បង្ការការឆ្លង COVID-19 ក្រសួងផ្អាកដំណើរការសាលាអន្តរទ្វីបអាមេរិកាំង ចាក់អង្រែ បណ្តោះអាសន្ន

ក្រសួង​អប់រំ យុវជន និង​កីឡា​បាន​ជូន​ដំណឹង​នៅ​ថ្ងៃនេះ ផ្អាក​ដំណើរ​ការ​សាលារៀន​អន្តរទ្វីប​អាមេរិកាំង សាខា​ចាក់​អង្រែ ជា​បណ្តោះ​អាសន្ន រយៈពេល ២ សប្តាហ៍ ដោយអនុញ្ញាតឲ្យគ្រឹះស្ថានសិក្សានេះ ត្រូវបន្តដំណើរការបង្រៀន និងរៀនតាមប្រព័ន្ធអេឡិកត្រូនិក។

ការ​ផ្អាក​ដំណើរ​ការ​សាលា​ខាង​លើដោយសារជាប់ពាក់ព័ន្ធករណី COVID-19 ជាមួយក្រុមគ្រួសារឯកឧត្តម​អគ្គនាយកពន្ធនាគារ ឆែម សាវុធ ដែលរកឃើញវិជ្ជមាន COVID-19 នៅក្នុងសមាជិកក្រុមគ្រួសារឯកឧត្តម និងឯកឧត្តម​ សរុបចំនួន ៦នាក់។​

ក្រសួង​បញ្ជាក់ក្នុងសេចក្តីជូនដំណឹងនោះ​ថា ដើម្បី​ចៀស​វា​ងការ​ឆ្លងជំងឺ COVID-19 ចូល​ក្នុង​សាលារៀន និ​ងការ​រីករាល​ដាល​ក្នុង​សហគមន៍ និង​តាម​ការណែនាំ​របស់​សម្តេច​នាយក​រដ្ឋមន្ត្រី ហ៊ុន សែន។