ថ្នាំព្យាបាលក្រពះ Zantac ដែលមានលក់ និងប្រើប្រាស់នៅស្រុកខ្មែរយើងផងដែរនោះ ត្រូវបានក្រុមហ៊ុនផលិតឱសថ ប្រកាសឲ្យឈប់ដាក់លក់នៅតាមឱសថស្ថាន ដោយសារវាអាចបង្កជំងឺមហារីក។
ក្រុមហ៊ុនផលិតឱសថរបស់អាមេរិក CVS Pharmacy បានប្រកាសសេចក្តីជូនដំណឹងនេះ កាលពីចុងសប្ដាហ៍មុន។ ក្រុមហ៊ុនបានផ្អាកការលក់ថ្នាំ Zantac និងថ្នាំផ្សេងទៀត ដែលមានសារធាតុ Ranitidine។ ការជូនដំណឹងនេះ ក្រោយរដ្ឋបាលចំណីអាហារ និងឱសថអាមេរិក (FDA) ប្រកាសថា សារធាតុ Ranitidine មួយចំនួន នៅក្នុងថ្នាំព្យាបាលការក្រហាយទ្រូង និងកាត់បន្ថយជាតិអាស៊ីដ មានភាពមិនសុទ្ធ ហើយអាចបង្កជំងឺមហារីក។
ទោះយ៉ាងណា ក្រុមហ៊ុនមិនទាន់ប្រកាសយកថ្នាំមានសារធាតុ Ranitidine ទាំងនេះ ត្រឡប់ទៅក្រុមហ៊ុនវិញនៅឡើយទេ ហើយក៏មិនទាន់ណែនាំឲ្យអ្នកជំងឺឈប់លេបថ្នាំប្រភេទនេះផងដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
