វៀតណាម សហការជាមួយសាកលវិទ្យាល័យអាមេរិក អនុវត្តផែនការសុវត្ថិភាពចំណីអាហារសកល

ផែនការ​ផលិតចំណី​អាហារសុខភាពសកល អាច​ទប់ទល់​នឹង​បម្រែ​បម្រួល​អាកកាស​ធាតុ របស់​អ្នក​វិទ្យាសាស្ត្រ​នៃ​សាកលវិទ្យាល័យកូឡំប៊ី សហរដ្ឋអាមេរិក កំពុង​ស្វែង​រក​កិច្ច​សហការ​ពី​ដៃ​គូ​អន្តរជាតិ ដោយ​ផ្តោត​សំខាន់​លើ​ប្រទេស​វៀតណាម។

យោង​តាម​វិបសាយ របស់​​វិទ្យាស្ថានផែនដី នៃសាកល​វិទ្យាល័យ​ដ៏​ធំ​របស់​អាមេរិក​មួយ​នេះ គម្រោងផែន​ការ​ថ្មី ដែលប្រមូល​ផ្តុំ​ដោយ​អ្នក​ជំនាញ បាន​សិក្សា​ពី​ព័ត៌មាន​ប្រែ​​ប្រួល​​​អាកាស​ធាតុ រួច​ភ្ជាប់​ទៅ​នឹងសុវត្ថិភាព​ចំណី​អាហារ ​​កំពុង​ស្ថិត​នៅ​ជា​បញ្ហា​ប្រឈម​នា​ពេល​បច្ចុប្បន្ន។

អ្នក​វិទ្យាសាស្រ្ត​​លើក​ឡើង​ថា នា​ថ្ងៃអនាគត ដំណាំ​ស្រូវ នឹងពុំ​មាន​សុវត្ថិភាព​ មាន​ន័យ​ថា នឹងមិន​សូវ​ទទួល​បាន​ផលគ្រប់​គ្រាន់ បើ​ពុំ​មាន​វិធាន​ការ​ត្រៀម​ការពារ ដោយ​សារ​បញ្ហា​ប្រែ​ប្រួល​អាកាស​ធាតុ កើត​ឡើង​មិន​អាច​ទាយ​ទុក​មុន។

ជាមួយ​ហេតុផល​នេះ ដោយ​សារ​វៀតណាម ប្រទេស​នាំ​ចេញ​ផលិតផល​អង្ករ​ធំបំផុត​ទី ៣ លើ​ពិ​ភព​លោក បាន​ក្រុម​អ្នក​វិទ្យាសាស្រ្តនៃគម្រោងអាហារ​សុវត្ថិភាព​នេះ​ ធ្វើ​ការ​​ទំនាក់​ទំនងជា​មួយ​រដ្ឋាភិបាល​វៀតណាម សម្រាប់​ការ​អនុវត្ត​គម្រោង​ខាង​លើ​នេះ។

អត្ថបទពាក់ព័ន្ធ៖ 

• អនាគត ចំណីអាហារអាចខ្វះខាតខ្លាំង ហើយបាត់បង់ជីវជាតិ ដោយសារបញ្ហាមួយ
• ៥ យ៉ាងជួយឲ្យចំណីអាហារមានសុវត្ថិភាព ញ៉ាំទៅមិនងាយរាករូស ឬពុល

​បញ្ហា​បម្រែ​បម្រួល​អាកាស​ធាតុ ​អាច​ប៉ះ​ពាល់ដល់​ពពួក​ដំណាំ ដែល​ជា​អាហារ​ចាំ​បាច់​សម្រាប់​​មនុស្ស​ទូ​ទៅ ដូច​នេះ​រដ្ឋាភិបាលសមាជិក​​អាស៊ាន​មួយ​នេះ ក៏​បាន​សម្រេច​សហការ​ជា​មួយ​គម្រោង​ខាង​លើ។ បើ​ការ​អនុវត្តន៍ ទទួល​បាន​ប្រសិទ្ធភាព​មែន​នោះ ប្រទេស​វៀត​ណាម នឹង​សម្រេច​បានគោលដៅ​ចម្បង​ទី ​២ ​ដាក់​ចេញ​ដោយ​​អង្គការ​សហប្រជាជាតិ​ ក្នុង​គោល​ដៅ​បញ្ចប់​ភាព​អត់​ឃ្លាន និង​កង្វះ​ខាត​អាហា​រូបត្ថម្ភ ក៏​ដូច​ជាសម្រេច​បាន សុវត្ថិភាព​ចំណី​អាហារ និង​បង្កើននិរន្តរភាពផលិត​កសិកម្មសម្រាប់​សកលលោក​ទាំង​មូល។ ​​​​

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕