ជិតចូលឆ្នាំនេះ មេឃអាចក្តៅខ្លាំង អាចឡើងដល់លើស ៤០អង្សារសេឯណោះ។ បើក្តៅម្ល៉ឹងៗ អាចធ្វើឲ្យគ្នាយើងដែលនៅក្រោមកម្ដៅថ្ងៃពេលដើរលេង ឬទៅណាមកណា ខ្យល់គរគ្រោះថ្នាក់ដល់ជីវិត។ “Hello គ្រូពេទ្យ” នឹងណែនាំពីតិចនិក ៦យ៉ាង ដើម្បីបញ្ចៀសពីជំងឺដែលអាចកើតមាន ដូចជា ឈឺក្បាល វិលមុខ និងគ្រុនក្ដៅ ដោយសារតែអាកាសធាតុក្ដៅពេក។
វិធីថែសុខភាពខែក្ដៅ ការពារកុំឲ្យខ្យល់គរ វិលមុខ ដួលសន្លប់
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ព្យាយាមនៅក្នុងផ្ទះឲ្យបានច្រើន
ស្ដាប់ទៅដូចជាកំប្លែង ប៉ុន្ដែយើងកំពុងឈានចូលទៅក្នុងខែក្ដៅខ្លាំងហើយ ដូច្នេះការនៅផ្ទះ (បើមានម៉ាស៊ីនត្រជាក់ កាន់តែល្អ) អាចជួយការពារជំងឺនានាដែលកើតឡើងនៅខែក្តៅ។
២- ប្រើរបស់ត្រជាក់ៗ
មានផលិតផលត្រជាក់មួយចំនួន យើងអាចរកបាននៅតាមទីផ្សារ ដូចជា កន្សែងត្រជាក់ ម៉ាស់បិទមុខ និងកន្សែងរុំក សុទ្ធតែអាចជួយទប់ទល់នៅកម្ដៅបាន។
៣- ផឹកភេសជ្ជៈត្រជាក់ៗ
ចូលដល់ខែក្តៅ បានផឹកភេសជ្ជៈត្រជាក់ៗជារឿងសប្បាយចិត្តបំផុត។ ផឹកភេសជ្ជៈត្រជាក់ៗ អាចជួយឲ្យខ្លួនយើងទប់ទល់ជាមួយកម្ដៅជាបណ្ដោះអាសន្នបាន។
៤- ហែលទឹក
ទៅហែលទឹកលេង ជាវិធីល្អបំផុតសម្រាប់អនុវត្តនៅខែក្ដៅ។
អត្ថបទពាក់ព័ន្ធ៖
- ខែក្តៅ អូនតូចៗងាយនឹងរលាកទងសួត ម៉ាក់ប៉ាត្រូវដឹងពីរោគសញ្ញានិងវិធីការពារ
- ម៉ាក់ប៉ាប្រយ័ត្នណា កូនតូចៗងាយនឹងកើតជំងឺ ៤ មុខនេះបំផុតនាខែក្តៅ
៥- ប្រើកង្ហារ
កង្ហារ អាចយកទៅពីកន្លែងមួយទៅកន្លែងមួយទៀតបាន អាចផ្ដល់ភាពត្រជាក់បានលឿន នៅពេលយើងមានអារម្មណ៍ក្ដៅស្អុះស្អាប់។ បើច្នៃប្រឌិត អាចយកកង្ហារសាកថ្មតាមខ្លួនក៏បាន។
៦- ស្លៀកពាក់ស្រាលៗ រលុងៗ
សម្រាប់ខែចឹង ពេលចេញទៅខាងក្រៅ គួរស្លៀកពាក់រលុងៗ និងស្រាលៗបានហើយ ងាយស្រួលដកដង្ហើម។ សម្លៀកបំពាក់សាកសមសម្រាប់រដូវក្តៅ គឺធ្វើឡើងពីកប្បាស សាច់កំណាត់ និងសូត្រជាដើម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម