មន្ត្រីការទូតជាន់ខ្ពស់ម្នាក់ទៀតមានផ្ទុកវីរុសកូវីដ១៩ និងមានជាសះស្បើយ ៣ នាក់នៅព្រឹកនេះ

ក្រសួងសុខាភិបាលឲ្យដឹងនៅព្រឹកនេះថាមន្ត្រីការទូតជាន់ខ្ពស់មួយរូបរបស់ស្ថានទូតអាមេរិកប្រចាំកម្ពុជាត្រូវបានរកឃើញថាមានផ្ទុកវីរុសកូវីដ១៩ បន្ទាប់ពីធ្វើតេស្តជាលើកទី៣។

ក្នុងសេចក្ដីជូនដំណឹងរបស់ខ្លួន ក្រសួងបញ្ជាក់ថាខាងស្ថានទូតបានជូនដំណឹងនេះមកកាន់ក្រសួងដោយថាមន្ត្រីរូបនេះបានតេស្តវិជ្ជមានកាលពីថ្ងៃទី៣ ខែសីហា។

បើតាមក្រសួងសុខាភិបាល មន្ត្រីរូបខាងលើបានធ្វើដំណើរពីសហរដ្ឋអាមេរិក ឆ្លងកាត់កូរ៉េខាងត្បូង មុននឹងមកដល់កម្ពុជា។ មន្ត្រីរូបនេះត្រូវបានយកសំណាកទៅធ្វើតេស្តលើទី៣ នៅថ្ងៃទី១៥ នៃការធ្វើចត្តាឡីស័ក្ក និងបានរកឃើញថាវិជ្ជមានវីរុសកូវីដ១៩។

ជាមួយគ្នានេះដែរ នៅថ្ងៃទី៤ ខែសីហា នេះក្រសួងសុខាភិបាលបានឲ្យដឹងដែរថាមានអ្នកជំងឺកូវីតបីនាក់បន្ថែមទៀតបានជាសះស្បើយ។ គិតមកដល់ពេលនេះចំនួនករណីឆ្លង២៤១ករណី ជាសះស្បើយ២០០នាក់ និងមិនមានករណីស្លាប់នោះទេ។

កូវីដ

មន្ត្រីការទូតជាន់ខ្ពស់​ម្នាក់ទៀត​មានផ្ទុកវីរុសកូវីដ១៩ និងមាន​ជាសះស្បើយ​ ៣ នាក់នៅ​ព្រឹក​នេះ

មន្ត្រីការទូតជាន់ខ្ពស់ម្នាក់ទៀតមានផ្ទុកវីរុសកូវីដ១៩ និងមានជាសះស្បើយ ៣ នាក់នៅព្រឹកនេះ