អង្គការសុខភាពពិភពលោក (WHO) បានប្រកាសដាក់ឈ្មោះជាផ្លូវការឲ្យវីរុសកូរ៉ូណាថ្មីដែលបានផ្ទុះឡើងដំបូងចេញពីទីក្រុងវូហាន ខេត្តហូប៊ី ភាគកណ្ដាលប្រទេសចិន កាលពីចុងឆ្នាំ ២០១៩ ហើយផ្ទុះខ្លាំងនៅដើមឆ្នាំ ២០២០ នេះ។

ក្រោយមានការហៅឈ្មោះមិនផ្លូវការជាច្រើនដូចជា វូហានវីរុស ឬឈ្មោះសម្គាល់បណ្ដោះអាសន្នថា 2019-nCoV ហើយទីបំផុតប្រធានអង្គការសុខភាពពិភពលោក (WHO) លោក Tedros Adhanom Ghebreyesus បានដាក់ឈ្មោះឲ្យជាផ្លូវការ «Covid-19»។

លោក Tedros បានបញ្ជាក់ថា Co និង Vi គឺតំណាងឲ្យពាក្យ «កូរ៉ូណាវីរុស (Coronavirus) ឬ វីរុសកូរ៉ូណា» រីឯ D តំណាងឲ្យពាក្យថា «ជំងឺ (Disease)» ហើយលេខ 19 តំណាងឲ្យឆ្នាំ ២០១៩ ជាពេលវីរុសកូរ៉ូណាថ្មីនេះរកឃើញជាលើកដំបូង។

ប្រធាន WHO ថាឈ្មោះផ្លូវការ «Covid-19» នេះ គឺមិនមានភ្ជាប់ទៅនឹងទីតាំងភូមិសាស្ត្រ សត្វ ក្រុមបុគ្គល ឬជាតិសាសន៍ណាមួយឡើយ ដែលវាជាកត្តាប្រសើរបំផុត និងងាយស្រួលហៅថែមទៀតផង។

អត្ថបទពាក់ព័ន្ធ៖ លទ្ធផលចេញហើយ! បុរសហូឡង់នៅលើនាវាទេសចរណ៍ គ្មានផ្ទុកវីរុសកូរ៉ូណាថ្មីទេ

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នកជម្រើសល្អបំផុត សូមពិគ្រោះនិងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ទីបំផុត WHO ដាក់ឈ្មោះជាផ្លូវការឲ្យវីរុសកូរ៉ូណាថ្មី