ឲ្យតែនិយាយដល់រឿងស្រមុក ម្នាក់ៗច្បាស់ជាដាក់សម្ពាធលើប្រុសៗខ្លាំងមិនខាន ប៉ុន្តែស្រីៗក៏ស្រមុកដូចតែគ្នាទេ មួយទៀតស្រីៗចូលចិត្តលាក់បាំងរឿងនេះ មិនហ៊ាននិយាយឲ្យគេដឹងទេ ខ្មាស់ ប៉ុន្តែត្រូវដឹងផង ស្រមុកខ្លាំងៗ មិនមែនកើតដោយឯកឯងទេ វាបង្ហាញថា គឺយើងមានបញ្ហាសុខភាពអ្វីមួយ បានជាអ៊ីចឹង។
ក្រែងអត់ចាប់អារម្មណ៍! បើស្រីៗ ស្រមុកអាចមានបញ្ហាទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្រុមអ្នកស្រាវជ្រាវមកពីសាកលវិទ្យាល័យ Ben-Gurion ប្រទេសអ៊ីស្រាអ៊ែល បានតាមដានលើក្រុមអ្នកស្ម័គ្រចិត្ត ២.០០០នាក់ មកគេងនៅបន្ទប់ពិសោធន៍ ហើយប្រមាណ ៤០% នៃស្រីៗស្ម័គ្រចិត្ត មានបញ្ហាស្រមុក។
សាស្រ្តាចារ្យ Nimrod Maimon អ្នកស្រាវជ្រាវនៅសាកលវិទ្យាល័យ Ben-Gurion និងជាប្រធានផ្នែកវេជ្ជសាស្រ្តនៃសាកលវិទ្យាល័យ Soroka នៃប្រទេសអ៊ីស្រាអែល លើកឡើងថា ទោះបីវាមិនខុសប្លែកអ្វីរវាងប្រុសៗ ឬស្រីៗជាអ្នកស្រមុក ប៉ុន្តែភាគច្រើនស្រីៗព្យាយាមលាក់បាំងមិនប្រាប់ពីបញ្ហានេះឡើយ”។ លោកថា ការលាក់បាំងនេះ ក៏ឧបសគ្គមួយនៃសិក្សាលម្អិត ពីការគេងរបស់ស្រីៗដូចគ្នា។
អត្ថបទពាក់ព័ន្ធ៖
- ត្អើកអត់បាត់ អាចមានជំងឺទាំងនេះ
- ឆ្ងល់អត់ ម៉េចបានយើងចេះតែងងុយ ក្រោយបាយថ្ងៃត្រង់?
ក្នុងចំណោមអ្នកស្ម័គ្រចិត្តខាងចំនួន ២.០០០នាក់ មានស្រីៗសរុប ៦៧៥នាក់ ដោយការវាយតម្លៃរឿងគេងរបស់មនុស្សស្រី តម្រូវឲ្យអ្នកចូលរួមបំពេញចម្លើយក្នុងក្រដាសសំណួរ។ ទោះយ៉ាងណា ក្រុមយអ្នកស្រាវជ្រាវនៅតែអះអាងថា ស្រីប្រមាណ ៣០% នៅតែមានបញ្ហាស្រមុកពេលគេង។
បើតាមក្រុមគ្រូពេទ្យស្រាវជ្រាវ ចំពោះករណីស្រមុក អាចជារោគសញ្ញាបញ្ហាផ្លូវដង្ហើមនៅពេលគេង ដែលជាហានិភ័យជំងឺមួយចំនួន ដូចជា លើសឈាម ជំងឺបេះដូង ឬជំងឺដាច់សរសៃឈាមខួរក្បាលជាដើម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម