ស្ត្រីរត់គេចពីកន្លែងធ្វើចត្តាឡីស័ក ព្រមទទួលស្គាល់កំហុស និងបង់ប្រាក់ពិន័យ

ស្ត្រីខ្មែរ-អាមេរិកកាំងឈ្មោះ Vira Rose ដែលបានគេចពីកន្លែងធ្វើចត្តាឡីស័កនៅភ្នំពេញ ហើយបានរត់ទៅខេត្តកំពង់ចាមកាលពីសប្ដាហ៍មុននោះ យល់ព្រមទទួលស្គាល់កំហុស និងព្រមបង់ប្រាក់ពិន័យ ១ លានរៀល។

បើតាមសេចក្ដីប្រកាសរបស់រដ្ឋបាលខេត្តកំពង់ចាម បានឲ្យដឹងថាស្ត្រីអាណិកជនរូបនោះទទួលស្គាល់កំហុស និងធ្វើកិច្ចសន្យាថែមទៀតផង។ ក្នុងនោះក្រសួងសុខាភិបាល បានស្វែងរកអ្នកពាក់ព័ន្ធនឹងស្ត្រីខ្មែរជនជាតិអាមេរិក ចំនួន ១០ នាក់ ក្រោយពីស្ត្រីរូបនោះរត់ចេញពីមណ្ឌលចត្តាឡីស័កភ្នំពេញ ទៅកាន់ខេត្តកំពង់ចាម ហើយក្រសួងសុខាភិបាលកំពុងតែតាមដានលើអ្នកពាក់ព័ន្ធទាំងនោះ ដោយមិនទាន់មានវិធានការអ្វីផ្សេងឡើយ។

COVID-19