ប្រជាពលរដ្ឋអាមេរិកភាគច្រើនចូលចិត្តចំណាយពេលអង្គុយយូរៗ ដែលបង្កើនហានិភ័យ ភាពធាត់ខ្លាំង ជំងឺទឹកនោមផ្អែម ជំងឺបេះដូង និងមហារីក។ នេះបើតាមការសិក្សានៃសាកលវិទ្យាល័យវេជ្ជសាស្ត្រវ៉ាស៊ីនតោនសហរដ្ឋអាមេរិក។
ទម្លាប់អង្គុយយូររាប់ម៉ោងក្នុងមួយថ្ងៃៗ អាចប្រឈមនឹងជំងឺទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្រុមអ្នកស្រាវជ្រាវបានសិក្សាទៅលើទិន្នន័យពីមនុស្សប្រមាណជាង៥ម៉ឺននាក់ ដែលបានស្ម័គ្រចិត្តក្នុងការស្ទង់មតិស្រាវជ្រាវនៃវិទ្យាស្ថានសុខភាពជាតិពីឆ្នាំ២០០១ដល់ឆ្នាំ២០១៦។ ការសិក្សាបានពិនិត្យលើមនុស្សតាមចំណាត់ថ្នាក់អាយុពី ៥ទៅ១១ឆ្នាំ វ័យជំទង់ពី១២ទៅ១៩ឆ្នាំ ២០ទៅ៦៤ឆ្នាំ និងមនុស្សចាស់ពី៦៥ឆ្នាំឡើង។
អត្ថបទពាក់ព័ន្ធ៖
លទ្ធផលស្រាវជា្រវបានបង្ហាញថា រយៈពេលសរុបជាមធ្យមនៃទម្លាប់អ្នកស្ម័គ្រចិត្តចំណាយពេលអង្គុយជាប្រចាំថ្ងៃនោះគឺ៧ម៉ោងក្នុងមួយថ្ងៃ និងពី៥ទៅ៦ម៉ោងសម្រាប់យុវជនវ័យជំទង់។ ទិន្នន័យស្រាវជ្រាវដដែលក៏បានបង្ហាញថា ពេលភាគច្រើនដែលពួកគេចំណាយពេលអង្គុយរាប់ម៉ោងនោះ គឺការមើលទូរទស្សន៍ ចំណាយពេលមុខអេក្រង់ទូរស័ព្ទ និងអង្គុយសិក្សាយូរម៉ោង។
ព្រឹត្តិប័ត្ររបស់សមាគមវេជ្ជសាស្រ្តអាមេរិកក៏បានបង្ហាញថា ទម្លាប់អង្គុយយូររបស់ពលរដ្ឋអាមេរិកនៅតែបន្តរហូតដល់បច្ចុប្បន្ន ជាពិសេសការបន្តចំណាយពេលមុខអេក្រង់កុំព្យូទ័រនាក្រោយពេលសម្រាកពីម៉ោងធ្វើការ ឬម៉ោងសិក្សាជាប់ពី៣ឬ៤ម៉ោងបន្ថែម។ ដូចដែលបានបញ្ជាក់ពីខាងលើ ទម្លាប់អសកម្មនៅមួយកន្លែងបែបនេះ អាចបង្កហានិភ័យច្រើនជាច្រើនផ្នែកចំពោះសុខភាព ដូចនេះនាយកដ្ឋានសេវាសុខភាពសហរដ្ឋអាមេរិកក៏បានណែនាំឲ្យប្រជាពលរដ្ឋខ្លួន ព្យាយាមចំណាយពេលធ្វើខ្លួនឲ្យសកម្ម ដើម្បីកាត់បន្ថយទម្លាប់អង្គុយយូររាប់ម៉ោង។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម