គេហទំព័រសុខភាព “Hello គ្រូពេទ្យ’ ដែលទើបលេចខ្លួនចូលក្នុងទីផ្សារកម្ពុជាដើមឆ្នាំ ២០១៩នេះ បានក្លាយជាដៃគូព័ត៌មាន ជាមួយវិបសាយ ២ របស់ក្រុមហ៊ុន Cambodia Broadcasting Service (CBS) ដែលគ្រប់គ្រងស្ថានីយទូរទស្សន៍ដ៏ធំឈានមុខគេនៅកម្ពុជា។
“Hello គ្រូពេទ្យ” ចាប់ដៃសហការជាមួយគេហទំព័រធំ២ របស់ CBS
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្រៅពីលើកកម្ពស់ផ្នែកកម្មសិទ្ធិបញ្ញា និងចង់ឲ្យប្រជាជន បងប្អូនអ្នកអានមានសុខភាពកាន់តែល្អប្រសើរជាងមុន “Hello គ្រូពេទ្យ’ បូករួមទាំងវិបសាយដៃគូទាំងពីររបស់ CBS មាន mytvplus និង clicknews នឹងទទួលបានសិទ្ធិពេញលេញលើការប្រើប្រាស់ព័ត៌មានសុខភាព ទាំងអត្ថបទ រូបភាព សំឡេង និងវីដេអូ។
និពន្ធនាយក និងប្រធានយុទ្ធសាស្ត្រឌីជីថល “Hello គ្រូពេទ្យ’ លោក ជីព ចិត្ត បញ្ជាក់ថា “ខ្ញុំសប្បាយចិត្ត ដែលបងៗ គាត់យល់ និងឲ្យតម្លៃខ្ពស់លើការងារដែលយើងកំពុងធ្វើ និងកំពុងផ្ដោតខាងសុខភាព។ ការងាររបស់ប្រព័ន្ធផ្សព្វផ្សាយមានយុទ្ធនាការរួមគ្នាមួយគឺ ផ្ដល់អត្ថប្រយោជន៍ខ្ពស់បំផុតដល់អ្នកអាន និងទស្សនិកជន ប្រកបដោយវិជ្ជាជីវៈ។ ពួកគាត់ធំ គាត់មានហ្វេនច្រើនមិនថាផ្នែកណាទេ ទាំងកម្សាន្ត និងកីឡា ហើយខ្ញុំសង្ឃឹមថា ហ្វេនគាត់ រាប់លាននាក់លើហ្វេសបុក អាចទទួលបានរឿងល្អៗច្រើនទៀតផ្នែកសុខភាព ក្រោយកិច្ចសហការនេះ។’
ថ្វីត្បិតទើបដំណើរការ ប៉ុន្តែទំព័រ Facebook ផ្លូវការ Hellokrupet មានជាង ២០ម៉ឺននាក់ តាមដានការចេញផ្សាយជាប្រចាំ និងការឆ្លើយឆ្លងសំណួរ ប្រឹក្សាយោបល់ ផ្នែកសុខភាព រាប់ពាន់សំណួរក្នុងមួយខែៗ ហើយតួលេខនេះ បន្តកើនឡើងជាប្រចាំ។
ទាក់ទងនឹងការចុះកិច្ចសហប្រតិបត្តិការនេះដែរ លោក នៅ សុភ័ស្ស ប្រធានគ្រប់គ្រង ព័ត៌មានគេហទំព័រ Click News និង MyTV Plus របស់ CBS បានឲ្យដឹងថា ការចាប់ដៃគូសហប្រតិបត្តិការនេះ គឺដោយសារតែជឿជាក់លើគុណភាពព័ត៌មាន ដែលផលិតឡើងតាមវិជ្ជាជីវៈសារព័ត៌មាន និងត្រឹមត្រូវតាមក្បួនខ្នាតពេទ្យ ។ លោក ថា ការចាប់ដៃគូនេះ នឹងជំរុញឲ្យការផ្សព្វផ្សាយព័ត៌មានតាមរយៈអនឡាញ ពិសេសធ្វើឲ្យអ្នកអាន អ្នកស្ដាប់ទទួលបានព័ត៌មានសុខភាពកាន់តែច្រើនជាងមុន។
វិបសាយ “Hello គ្រូពេទ្យ’ មិនមែនជាមន្ទីរពេទ្យ មិនមែនជាគ្លីនិក មិនមែនជាស្ថាប័នលក់ដូរសម្ភារៈបរិក្ខារពេទ្យទេ ប៉ុន្តែជាបណ្ដាញរបស់ Hello Health Group ជាព័ត៌មានអនឡាញ ផ្ដោតលើសុខភាព និងវេជ្ជសាស្ត្រឈានមុខមួយ ដែលកំពុងដំណើរការតាមប្រទេសកំពុងអភិវឌ្ឍន៍មួយចំនួនដូចជា កម្ពុជា ថៃ វៀតណាម ម៉ាឡេស៊ី ឥណ្ឌូណេស៊ី មីយ៉ាន់ម៉ា និងកោះតៃវ៉ាន់៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម