២. សុខភាព និងអនាម័យ
ការយល់ដឹងពីសុខភាព និងអនាម័យគឺអាចចាប់ផ្ដើមតាំងពីកូននៅតូចបាន។ ប៉ាម៉ាក់តែងប្រាប់កូនតូចៗឲ្យងូតទឹកសម្អាតខ្លួន ដុសធ្មេញ លាងដៃ និងផ្លាស់សម្លៀកបំពាក់ ប៉ុន្តែប៉ាម៉ាក់ទំនងមិនដែលប្រាប់ពីមូលហេតុទេ។ ដូចនេះប៉ាម៉ាក់គួរប្រាប់កូនតូចពីមូលហេតុត្រូវថែទាំសុខភាព និងរឿងត្រូវរក្សាអនាម័យ ពោលគឺអាចប្រាប់កូនថាអ្វីទាំងនេះជាផ្នែកសំខាន់ក្នុងការរស់នៅប្រចាំថ្ងៃ។
៣. ការគ្រប់គ្រងពេលវេលា
ប៉ាម៉ាក់គ្រប់រូបដឹងហើយថាការគ្រប់គ្រងពេលវេលាគឺអាចជួយយើងបានច្រើន ហើយក្មេងក៏អាចចាប់ផ្ដើមរៀនពីការគ្រប់គ្រងពេលវេលាតាំងពីតូចដូចគ្នា។ ការបង្រៀនការគ្រប់គ្រងពេលវេលាដល់កូនមិនត្រឹមតែបង្រៀនពួកគេឲ្យចេះបែងចែកម៉ោងធ្វើកិច្ចការអ្វីមួយ ឬបង្កើតកាលវិភាគសម្រាប់កិច្ចការប្រចាំថ្ងៃទេ ប៉ុន្តែនៅអាចបង្រៀនពួកគេឲ្យចេះលៃពេលវេលាក្នុងការធ្វើកិច្ចការប្រចាំថ្ងៃតាំងពីក្រោកពីគេង និងការធ្វើការទៀងម៉ោង។