ខាងក្រសួងសុខាភិបាលធ្លាប់បានប្រាកាសឲ្យដឹងថា ឆ្នាំនេះជំងឺគ្រុនឈាមការកើនឡើងច្រើនជាងឆ្នាំមុន ហើយថ្មីៗនេះខាងមន្ទីរពេទ្យ គន្ធបុប្ផាបានឲ្យដឹងថា ត្រឹមរយៈពេល ១ ថ្ងៃ នៅសប្ដាហ៍នេះថ្ងៃមានកុមារជិត ៦០០ នាក់ទៅហើយបានសម្រាល និងព្យាបាលជំងឺគ្រុនឈាមនៅមន្ទីរពេទ្យ គន្ធបុប្ផា ទាំង ៥ ទីតាំង។

អត្ថបទពាក់ព័ន្ធ៖ គ្រុនឈាមកើនយ៉ាងគំហុក ក្រសួងស្នើឲ្យធ្វើប៉ុន្មានចំណុចនេះ បើកូនក្តៅខ្លួនខ្លាំង

គ្រុនឈាមHello_គ្រូពេទ្យ

យោងតាមផេក មូលនិធិគន្ធបុប្ផាកម្ពុជា – Cambodia Kantha Bopha Foundation បានបញ្ចេញតួលេខមកថា នៅថ្ងៃចន្ទ ទី១៧ ខែមិថុនា នេះ មន្ទីរពេទ្យគន្ធបុប្ផាទាំង ៥ ទីតាំងបានព្យាបាលកុមារ ៥៧៧ នាក់ ដោយសារជំងឺគ្រុនឈាម ដោយក្នុងនោះបានរៀបរាប់ថា៖’កុមារមានជំងឺចំនួន ៤ ៣០៥ នាក់ ត្រូវបានពិនិត្យ និងព្យាបាលនៅក្នុងផ្នែកពិគ្រោះជំងឺក្រៅ និងកុមារមានជំងឺធ្ងន់ៗចំនួន ២៩៩០ នាក់ កំពុងសម្រាកព្យាបាលនៅក្នុងមន្ទីរពេទ្យគន្ធបុប្ផា។ ក្នុងចំណោមកុមារទាំងនោះមាន ៥៧៧ នាក់ ត្រូវបានរកឃើញថាមានជំងឺគ្រុនឈាមធ្ងន់ធ្ងរ កំពុងសម្រាកព្យាបាលនៅក្នុងមន្ទីរពេទ្យគន្ធបុប្ផា និង ៨៩ នាក់ ត្រូវបានវះកាត់’។

ការលើកឡើងបែបនេះ មន្ទីរពេទ្យគន្ធបុប្ផា ក៏សំណូមពរឲ្យអាណាព្យាបាលកុមារទាំងអស់បង្កើនប្រុងប្រយ័ត្ន និងចូលរួមទប់ស្កាត់ជំងឺគ្រុនឈាមតាមរយៈការការពារកុមារកុំឲ្យមូសខ្លាញីខាំ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រឹម១ថ្ងៃ​ប៉ុណ្ណោះ មានកុមារជិត៦០០នាក់ព្យាបាលគ្រុនឈាម​នៅគន្ធបុប្ផា

ត្រឹម១ថ្ងៃប៉ុណ្ណោះ មានកុមារជិត៦០០នាក់ព្យាបាលគ្រុនឈាមនៅគន្ធបុប្ផា