ឃើញសត្វចិញ្ចឹម ពិតជាស្រលាញ់តាមចំណង់ចំណូលចិត្តរៀងៗខ្លួន ប៉ុន្តែដឹងទេថា លាមករបស់វាអាចបង្កឲ្យយើងជាម្ចាស់ ទៅជារលាកពោះវៀនកម្រិតធ្ងន់ផងដែរ នេះបើតាមការសិក្សាថ្មីមួយ។
មាតិកា
អ្នកស្រឡាញ់សត្វចិញ្ចឹមប្រយ័ត្នបន្តិច ព្រោះអាចបង្កបញ្ហារលាកពោះវៀនធ្ងន់ធ្ងរ
ការសិក្សាស្រាវជ្រាវដោយសាកលវិទ្យាល័យ East Tennessee State សហរដ្ឋអាមេរិក បានពិនិត្យទៅលើទិន្នន័យអ្នកជំងឺប្រមាណ ២៨០០នាក់ ធ្លាប់មានប្រវត្តិពាក់ព័ន្ធស្និទ្ធទៅនឹងសត្វចិញ្ចឹម( មិនថា ឆ្កែ ឆ្មា បក្សី) ហើយបានរកឃើញថា អត្រាវិវឌ្ឍជារោគរលាកពោះវៀន ១.២៦% បើធៀបនឹងអ្នកពុំសូវនៅជាប់សត្វចិញ្ចឹមពេក។
ក្រុមអ្នកស្រាវជ្រាវនៃ សាកលវិទ្យាល័យខាងលើ បានបង្ហាញមូលហេតុឲ្យដឹងថា នៅពេលដែលមានសត្វចិញ្ចឹមនៅផ្ទះ នោះម្ចាស់សត្វចិញ្ចឹមនឹងត្រូវស្វាគមន៍រោម សត្វល្អិត សត្វចៃ និងអតិសុខុមប្រាណផងដែរ។ បន្ទាប់មកទៀត ម្ចាស់សត្វចិញ្ចឹមក៏ត្រូវ ចំណាយពេលមួយចំនួនដើម្បីសម្អាតលាមកសត្វចិញ្ចឹមរបស់ខ្លួន។
អ្នកស្រាវជ្រាវបង្ហាញទៀតថា ត្រឹមលាមកសត្វសុនខ១ក្បាល អាចផ្ទុកដោយបាក់តេរី និងអតិសុខុមប្រាណរាប់លាន ហើយនៅពេលម្ចាស់ឱនស្រូប អតិសុខុមប្រាណ និងបាក់តេរីបង្ករោគទាំងនោះ នឹងចូលតាមផ្លូវដង្ហើម និងវិវឌ្ឍបង្កជាហានិភ័យនៃដំណើររលាកពោះវៀនធំ ហើយវាបង្កឲ្យមនុស្សឈឺតាមអាការៈ រាគរូស ដើរខ្យល់ច្រើន ឈឺរមួលសាច់ដុំ ហើមពោះ។ ចំពោះការលើកបង្ហាញនេះ អ្នកស្រាវជ្រាវបានធ្វើការប្រៀបធៀបពីបម្រែបម្រួលអតិសុខុមប្រាណក្នុងខ្លួនមនុស្ស ក្រោយពេលពួកគេទាំងនោះបានប៉ះពាល់ជិតទៅនឹងលាមកសត្វចិញ្ចឹម។
អត្ថបទពាក់ព័ន្ធ៖
ជាមួយបញ្ហានេះ ក្រុមអ្នកស្រាវជ្រាវ បានលើកឡើងថា ពួកគេទទួលស្គាល់ថា ការចិញ្ចឹមសត្វពិតជារួមចំណែកគុណភាព និងបែបផែនជីវិតរបស់ម្ចាស់សត្វពិតមែន ប៉ុន្តែអ្នកចិញ្ចឹមសត្វទាំងឡាយក៏គួរស្វែងយល់ពីគុណវិបត្តិនេះ និងចេះបង្ការវាបាន។ ដោយឡែក ការស្រាវជ្រាវ ក្រុមអ្នកសិក្សាខាងលើ ក៏កំពុងបន្តស្រាវជ្រាវលម្អិតពីរឿងខាងនេះលើបន្តផងដែរ ដើម្បីបញ្ជាក់ថាតើ លាមកនៃសត្វចញ្ចឹមណាខ្លះ ដែលបង្ករោគរលាកពោះវៀនដល់មនុស្សខ្លាំងជាងគេ៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.medpagetoday.com/meetingcoverage/ddw/79919
https://www.dailymail.co.uk/health/article-7067825/Pet-owners-higher-risk-IBS-cat-dog-poop-culprits-study-suggests.html
កំណែប្រែបច្ចុប្បន្ន
01/12/2019
អត្ថបទដោយ មាន រតនា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ product-hhg
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម