អាចជាការគិតខ្លី មិនអាចទ្រាំទ្រនឹងបញ្ហាដែលកើតមានឡើងចំពោះខ្លួន ឬការប្រើគ្រឿងញៀន គ្រឿងស្រវឹងលើសកម្រិត មនុស្សមួយចំនួនសម្រេចចិត្តបញ្ចប់ជីវិតខ្លួនដោយការធ្វើអត្តឃាត។

អង្គការសុខភាពពិភពលោក (WHO) បានបង្ហាញតួលេខ និងប្រភេទមនុស្សដែលងាយនឹងសម្លាប់ខ្លួនបំផុត ក្នុងនោះមានមនុស្សសរុប ប្រមាណ ៨០ម៉ឺននាក់ ទូទាំងពិភពលោក បានធ្វើអត្តឃាតក្នុងមួយឆ្នាំៗ មានន័យថា រាល់ ៤០វិនាទីម្ដង មានមនុស្សម្នាក់ បានធ្វើអត្តឃាត។ ចំណែកប្រភេទមនុស្សដែលងាយនឹងធ្វើអត្តឃាតរួមមាន៖

– ធ្លាប់ព្យាយាមសម្លាប់ខ្លួន

– មានជំងឺបាក់ទឹកចិត្ត

– ប្រើគ្រឿងញៀន ឬគ្រឿងស្រវឹង

– ធ្លាប់ទទួលរងអារម្មណ៍តានតឹង ឈឺចាប់រ៉ាំរ៉ៃ ឬមានជំងឺផ្សេងៗ

– ធ្លាប់ឆ្លងកាត់សង្គ្រាម អំពើហិង្សា ការរំលោភបំពាន ឬរើសអើង

– មិនចូលរួមក្នុងសង្គម។

អត្ថបទពាក់ព័ន្ធ៖

អង្គការសុខភាពពិភពលោកបន្ថែមថា អត្តឃាត ជាបញ្ហាសុខភាពសាធារណៈសាកល ដែលគ្រប់វ័យ ភេទ និងតំបន់ទាំងអស់ នៃពិភពលោកបានរងការប៉ះពាល់ ហើយការធ្វើអត្តឃាត ជាមូលហេតុបង្កនាំមុខទី២ នៃការស្លាប់ក្នុងចំណោមក្មេងអាយុ ពី ១៥-២៩ឆ្នាំ ខណៈគ្រោះថ្នាក់ចរាចរណ៍ជាមូលហេតុបង្កទី១។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ជីវិតពេលខ្លះផុយស្រួយមែនទែន មនុស្សប្រភេទនេះងាយនឹងសម្លាប់ខ្លួនបំផុត