ ឬជាមួយសត្វ។
លក្ខខណ្ឌចុះបញ្ជីការផ្លូវច្បាប់លើឱសថបុរាណ មិនតឹងរ៉ឹង ដូចការចុះបញ្ជីការផ្លូវច្បាប់លើថ្នាំពេទ្យទេ។ ដូចនេះ គេត្រូវការ សិក្សាបន្ថែមដើម្បីដឹងពីសុវត្ថិភាពប្រើប្រាស់ឱសថបុរាណ។ គុណសម្បត្តិនៃការប្រើឱសថនេះ ត្រូវច្រើនជាងផលប៉ះពាល់។ មុនពេលប្រើ សូមពិគ្រោះជាមួយអ្នកជំនាញខាងឱសថរុក្ខជាតិ ឬគ្រូពេទ្យបន្ថែម។
៤- មានសុវត្ថិភាពកម្រិតណា?
នៅមិនទាន់មានព័ត៌មានគ្រប់គ្រាន់ដើម្បីដឹងថា វ៉ាសាប៊ិ មានសុវត្ថិភាព ឬយ៉ាងណានៅឡើយទេ។
៥- គួរប្រុងប្រយ័ត្ន
– ស្ត្រីមានផ្ទៃពោះ និងបំបៅដោះ៖ មិនទាន់មានព័ត៌មានគ្រប់គ្រាន់ អាចបញ្ជាក់ពីសុវត្ថិភាព ពេលញ៉ាំវ៉ាសាប៊ិ អំឡុងពេលមានផ្ទៃពោះ ឬបំបៅដោះកូននៅឡើយទេ។ ដើម្បីសុវត្ថិភាព សូមចៀសវាងញ៉ាំវា។
– វិបត្តិកំណកឈាម៖ វ៉ាសាប៊ិ អាចធ្វើឲ្យឈាមក្រកក។ តាមទ្រឹស្ដី វ៉ាសាប៊ិ អាចបង្កើនហានិភ័យហូរឈាម និងមានរបួស ចំពោះអ្នកជំងឺមានវិបត្តិកំណកឈាម។
– វះកាត់៖ រុក្ខជាតិនេះ អាចធ្វើឈាមក្រកក។ វ៉ាសាប៊ិអាចបណ្ដាលឲ្យហូរឈាមច្រើនពេលវះកាត់។ សូមឈប់ញ៉ាំ វ៉ាសាប៊ យ៉ាងហោច ២អាទិត្យ មុនវះកាត់។
ស្វែងយល់ពីផលរំខាន
៦- វ៉ាសាប៊ិមានផលរំខានអីខ្លះ?
ប្រសិនបើមានការបារម្ភពីផលរំខាន សូមពិគ្រោះជាមួយគ្រូពេទ្យ។
ស្វែងយល់ពីអន្តរកម្មថ្នាំ
៧- វ៉ាសាប៊ិមានអន្តរកម្មជាមួយអីខ្លះ?
វ៉ាសាប៊ិ អាចមានអន្តរកម្មជាមួយថ្នាំយើងកំពុងប្រើ ឬស្ថានភាពជំងឺយើងកំពុងមាន។ សូមពិគ្រោះជាមួយគ្រូពេទ្យ ឱសថការី ឬអ្នកឯកទេសឱសថបុរាណ មុនពេលប្រើ។
អត្ថបទពាក់ព័ន្ធ៖
ស្វែងយល់ពីកម្រិតថ្នាំ
ព័ត៌មានទាំងនេះ មិនបានរាប់ជាការណែនាំរបស់គ្រូពេទ្យនោះទេ។ ត្រូវតែពិភាក្សាជាមួយគ្រូពេទ្យ ឬឱសថការី មុនពេលចាប់ផ្តើមប្រើប្រាស់ថ្នាំប្រភេទនេះ។
៨- កម្រិតប្រើធម្មតាម៉េចដែរ?
កម្រិតប្រើប្រាស់រុក្ខជាតិប្រភេទនេះ ខុសៗគ្នាអាស្រ័យលើស្ថានភាពសុខភាពមនុស្សម្នាក់។ កម្រិតប្រើ អាស្រ័យលើកត្តាអាយុ ស្ថានភាពសុខភាព និងស្ថានភាពផ្សេងៗទៀត។ ឱសថរុក្ខជាតិមិនប្រាកដថាមានសុវត្ថិភាពរហូតនោះទេ។ សូមពិគ្រោះជាមួយគ្រូពេទ្យ ឬឱសថការីមុននឹងប្រើ។
៩- អាចមានទម្រង់អីខ្លះ?
– វ៉ាសាប៊ិ ស្រស់
– វ៉ាសាប៊ិគ្រាប់ សម្រាប់លេប
– ប្រភេទម្សៅ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
គណនា BMI
ប្រើរង្វាស់សុខភាពBMI ដើម្បីគណនារាងកាយ ទម្ងន់ និងកម្ពស់សមសួន និងសុខភាពល្អ
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Wasabi https://www.webmd.com/vitamins-supplements/ingredientmono-1525-wasabi.aspx?activeingredientid=1525&activeingredientname=wasabi Accessed December 05, 2017
Wasabi https://herbpathy.com/Uses-and-Benefits-of-Wasabi-Cid409 Accessed December 05, 2017
Share