កន្លងមកយើងធ្លាប់ដឹងឮមកហើយថា ការរួមភេទតែ១ដង រួមភេទពេលមករដូវ រួមភេទឈរ និងវិធីចាក់ទឹកក្រៅពាង គឺមិនអាចធ្វើឲ្យមានផ្ទៃពោះបានទេ។ តែបើតាមសម្ដីគ្រូពេទ្យជំនាញបានឲ្យដឹងថា ការយល់ឃើញបែបនោះមិនត្រឹមត្រូវទេ ផ្ទុយទៅវិញវាមានអត្រាធ្វើឲ្យមានផ្ទៃពោះទៅវិញ។

លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅបានពន្យល់ថា ទស្សនៈខាងលើ មិនត្រឹមត្រូវឡើយ ព្រោះបើយើងរួមភេទចំថ្ងៃធ្លាក់មេជីវិត គឺមានឱកាសអាចមានផ្ទៃពោះបានទាំងអស់។ លោកគ្រូពេទ្យ រូបនេះបានពន្យល់តាមចំណុចនីមួយៗទៀតថា៖

១- វិធីចាក់ទឹកក្រៅពាង

មនុស្សប្រុសជាច្រើនតែងគិតថា វិធីមួយប្រភេទនេះមានប្រសិទ្ធភាពអាចជួយមិនឲ្យដៃគូមានកូនឡើយ។ តែវាផ្ទុយស្រឡះទៅវិញទេ ករណីបែបនេះអត្រាមានផ្ទៃពោះមានរហូតដល់ ២៥ % ឯណោះ។

២- រួមភេទម្ដង

ទោះជារួមភេទម្ដងក៏ពិតមែន តែបើចំថ្ងៃធ្លាក់ពងធ្វើឲ្យមេជីវិតញី និងមេជីវិតឈ្មោលជួបគ្នា គឺអាចមានផ្ទៃពោះបានធម្មតា។

ក្បាច់រួមភេទដែលអ្នកយល់ថាមិនធ្វើឲ្យមានកូនHello_គ្រូពេទ្យ

៣- រួមភេទឈរ

តាមការពិតការរួមភេទបែបណាមិនសំខាន់ឡើយ មិនថាអ្នករួមភេទដេក ឬឈរឡើយ គឺអាចមានកូនបានទាំងអស់ ប្រសិនបើចំអំឡុងពេលធ្លាក់ពង។

៤- រួមពេលអំឡុងពាក់កណ្ដាលវដ្ដរដូវ

ចំណែកក្នុងករណីនេះវិញ ក៏អាចមានផ្ទៃពោះបានដែរ បើយើង និងដៃគូរួមភេទថ្ងៃទី ១៤ នៃវដ្ដរដូវ ក្នុងករណីខាងស្រីមានវដ្តរដូវទៀងទាត់ ចំនួន ២៨ថ្ងៃ។

អត្ថបទពាក់ព័ន្ធ៖ អ្នកចូលចិត្តប្រើមាត់ ត្រូវដឹងរឿងទាំងនេះ ប្រយ័ត្នឆ្លងរោគធ្ងន់ធ្ងរ

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

រួមភេទ​ម្ដង ឬពេល​មក​រដូវ និង​វិធី​ចាក់​ទឹក​ក្រៅ​ពាង អត់​មាន​កូន?

រួមភេទម្ដង ឬពេលមករដូវ និងវិធីចាក់ទឹកក្រៅពាង អត់មានកូន?