ចាប់ពីថ្ងៃដំបូងដែលម៉ាក់ៗមានផ្ទៃពោះ រហូតដល់ពេលមានអារម្មណ៍ថា កូនក្នុងផ្ទៃធាក់ជាលើកដំបូង ម៉ាក់ៗច្បាស់ជាមានអារម្មណ៍ពិសេសជាក់ជាមិនខាន។ ក្នុងរយៈពេល៩ខែនៃការពពោះ ទារកក្នុងផ្ទៃពឹងផ្អែកលើម្ដាយ ដើម្បីទទួលបានអាហារូបត្ថម្ភ។ ប៊េប៊ីអាចផ្លាស់ប្ដូរទីតាំង មានសកម្មភាព ធ្វើចលនាចុះឡើង និងចាប់ផ្ដើមវិវត្តផ្នែកលំនឹង ក៏ដូចជាអាចយំបានផងដែរ។ ប៉ុន្តែ អ្វីដែលគួរឲ្យចាប់អារម្មណ៍នោះ គឺទារកតូចៗអាចធ្វើរឿងរ៉ាវច្រើនជាងនេះ ពេលនៅក្នុងផ្ទៃ លើសពីអ្វីដែលម៉ាក់ៗគិតទៅទៀត។
ដឹងអត់? កូនក្នុងផ្ទៃ មានភាពឆ្លាតវៃជាងអ្វីម៉ាក់ៗគិតទៅទៀត
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
យោងតាមការសិក្សាមួយចំនួនបានបង្ហាញថា ទារកនៅក្នុងផ្ទៃមានសមត្ថភាពលើសពីការស្ដាប់ ឬធាក់។ ជាក់ស្ដែង ទារកដែលកំពុងលូតលាស់មានភាពឆ្លាតវៃជាងអ្វីដែលយើងគិត។ ពួកគេអាចចាប់ផ្ដើមមើលឃើញលើសពីការរំពឹងទុក ព្រមទាំងអាចមើលឃើញ និងដឹងអំពីរឿងរ៉ាវដែលនៅជុំវិញខ្លួនរបស់ពួកគេ។ ជាមួយគ្នានេះដែរ កោសិកាទទួលចាប់ពន្លឺ ដែលកំពុងវិវត្តនៅក្នុងស្រទាប់រេទីនរបស់ភ្នែក ដែលត្រូវបានសន្មតថា អាចជួយឲ្យទារកដឹង ឬបែងចែករវាងថ្ងៃ និងយប់ អាចផ្ដល់នូវរំញោចទៅភ្នែកច្រើនជាងនេះ ហើយព្រមទាំងអាចជួយបង្កើនការអភិវឌ្ឍខួរក្បាលរបស់ទារក ក៏ដូចជាត្រួសត្រាយផ្លូវក្នុងការលូតលាស់របស់ក្មេងទៅថ្ងៃអនាគតថែមទៀតផង។
យោងតាមការវិភាគមួយ បានបង្ហាញថា ទារកអាចចាប់ផ្ដើមឮសំឡេង និងអនុវត្តអ្វីដែលម៉ាក់ៗនិយាយ នៅពេលដែលពួកគេនៅក្នុងផ្ទៃ។ លើសពីនេះ ទារកក៏អាចរៀន ចាប់យក និងចងចាំរឿងរ៉ាវដូចទៅនឹងទារកដែលទើបនឹងកើតផងដែរ ជាពិសេស គឺពួកគេអាចចាប់បានចង្វាក់ភ្លេង និងមានប្រតិកម្មទៅនឹងសំឡេងភ្លេងបានយ៉ាងអស្ចារ្យ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម