ស្របពេលដែលអាកាសធាតុប្រែប្រួលជាត្រជាក់ និងក្តៅ ឯភាគខាងត្បូងប្រទេសវៀតណាមមានផ្ទុះជំងឺផ្តាសាយបក្សី ក្រសួងកសិកម្ម រុក្ខាប្រមាញ់ និងនេសាទ បានចេញវិធានការទប់ស្កាត់ជំងឺផ្តាសាយបក្សី ចំនួន ៨ ចំណុចសំខាន់ៗ។
៨ ចំណុច បង្ការ និងទប់ស្កាត់ការឆ្លងជំងឺផ្តាសាយបក្សី
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ពង្រឹងការទប់ស្កាត់ការនាំចូលបក្សី និងផលិតផលពីបក្សីខុសច្បាប់ តាមច្រកព្រំដែន អាកាសយានដ្ឋាន កំពង់ផែ ពីខេត្តមួយទៅខេត្តមួយ ឬពីតំបន់មួយទៅតំបន់មួយ។
២. អគ្គនាយកដ្ឋានសុខភាពសត្វ និងផលិតកម្មសត្វ ត្រូវបង្កើនការត្រួតពិនិត្យចរាចរណ៍សត្វ និងផលិតផលសត្វបន្ថែមទៀត។
៣. ពង្រឹងការអនុវត្តវិធានការជីវសុវត្ថិភាពនៅគ្រប់កសិដ្ឋានចិញ្ចឹមបក្ស កន្លែងចិញ្ចឹមបក្សី កន្លែងប្រមូលផ្តុំបក្សី កន្លែងអាជីវកម្មបក្សី និងសត្តឃាតដ្ឋានបក្សី។
៤. រាល់ការចរាចរបក្សី និងផលិតផលពីបក្សីត្រូវមានលិខិតអនុញ្ញាត វិញ្ញាបនបត្រអនាម័យសត្វ និងផលិតផលសត្វ ស្របតាមបទដ្ឋានបច្ចេកទេស។
៥. មុនចេញវិញ្ញាបនបត្រអនាម័យសត្វ និងផលិតផលសត្វ ជាពិសេសបក្សី និងផលិតផលពីបក្សី ត្រូវពិនិត្យសុខភាពសត្វ និងអនាម័យសត្វឲ្យបានត្រឹមត្រូវ។
៦. ត្រូវអនុវត្តវិធានការជីវសុវត្ថិភាពដោយលាងសម្អាត និងបាញ់ថ្នាំសម្លាប់មេរោគតាមលក្ខណៈបច្ចេកទេសលើមធ្យោបាយដឹកជញ្ជូនសត្វ ពិសេសមុន និងក្រោយដឹកបក្សី។
៧. ត្រូវបង្កើនការអប់រំ និងផ្សព្វផ្សាយឲ្យបានទូលំទូលាយដល់កសិករចិញ្ចឹមបក្សី ម្ចាស់កសិដ្ឋានចិញ្ចឹមបក្សី ម្ចាស់សត្តឃាតដ្ឋានបក្ស អ្នកពិឃាតបក្សី អ្នកធ្វើអាជីវកម្មទិញលក់បក្សី និងផលិតផលពីបក្សី។
៨. សហការជាមួយប្រទេសវៀតណាម ក្នុងការផ្លាស់ប្តូរព័ត៌មានទាក់ទងនឹងជំងឺផ្តាសាយបក្សី ចរាចរណ៍បក្សី និងផលិតផលពីបក្សី ដើម្បីទប់ស្កាត់ជំងឺផ្តាសាយបក្សីបានទាន់ពេលវេលា។
ខាងក្រោមនេះជាសារាចរណែនាំលម្អិត ស្តីពីវិធានការទប់ស្កាត់ជំងឺផ្តាសាយបក្សី៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម