ការយកសម្លីត្បារត្រចៀក ស្លាបមាន់ កូនសោ កង្វាររឹងៗទៅត្បារ ឬខ្វេះយកអាចម៍ត្រចៀកចេញ ប្រៀបបាននឹងយកមេរោគទៅដាក់ក្នុងត្រចៀកអ៊ីចឹង។ នេះបើតាមការលើកឡើងរបស់លោកវេជ្ជបណ្ឌិត ហម សីលា ឯកទេសត្រចៀក ច្រមុះ បំពង់ក បម្រើការងារនៅមន្ទីរពេទ្យព្រះអង្គឌួង។
យករបស់ទាំងនេះត្បារអាចម៍ត្រចៀក ប្រៀបបានយកមេរោគទៅដាក់ត្រចៀក
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិតថា មិនថា កូនក្មេង ឬមនុស្សចាស់នោះទេ ដាច់ខាតមិនត្រូវត្បារ ឬខ្វារយកអាចម៍ត្រចៀកចេញពីរន្ធត្រចៀកផ្នែកកណ្តាលឡើយ ព្រោះអាចម៍ត្រចៀកផលិតរាល់ថ្ងៃ វាជាសន្ទះការពារ មានតួនាទីការពារត្រចៀក និងចាប់យកមេរោគផ្សេងៗ។
កាលណាយើងយករបស់ទាំងប៉ុន្មានខាងលើនេះទៅត្បារអាចម៍ត្រចៀក មិនត្រឹមតែអត់ប្រយោជន៍នោះទេ ថែមទាំងងាយឆ្លងរោគ ព្រោះរបស់ទាំងនោះកង្វក់ហើយរឹង ងាយបង្កគ្រោះថ្នាក់។ គ្រោះថ្នាក់ទាំងនោះមាន ស្ទះរន្ធត្រចៀក ហើយបើជ្រុលដៃតែបន្តិចទៅជាដាច់រហែកក្រដាសត្រចៀក បង្កឲ្យឈឺចាប់ ចំណែកឯករណីធ្ងន់ធ្ងរទៅជាថ្លង់ ស្តាប់លែងឮ អាចឲ្យមេរោគឆ្លងចូលទៅដល់ខួរក្បាល ធ្វើឲ្យរលាកស្រោមខួរក្បាលថែមទៀតផង។ ម្យ៉ាងវិញទៀតការត្បារត្រចៀករៀងរាល់ថ្ងៃ ក៏ធ្វើឲ្យរមាស់ត្រចៀក ងាយនឹងកើតរោគផ្សិត។
ការសម្អាត និងធ្វើអនាម័យត្រចៀក អាចធ្វើទៅបានតែនៅផ្នែកខាងក្រៅត្រចៀកប៉ុណ្ណោះ (ផ្នែកដែលមើលឃើញ) ដែលយើងត្រូវយកសម្លី ឬកន្សែងទន់ៗមកជូតផ្ដិត។ ក្នុងករណីអ្នកដែលមានអាចម៍ត្រចៀករឹង បារម្ភខ្លាចណែនខ្លាំងស្តាប់មិនឮ ត្រូវមកជួបគ្រូពេទ្យឯកទេសដើម្បីបូមលាងសម្អាតអាចម៍ត្រចៀកចេញ ដោយគ្រូពេទ្យនឹងដាក់ថ្នាំបន្តក់សម្រាប់រំលាយអាចម៍ត្រចៀក ដើម្បីឲ្យអាចម៍ត្រចៀកទន់ ធ្លាក់ចេញមកក្រៅដោយខ្លួនឯង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម