ក្រុមអ្នកស្រាវជ្រាវអ៊ីស្រាអែល បានអភិវឌ្ឍវិធីថ្មីមួយដែលអាចជំរុញខួរក្បាលឱ្យចងចាំឡើងវិញ ដែលវិធីនេះអាចជួយព្យាបាលដល់ខួរក្បាលដែលខូចរបួសដោយសារបញ្ហាផ្សេងៗ ពិសេសជំងឺដាច់សរសៃឈាមខួរក្បាល។
អ៊ីស្រាអែលរកឃើញវិធីថ្មី អាចជួយឲ្យចងចាំឡើងវិញ ក្រោយដាច់សរសៃឈាមខួរក្បាល
វិធីថ្មីដែលស្រាវជ្រាវឡើងដោយក្រុមការងារសាកលវិទ្យាល័យ Tel Aviv នៃប្រទេសអ៊ីស្រាអែល សហការជាមួយវិទ្យាសា្ថនវិទ្យាសាស្រ្ត Weizmann គឺការយកក្លិននៃវត្ថុពាក់ព័ន្ធ ដែលអ្នកជំងឺធ្លាប់ជួប បញ្ចូលតាមច្រមុះម្ខាង នៅអំឡុងពេលគេង ឱ្យជ្រាបទៅដល់ខួរក្បាល។ បន្ទាប់មក ក្រុមអ្នកវិទ្យាសាស្រ្តអាចជំរុញប្រតិកម្ម ឱ្យកោសិកាខួរក្បាលម្ខាង ចាំនូវរឿងហេតុព្រឹត្តិការណ៍សំខាន់ៗជាក់លាក់ឡើងវិញ។
ការរកឃើញនេះ ក្រោយពេលការសិក្សាជាច្រើនបានបង្ហាញថា ការរំលឹកខួរក្បាលដោយប្រើពាក្យដែលអ្នកជំងឺធ្លាប់ឮ គឺពុំសូវមានប្រសិទ្ធភាព។ ប៉ុន្តែបែរជាមានប្រសិទ្ធភាពលើឃានវិញ្ញាណ(ដឹងក្លិនតាមច្រមុះ) វិញ។
សម្រាប់ការរកឃើញថ្មីនេះ អ្នកវិទ្យាសាស្រ្តរំពឹងថា នឹងអាចជួយដល់អ្នកជំងឺដែលមានបញ្ហាទាក់ទងនឹងការចងចាំ ឱ្យត្រឡប់មកស្ថានការណ៍ប្រសើរវិញ។ ម្យ៉ាងទៀត វិធីនេះក៏ត្រូវអ្នកស្រាវជ្រាវរំពឹងថា នឹងអាចជួយឱ្យខួរក្បាល ដែលរងបញ្ហាខូច របួសដោយសារជំងឺដាច់សរសៃឈាមខួរក្បាល អាចជាត្រឡប់មកស្ថានភាពដើមវិញបានផងដែរ។
អត្ថបទពាក់ព័ន្ធ៖
- គេងមិនគ្រប់គ្រាន់ធ្វើឲ្យមានបញ្ហាទាំងនេះដល់ខួរក្បាល
- ទាំងក្មេងទាំងចាស់ ប៉ុន្តែបើបែងចែកភេទ ស្រីៗអាចប្រឈមជំងឺភ្លេចភ្លាំង បាត់ការចងចាំជាងប្រុសៗ
- ប្រយ័ត្ន បើធ្វើរឿងទាំងនេះ ធ្វើឲ្យខួរក្បាលស្ពឹក និងងាប់កោសិកា
- ថ្នាំសម្លាប់សត្វល្អិត ប៉ះពាល់ខួរក្បាលទារក អាមេរិកឈប់ឲ្យប្រើបន្ទាន់
- ក្មេងៗ ប្រើក្បាលតែតបាល់ ប្រឈមបញ្ហារបួសខួរក្បាលគួរឲ្យបារម្ភ
- ប្រើប្រេងកូឡាលាបលើបង្ហើយក្មេងទើបកើត អាចប៉ះពាល់ខួរក្បាល
- ចង់ឲ្យកូនប្រើខួរក្បាលទាំងសងខាង ក្លាយជាក្មេងឆ្លាត កុំឲ្យកូនរៀនតែលេខអក្សរឲ្យសោះ
- ការសិក្សាបារាំង៖ ធ្វើការលើសម៉ោងយូរ អាចដាច់សរសៃឈាមខួរក្បាល
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អត្ថបទដោយ មាន រតនា · កែ 11/05/2020