រឿងឈឺក្បាលរបស់មនុស្សមួយចំនួនធំមិនថាយើង ឬអ្នកផ្សេងទេ គឺពិបាកចិត្ដរឿងគេងមិនលក់ ជាពិសេសពេលយើងត្រូវមានកម្មវិធីសំខាន់ត្រូវចូលរួមនៅថ្ងៃបន្ទាប់ តែបែរជាគេងមិនលក់ទៅវិញ។ ទាក់ទងនឹងការគេងមិនលក់នេះ លោកស្រីវេជ្ជបណ្ឌិត ចូ បានបង្ហាញអំពីវិធីដកដង្ហើម ដែលវិធីនេះអាចជួយឲ្យយើងគេងបានឆាប់ និងគេងបានស្កប់ទៀតផង។
ជួបបញ្ហាគេងមិនលក់? សាកវិធីដកដង្ហើមប្រើតិចនិក ៤-៧-៨ អាចជួយឲ្យគេងឆាប់លក់
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកស្រីវេជ្ជបណ្ឌិតខាងលើបានហៅវិធីនោះថា តិចនិច ៤-៧-៨ ដែលតម្រូវឲ្យយើងដកដង្ហើមចូលចំនួន ៤វិនាទី រួចទប់ដង្ហើម ៧វិនាទី និងដកដង្ហើមចេញវិញចំនួន ៨វិនាទី។
លោកស្រីបានណែនាំឲ្យយើងដកដង្ហើមចូលធម្មតា មួយៗ ហើយបន្ទាប់មក ទប់ដង្ហើមនោះឲ្យបាន ៧វិនាទី។ ក្រោយមកទៀតដកដង្ហើមចេញ ដោយធ្វើមាត់ឲ្យរៀងស្រួចបន្តិច ដូចយើងផ្លំខ្យល់ចេញ ឲ្យបាន ៨វិនាទីវិញ។ ពេលខ្លះយើងពិតជាមិនអាចដកដងហើមចេញបានរហូតដល់ ៨វិនាទីមនោះទេ ប៉ុន្តែពេលយើងព្យាយាមធ្វើវាកាន់តែច្រើន នោះយើងនឹងអាចធ្វើបាន។
លោកស្រីវេជ្ជបណ្ឌិត ចូ ក៏បានណែនាំឲ្យយើងគេងផ្ងារដើម្បី អនុវត្តវិធីដកដង្ហើមបែបនេះ ដើម្បីទទួលបានផលប្រយោជន៍បាន។
ពេលយើងសាកល្បងអនុវត្តវិធីនេះលើកដំបូង យើងអាចនឹងមានការលំបាកបន្តិច ដោយថាអាចពិបាកស៊ាំជាមួយវា ប៉ុន្តែពេលយើងទម្លាប់ធ្វើកាន់តែយូរទៅ យើងនឹងអាចគេងលក់បានឆាប់ជាងមុន។ ដូចនេះយើងត្រូវព្យាយាមធ្វើឲ្យបានយូរបន្តិច ទើបឃើញលទ្ធផលល្អ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម