ឆ្នាំនេះ ជំងឺគ្រុនឈាម បានរាតត្បាតយ៉ាងខ្លាំង នៅក្នុងតំបន់អាស៊ាន ដោយបានកើតឡើងទាំងលើក្មេងៗ និងមនុស្សចាស់។ តាមការចេញផ្សាយរបស់កាសែត AFP បញ្ជាក់ថា គិតត្រឹមខែសីហា ឆ្នាំ២០១៩ ក្នុងតំបន់អាស៊ាន មានអ្នកស្លាប់ ជាង ១.៨០០នាក់ ដោយសារជំងឺដែលបង្កដោយមូសខ្លា។

ការចេញផ្សាយរបស់កាសែត AFP គឺផ្អែកលើទិន្នន័យប្រមូលបានពីស្ថាប័នជាតិ និងអង្គការសុខភាពពិភពលោក។ ក្នុងនោះ មានមនុស្ស ប្រមាណ ៦៧ម៉ឺននាក់ បានកើតជំងឺគ្រុនឈាម នៅទូទាំងតំបន់អាស៊ាន។

តួលេខអ្នកកើត និងស្លាប់ដោយជំងឺគ្រុនឈាម តាមប្រទេសនីមួយៗ ក្នុងតំបន់អាស៊ាន គិតត្រឹមខែសីហា៖

ហ្វីលីពីន កើតជំងឺគ្រុនឈាម ២០៨.៩១៧នាក់ ស្លាប់ ៨៨២នាក់
ឥណ្ឌូណេស៊ី កើតជំងឺគ្រុនឈាម ៨៣.០៥៨នាក់ ស្លាប់ ៦០១នាក់
ម៉ាឡេស៊ី កើតជំងឺគ្រុនឈាម ៨៧.០០៥នាក់ ស្លាប់ ១២១នាក់
ថៃ កើតជំងឺគ្រុនឈាម ៧៣.៣២៤នាក់ ស្លាប់ ៧៧នាក់
មីយ៉ាន់ម៉ា កើតជំងឺគ្រុនឈាម ១០.៧៥៧នាក់ ស្លាប់ ៤៨នាក់
ឡាវ កើតជំងឺគ្រុនឈាម ២០.៣៥៧នាក់ ស្លាប់ ៤៥នាក់
កម្ពុជា កើតជំងឺគ្រុនឈាម ៥០.០០០នាក់ ស្លាប់ ៣៣នាក់
វៀតណាម កើតជំងឺគ្រុនឈាម ១២៤.៧៥១នាក់ ស្លាប់ ១៥នាក់
សិង្ហបុរី កើតជំងឺគ្រុនឈាម ១០.២៧១នាក់ គ្មានអ្នកស្លាប់

អត្ថបទពាក់ព័ន្ធ៖

គួរបញ្ជាក់ថា ការកើនឡើងអាកាសធាតុក្តៅ នៅឆ្នាំនេះ ជាកត្តាមួយ អំណោយផលដល់មូសខ្លា បង្កការរាតត្បាជំងឺគ្រុនឈាម។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

គ្រុនឈាមអុកឡុក​ប្រទេស​​អាស៊ាន ឈឺ​ជិត ៧០ម៉ឺន​នាក់ ​ស្លាប់ជិត ២ពាន់នាក់

គ្រុនឈាមអុកឡុកប្រទេសអាស៊ាន ឈឺជិត ៧០ម៉ឺននាក់ ស្លាប់ជិត ២ពាន់នាក់