ថែទាំក្មេងទើបចេះដើរ អាចខុសគ្នាតិចតួចពីការបំបៅដោះទារកទើបកើត ហើយនៅពេលកូនឈានដល់វ័យមួយឆ្នាំ កូនយើងត្រូវការសារធាតុចិញ្ចឹមជាច្រើន ពីអាហាររឹងម៉ាក់ផ្តល់ឲ្យបន្ថែម។ ក្រៅពីនេះ ក្មេងតូចៗភាគច្រើន ក៏អាចទទួលបានសារធាតុចិញ្ចឹមពីទឹកដោះគោដូចគ្នា មានន័យថា មិនមានការអះអាងជាក់លាក់ណា បង្ហាញថាក្មេងទើបចេះដើរគួរបញ្ឈប់ ឬបន្តបៅដោះម៉ាក់ៗ ហើយត្រូវបៅប៉ុន្មានទើបល្អនោះដែរ។ យ៉ាងណា ហេតុផលខាងក្រោម អាចសមល្មមឲ្យយើងសម្រេចចិត្តបន្តបំបៅកូន ទោះចេះដើរក៏ដោយ។
១- បំបៅដោះកូនតូច ដូចពេលកូននៅជាទារក
ការឈានដល់វ័យកុមារ មិនមែនគ្រាន់តែត្រូវការ ការថែទាំពីម៉ាក់ៗ ឬផ្លាស់ប្តូរការថែទាំថ្មីនោះទេ។ ការពិត វាជាចំណែកមួយរបស់ធម្មជាតិ ទៅលើការអភិវឌ្ឍរបស់ក្មេង។ អង្គការសុខភាពពិភពលោក បានណែនាំឲ្យថែទាំទារកក្នុងរយៈពេល ៦ ខែដំបូង តាមរយៈការបំបៅកូនដោយទឹកដោះម៉ាក់ៗផ្ទាល់។ កាន់តែប្រសើរ គួរបន្តបំបៅកូនអាយុមួយឆ្នាំ លាយជាមួយអាហាររឹង រហូតដល់កូនបានអាយុ ២ឆ្នាំ។
គុណសម្បត្តិបំបៅកូនដោយទឹកដោះម៉ាក់ៗ ជាវិធីជំរុញអាហារូបត្ថម្ភបន្ថែមចំពោះកូនទើបចេះដើរ ពិសេសសាធាតុចិញ្ចឹមក្នុងទឹកដោះម៉ាក់ៗ គឺអាចជួយកូន ឲ្យចេះសម្របខ្លួនជាមួយអាហារូបត្ថម្ភផ្សេងទៀត ដែលក្មេងទទួលបាន។ បើកូនយើងមិនចូលចិត្តក្នុងការញ៉ាំអាហារ ក៏មិនអាចធ្វើឲ្យកូន ប្រឈមបញ្ហាកង្វះអាហារូបត្ថម្ភបានដែរ បើម៉ាក់ៗនៅតែបំបៅកូននោះ។ ហេតុនេះ ស្រីៗគ្នាយើង ត្រូវមានការប្រុងប្រយ័ត្នទាំងការញ៉ាំអាហារ ឬមិនញ៉ាំអាហារ អាហារសម្រន់ ក៏ដូចយកចិត្តទុកដាក់ចំពោះអាហារណាដែលល្អសម្រាប់យើងដូចគ្នា។
អត្ថបទពាក់ព័ន្ធ៖
- តិចនិកជួយម៉ាក់ៗទើបមានកូនដំបូង ចេះបំបៅដោះបានយ៉ាងងាយ
- ទារកម៉ឹមទឹកដោះម្តាយពេលកើតភ្លាម ដល់៦ខែ នឹងបានប្រយោជន៍អស្ចារ្យទាំងនេះ
២- មូលហេតុផ្សេងទៀតគួរបន្តបំបៅកូន
មានមូលហេតុសំខាន់ៗជាច្រើនទៀត ជំរុញចិត្តម៉ាក់ៗជាច្រើន បន្តបំបៅដោះអូនតូចទើបចេះដើរ ដោយហេតុផលចម្បងមានដូចជា៖
– ការពារកូនពីជំងឺ៖ ទឹកដោះម៉ាក់ៗ អាចធ្វើឲ្យប្រព័ន្ធភាពស៊ាំកូនរឹងមាំ ដូច្នេះកូនយើងនឹងមិនងាយផ្តាសាយ ឆ្លងមេរោគនៅត្រចៀក អាលែកហ្ស៊ី រួមនឹងជំងឺទូទៅដទៃទៀត។ ទោះបីជាកូននៅតែឈឺក៏ដោយ ការបំបៅកូនដោយទឹកដោះ នឹងជួយឲ្យក្មេងតូចឆាប់ជាវិញ។
– ក្មេងសុខភាពល្អនៅពេលធំ៖ ការស្រាវជ្រាវបង្ហាញថា ក្មេងតូច និងកុមារដែលបៅដោះម៉ាក់ៗ ពេលធំឡើង ទទួលមានប្រយោជន៍ច្រើនចំពោះសុខភាព ដូចជា មានសម្ពាធឈាមល្អ និងមានកូលេស្តេរ៉ូលទាប។ កូនយើង ក៏មិនឡើងទម្ងន់ ធាត់ខ្លាំង ឬវិវត្តទៅជាជំងឺទឹកនោមផ្អែមប្រភេទ ២ នោះដែរ។
– ជំនួយដល់ការលូតលាស់ខួរក្បាល៖ ក្រុមជំនាញជឿថា ក្មេងបៅទឹកដោះម៉ាក់ៗកាន់តែយូរ គឺកាន់តែឆ្លាត ដោយសារតែអាស៊ីដខ្លាញ់អូមេហ្គា ៣ ឬជាតិ DHA មានតែនៅក្នុងទឹកដោះម៉ាក់ៗនោះឯង។
– សុខភាពផ្លូវចិត្តល្អ៖ កូនយើងនឹងមានអារម្មណ៍ថាស្ងប់ ព្រោះសុដន់ម៉ាក់ៗ អាចជួយសម្រាលផ្លូវអារម្មណ៍កូន និងធ្វើឲ្យមានអារម្មណ៍ប្រសើរ។
– ជួយកូនសម្រាកបានច្រើន៖ ក្មេងតូច មានការងារគ្រឹះជាច្រើន ត្រូវរៀន ត្រូវធ្វើ។ កូនយើង ត្រូវស្វែងយល់ពីអ្វីថ្មីៗ ស្វែងយល់ពីរបស់ផ្សេងៗនៅជុំវិញខ្លួន ធ្វើឲ្យពេលវេលាសម្រាករបស់កូន កាន់តែខ្លី។ ហេតុនេះ បើយើងបន្តបំបៅដោះកូន គឺដូចជាជួយកូនយើងបានសម្រាកច្រើននៅពេលថ្ងៃ សុខភាពរាងកាយកូនបានតែប្រសើរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
