មាតិកា

រង្វាស់សុខភាព

ផ្សព្វផ្សាយពាណិជ្ជកម្ម

ចែករំលែក

Tamanu (ដើមខ្ទឹង)

ស្វែងយល់ពីការប្រើប្រាស់

១- ដើមខ្ទីងប្រើដើម្បីព្យាបាលអ្វី?

– ជ័រ៖ លាបបំបាត់អាការៈហើម រលាកបំពង់ក រាក់ស៊ីធ្មេញ បូស អំបៅអំបែក ជំងឺត្រចៀក បំបាត់ស្នាមរបួស និងរលាក។

– ប្រេង៖ លាបបំបាត់រមាស់ អង្គែ កមរមាស់ លាបឈឺឆ្អឹងឆ្អែង។

– សំបកដើម៖ ព្យាបាលឈឺក្រពះ ។

– ឫស៖ ព្យាបាលរលាកជើងធ្មេញ។

២- ដើមខ្ទឹងដំណើរការយ៉ាងម៉េច?

មិនទាន់មានការសិក្សាពីសកម្មភាពព្យាបាលរបស់ដើមខ្ទឹងនៅឡើយទេ ប៉ុន្តែគេដឹងថារុក្ខជាតិនេះ មានសមាសធាតុគីមី ដូចជា៖

– គ្រាប់មានជាតិប្រេងពី ៥០,២-៧៣ ភាគរយ។

– សំបកគ្រាប់មានសារធាតុ Lencocyanidin តិច ឬច្រើន។

– សំបកដើម មានជាតិ Tanin ជាតិ Saponintriterpen ជាតិ Phytoterol ជាតិប្រេង Coumarin ពី ១១,៩% ឬច្រើនជាងនេះ។

– ជ័ររផ្លែមានសារធាតុ Glycerid សារធាតុ Lacton និង Calophyllolid សារធាតុ ino phyllolid អាស៊ីដ។ Calophyllic (ជាសារធាតុធ្វើឈាមកក ដូចជាតិ Coumarin ផ្សេងៗទៀត)។

– ស្លឹកមានជាតិ Saponin និងអាស៊ីដ Hydrocyanic។

បញ្ជាក់៖ ជ័ររបស់រុក្ខជាតិមានរសជាតិប្រៃ អាចធ្វើឲ្យក្អួតបាន។

កត្តាគួរប្រុងប្រយ័ត្ន

៣- មុនប្រើគួរដឹងអីខ្លះ?

ប្រឹក្សាយោបល់ជាមួយគ្រូពេទ្យ ឱសថការី ឬអ្នកឯកទេសឱសថរុក្ខជាតិប្រសិនបើ៖

– ស្រ្តីមានគភ៌ ឬបំបៅដោះព្រោះ នៅពេលកំពុងចង់បានកូន ឬបំបៅដោះ គួរតែប្រើថ្នាំតែមួយមុខណា ដែលមានការណែនាំដោយគ្រូពេទ្យជំនាញប៉ុណ្ណោះ។

– កំពុងប្រើប្រាស់ថ្នាំផ្សេងៗ រាប់បញ្ចូលទាំងថ្នាំមាន ឬគ្មានវេជ្ជបញ្ជា។

– ធ្លាប់មានប្រតិកម្មអាលែកហ្ស៊ីជាមួយដើមខ្ទឹង ថ្នាំពេទ្យ ឬឱសថរុក្ខជាតិផ្សេងៗទៀត។

– មានជំងឺ ឬស្ថានភាពសុខភាពផ្សេងៗ។

– ធ្លាប់មានប្រតិកម្មអាលែកហ្ស៊ីប្រភេទផ្សេងទៀត ដូចជា ជាមួយ អាហារ សារធាតុពណ៌ សារធាតុរក្សាអាហារ ឬសត្វ។

លក្ខខណ្ឌចុះបញ្ជីការផ្លូវច្បាប់សម្រាប់ឱសថរុក្ខជាតិ មិនតឹងរ៉ឹងដូចការចុះបញ្ជីការផ្លូវច្បាប់ទៅលើថ្នាំពេទ្យទេ។ ដូចនេះ គួរតែមានការសិក្សាបន្ថែមពីសុវត្ថិភាពលើឱសថទាំងនេះ។ ត្រូវប្រាកដថា អត្ថប្រយោជន៍នៃការប្រើថ្នាំនេះ ខ្ពស់ជាងកត្តាប្រឈម។ សូមពិគ្រោះជាមួយគ្រូពេទ្យសម្រាប់ព័ត៌មានបន្ថែម។

ស្វែងយល់ពីផលរំខាន

៤- មានផលរំខានអីខ្លះ?

ប្រសិនបើមានការបារម្ភពីផលរំខានណាមួយ សូមពិភាក្សាជាមួយគ្រូពេទ្យ ឬគ្រូឱសថបុរាណ។

អត្ថបទពាក់ព័ន្ធ៖

ក្រសាំង (Krosang)
ផ្កាឈូក (Lotus)

ស្វែងយល់ពីអន្តរកម្មថ្នាំ

៥- មានអន្តរកម្មជាមួយអីខ្លះ?

ខ្ទឹង អាចមានប្រតិកម្មជាមួយនឹងថ្នាំ ក៏ដូចជាជំងឺមួយចំនួនយើងកំពុងមាន។ គប្បីពិគ្រោះជាមួយគ្រូពេទ្យ និងអ្នកជំនាញខាងឱសថរុក្ខជាតិ មុនពេលប្រើប្រាស់។

ស្វែងយល់ពីកម្រិតថ្នាំ

ព័ត៌មានទាំងនេះ មិនបានរាប់ជាការណែនាំរបស់គ្រូពេទ្យនោះទេ។ ត្រូវតែពិភាក្សាជាមួយគ្រូពេទ្យ ឬឱសថការី មុនពេលចាប់ផ្តើមប្រើប្រាស់ថ្នាំប្រភេទនេះ។

៧- កម្រិតប្រើធម្មតាម៉េចដែរ?

កម្រិតដូសក្នុងការប្រើប្រាស់ខ្ទឹង អាចមានលក្ខណៈខុសគ្នាសម្រាប់អ្នកជំងឺម្នាក់ៗ។ កម្រិតប្រើប្រាស់អាស្រ័យលើកត្តាអាយុ សុខភាព និងស្ថានភាពរាងកាយមួយចំនួនទៀត។ ឱសថរុក្ខជាតិ មិនមែនតែងមានសុវត្ថិភាពទាំងអស់នោះទេ ហេតុនេះ សូមប្រឹក្សាយោបល់ជាមួយអ្នកឯកទេសឱសថរុក្ខជាតិ ឬគ្រូពេទ្យជំនាញជាមុនសិន។

– ឫស និងសម្បក ប្រើ ១៥-៣០ ក្រាម (ដាំទឹកផឹក)។

– ជ័រ និងប្រេង សម្រាប់លាប និងរឹត ខាងក្រៅ ក្នុងកម្រិតសមល្មម។

៧- ផ្នែកដែលប្រើប្រាស់?

– គ្រាប់ សំបកគ្រាប់ សំបកដើម ឫស ជ័ររបស់ផ្លែ ស្លឹក។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ គឹម កាណែល · កែ 27/11/2019

Tamanu (ដើមខ្ទឹង)

ស្វែង​យល់​ពី​ការ​ប្រើប្រាស់

កត្តា​គួរ​ប្រុង​ប្រយ័ត្ន

ស្វែង​យល់​ពី​ផលរំខាន

ស្វែង​យល់​ពី​អន្តរកម្ម​ថ្នាំ

ស្វែង​យល់​ពី​កម្រិត​ថ្នាំ

ស្វែងយល់ពីការប្រើប្រាស់

កត្តាគួរប្រុងប្រយ័ត្ន

ស្វែងយល់ពីផលរំខាន

ស្វែងយល់ពីអន្តរកម្មថ្នាំ

ស្វែងយល់ពីកម្រិតថ្នាំ