ខណៈជំងឺគ្រុនឈាមផ្ទុះឡើងជាខ្លាំងនៅពាក់កណ្តាលឆ្នាំ ២០១៩ នេះ ក្រសួងសុខាភិបាលប្រកាសឲ្យមានការប្រុងប្រយ័ត្ន ពិសេសហាមប្រើថ្នាំអាស្ពីរីន ទៅលើអ្នកជំងឺគ្រុនឈាម។ ហេតុអីការប្រើថ្នាំបំបាត់ការឈឺចាប់ ប្រភេទអាស្ពីរីន ឬអ៊ីប៊ុយប្រូហ្វីន ត្រូវហាមឃាត់ចំពោះអ្នកកើតជំងឺគ្រុនឈាម?

ឱសថការី គឹម កាណាល់ ពន្យល់ថា កាលណាយើងឲ្យអ្នកជំងឺគ្រុនឈាម ប្រើថ្នាំបំបាត់ការឈឺចាប់ មានថ្នាំអាស្ពីរីន ឬពពួកថ្នាំ NSAIDs ដូចជាអ៊ីប៊ុយប្រូហ្វែន អីជាដើមនោះ ជំងឺមិនត្រឹមតែមិនជានោះទេ វាថែមបង្កគ្រោះថ្នាក់កាន់តែខ្លាំង ពិសេសចំពោះកូនក្មេង។

លោកថា ប្រភេទថ្នាំទាំងនេះ អ្នកជំងឺលេបទៅធ្វើឲ្យឈាមក្រកក បណ្តាលឲ្យហូរឈាមតាមប្រដាប់រំលាយអាហារ ដែលករណីបាត់បង់ឈាមកាន់តែច្រើន ឈានដល់ស្លាប់។ “ក្មេងខ្សោយស្រាប់ កាលណាយើងប្រើថ្នាំអាស្ពីរីន ឬ ពពួកថ្នាំ NSAIDs (ជាពិសេស អ៊ីប៊ុយប្រូហ្វែន) ដើម្បីបំបាត់ការឈឺចាប់ ឬដើម្បីបន្ថយកម្តៅនោះ មិនអាចផ្ដល់ផលប្រយោជន៍ព្យាបាលនោះទេ ផ្ទុយទៅវិញ វានឹងនាំឲ្យក្មេងងាយនឹងប្រឈមមុខនឹងហានិភ័យនៃការហូរឈាមទៀតផង “។

អត្ថបទពាក់ព័ន្ធ៖

គ្រុនឈាម

ថ្នាំអាស្ពីរីន មិនមែនហាមហាត់ឃាត់តែចំពោះអ្នកជំងឺគ្រុនឈាមនោះទេ ក្មេងដែលក្តៅខ្លួនក៏មិនត្រូវប្រើថ្នាំប្រភេទនេះដែរ ព្រោះធ្វើឲ្យជំងឺកាន់តែធ្ងន់ធ្ងរ ជាការណែនាំដើម្បីបញ្ចុះកម្តៅក្មេង ថ្នាំប៉ារ៉ាសេតាម៉ុល ល្អបំផុត។

បើតាមការប្រកាសរបស់ក្រសួងសុខាភិបាល ជំងឺគ្រុនឈាមអាចសម្លាប់មនុស្សបានគ្រប់ពេល ក្នុងករណីកូនក្មេងក្តៅខ្លួនខ្លាំងលើសពី ៣៨ អង្សារសេ បូករួមទាំងរោគសញ្ញាមួយចំនួនទៀតដូចជា ឡើងកន្ទួលលើខ្លួន ឈឺក្បាល ឈឺចាប់ក្រោយប្រឡង់ភ្នែក ឈឺសន្លាក់និងសាច់ដុំ ក្អួតចង្អោរ ត្រូវប្រញាប់នាំកូនទៅពេទ្យជាបន្ទាន់ មិនឲ្យយឺតជាង ៧២ ម៉ោងបន្ទាប់ពីក្តៅខ្លួន។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

គ្រោះថ្នាក់ខ្លាំងបែបនេះ ទើបក្រសួងហាមដាច់ខាត កើតគ្រុនឈាមប្រើថ្នាំអាស្ពីរីន ​

គ្រោះថ្នាក់ខ្លាំងបែបនេះ ទើបក្រសួងហាមដាច់ខាត កើតគ្រុនឈាមប្រើថ្នាំអាស្ពីរីន