ខណ្ឌមួយនេះមានអ្នកជំងឺកូវីដ-១៩ ព្យាបាលនៅតាមផ្ទះច្រើនជាងគេ

នៅរាជធានីភ្នំពេញមានអ្នកជំងឺកូវីដ-១៩ កម្រិតស្រាល ព្យាបាលនៅតាមផ្ទះប្រមាណ ១ ៣០០នាក់ ក្នុងនោះអ្នករស់នៅខណ្ឌសែនសុខមានចំនួនច្រើនជាងគេ គឺជាង ២០០នាក់។ នេះបើតាមការលើកឡើងរបស់លោកវេជ្ជបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញ។

លោកវេជ្ជបណ្ឌិតបានលើកឡើងនៅក្នុងសន្និសីទសារព័ត៌មាន ស្តីពី ការផ្សព្វផ្សាយនីតិវិធី និងយន្តការដាក់ព្យាបាលតាមផ្ទះ ចំពោះអ្នកជំងឺកូវីដ-១៩ កម្រិតស្រាល និងគ្មានរោគសញ្ញា ការពីព្រឹកមិញនេះថា ក្នុងចំណោមអ្នកជំងឺទាំង ១ ៣០០នាក់នោះ មានអ្នកជាសះស្បើយ ជាង ២០០នាក់ហើយ គិតចាប់ពីថ្ងៃអនុញ្ញាតឲ្យមានការព្យាបាលនៅតាមផ្ទះ កាលពីចុងខែមេសា រហូតដល់ថ្ងៃទី១២ កក្កដា ២០២១នេះ។

តួលេខអ្នកជំងឺកូវីដ-១៩ កម្រិតស្រាលព្យាបាលនៅតាមផ្ទះក្នុងខណ្ឌនីមួយៗ

– ខណ្ឌសែនសុខ ២២៦នាក់

– ខណ្ឌមានជ័យ ១៣២នាក់

– ខណ្ឌពោធិ៍សែន ១១៨នាក់

– ខណ្ឌបឹងកេងកង ៩៨នាក

– ខណ្ឌដង្កោ ៨៩នាក់

– ខណ្ឌឫស្សីកែវ ៦៥នាក់

– ខណ្ឌច្បារអំពៅ ៥៨នាក់

– ខណ្ឌដូនពេញ ៥៤នាក់

– ខណ្ឌចំការមន ៥៣នាក់

– ខណ្ឌទួលគោក ៣៩នាក់

– ខណ្ឌកំបូល ៣៤នាក់

– ខណ្ឌជ្រោយចង្វារ ៣០នាក់

– ខណ្ឌព្រែកព្នៅ តិចជាង

គោលបំណងនៃការអនុញ្ញាតឲ្យអ្នកជំងឺកូវីដ-១៩ កម្រិតស្រាល ព្យាបាលនៅតាមផ្ទះនេះ ដើម្បីទុកទីតាំងនៅមន្ទីរពេទ្យរៀបចំឲ្យបានល្អតាមលក្ខណៈបច្ចេកទេស ក្នុងការត្រៀមទទួលអ្នកជំងឺកូវីដ-១៩ កម្រិតធ្ងន់ ងាយសង្គ្រោះអ្នកជំងឺកម្រិតធ្ងន់ទាន់ពេលវេលា។

ខាងក្រោមនេះជាវិធីព្យាបាលអ្នកជំងឺកូវីដ-១៩ គ្មានរោគសញ្ញា ឬកម្រិតស្រាល នៅតាមផ្ទះ ណែនាំដោយក្រសួងសុខាភិបាល។

ការព្យាបាលអ្នកជំងឺកូវីដនៅតាមផ្ទះ