យើងធ្លាប់តែឮ និងបានឃើញជំងឺមហារីកកើតលើមនុស្សពេញវ័យ និងមនុស្សចាស់ ចុះកូនក្មេងវិញ តើអាចកើតជំងឺមហារីកអត់? យោងតាមការបកស្រាយនៅលើផេកផ្លូវការរបស់មន្ទីរពេទ្យ កាល់ម៉ែត កូនក្មេងក៏អាចកើតជំងឺមហារីកដែរ ដោយអត្រាជំងឺមហារីកលើកុមារអាយុ ១៥ឆ្នាំ នៅក្នុងប្រទេសកម្ពុជា មានប្រហែល ៦៣០ ករណីថ្មី/ឆ្នាំ។
កូនក្មេងអាចកើតជំងឺមហារីកទេ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ប្រភេទជំងឺមហារីកកើតលើកុមារ
ជំងឺមហារីកជាជំងឺកាចសាហាវ ហើយមានច្រើនប្រភេទណាស់ តែចំពោះជំងឺមហារីកលើកុមារវិញ មានជាង ៤០ប្រភេទ ហើយអាចកើតលើក្មេងគ្រប់អាយុទាំងអស់។ ជំងឺមហារីកលើកុមារដែលកើតញឹកញាប់ មាន៖
– ជំងឺមហារីកឈាមស្រួចស្រាវ
– ជំងឺមហារីកកូនកណ្តុរ
– ជំងឺមហារីកខួរក្បាល
– ជំងឺមហារីកប្រព័ន្ធប្រសាទ
– ជំងឺមហារីកតម្រងនោម
– ជំងឺមហារីកថ្លើម
– ជំងឺមហារីកឆ្អឹង
– ជំងឺមហារីកភ្នែក។
២- មូលហេតុនាំឲ្យកុមារកើតជំងឺមហារីក
មហារីកលើកុមារភាគច្រើនមិនមានមូលហេតុពិតប្រាកដទេ តែមានកត្តារួមផ្សំមួយចំនួនដូចជា កត្តាហ្សេនេទិកដែលបណ្តាលមកពីការខូចខាតហ្សែន ការបង្ករោគដោយវីរុស និងសារជាតិវិទ្យុសកម្មជាដើម។
អត្ថបទពាក់ព័ន្ធ៖ ជំងឺមហារីកសាហាវបែបនេះ បណ្តាលមកពីអ្វី អាចការពារបានទេ?
៣- ការព្យាបាលជំងឺមហារីកកុមារ
ជាទូទៅជំងឺមហារីកលើកុមារ មានការលូតលាស់លឿនជាងជំងឺមហារីកដែលកើតលើមនុស្សចាស់ ប៉ុន្តែការសិក្សាវិទ្យាសាស្ត្រ បានបង្ហាញថាជំងឺមហារីកលើកុមារមានអត្រាជាសះស្បើយច្រើនជាង។ជារួមជំងឺមហារីកដែលកើតលើកុមារអាចព្យាបាលជាប្រហែល ៧០%។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម