អ្នកណាក៏ដូចអ្នកណា ក្រោយពេលហាត់ប្រាណហើយ រាងកាយយើងច្បាស់ជាឈឺចុកចាប់ ពិសេសនោះគឺសាច់ដុំតែម្ដង ព្រោះប្រើវាខ្លាំងអំឡុងពេលហាត់ប្រាណ ឬលេងកីឡា។ អាការៈឈឺចាប់លើរាងកាយក្រោយលេងកីឡា ឬហាត់ប្រាណ មិនបង្កជាបញ្ហាធំដុំគួរឲ្យបារម្ភទេ ប៉ុន្តែ បើយើងប្រឹងហាត់ប្រាណទាំងឈឺខ្លួនបែបនេះវាល្អដល់រាងកាយ និងសុខភាពឬអត់?
ហាត់ប្រាណទាំងមានអាការៈឈឺចាប់លើរាងកាយល្អ ឬអត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តាមពិតទៅ អាការៈឈឺចាប់លើរាងកាយជារឿយៗ តែងតែកើតមានឡើងក្រោយពេលយើងហាត់ប្រាណ ឬលេងកីឡា ប៉ុន្តែយើងនៅតែអាចបន្តហាត់ប្រាណ ឬធ្វើសកម្មភាពរាងកាយបានធម្មតា។ យ៉ាងណាមិញ យើងក៏ត្រូវចេះសង្កេតមើលស្ថានភាពរាងកាយយើងដែរ ព្រោះកាលណាបើយើងឈឺលើរាងកាយ ហើយខំប្រឹងហាត់ប្រាណ ឬលេងកីឡាខ្លាំងពេក ក៏វាអាចបង្កឲ្យមានរបួសសាច់ដុំ ឬកើតជាជំងឺរលាកសន្លាក់ក៏ថាបាន។
តិចនិកដោះស្រាយអាការៈឈឺចាប់លើរាងកាយ
១. ម៉ាស្សាអាចនាំយកឈាមទៅសាច់ដុំដែលឈឺចាប់ដើម្បីសម្រួលអាការៈឈឺចុកចាប់ តែបើធ្វើជ្រុលវាអាចបណ្ដាលឲ្យយើងឈឺសាច់ដុំកាន់តែធ្ងន់ដូចគ្នា។ បន្ថែមពីលើនេះ យើងត្រូវញ៉ាំទឹកឲ្យបានច្រើន។
២. យើងក៏អាចប្រើថ្នាំបំបាត់ការឈឺចាប់ដោយគ្មានវេជ្ជបញ្ជាបាន ប៉ុន្តែយើងត្រូវពិគ្រោះជាមួយគ្រូពេទ្យជាមុនសិន ព្រោះវាអាចបណ្ដាលឲ្យមានផលរំខាន។
៣. ដើម្បីបំបាត់អាការៈឈឺចាប់លើរាងកាយ យើងក៏អាចសម្រួលអាការៈដោយការស្អំទឹកកក ឬទឹកក្ដៅ ឬមួយត្រាំទឹកកក ឬទឹកក្ដៅក៏បាន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម