ក្រុមអ្នកវិទ្យាសាស្រ្តបានដាក់ការសង្ស័យលើប្រព័ន្ធម៉ាស៊ីនត្រជាក់ ថាអាចជាប្រភពចម្លងផងដែរ ក្រោយពេលរកឃើញមាន មេរោគផ្លូវដង្ហើមនេះ (COVID-19) ជាប់នៅក្នុងតម្រងម៉ាស៊ីនត្រជាក់ ក្នុងបន្ទប់ដែលអ្នកជំងឺពីវីរុស COVID-19 បីនាក់ សម្រាកព្យាបាល នៅក្នុងប្រទេសសឹង្ហបុរី។

ក្រុមអ្នកវិទ្យាសាស្រ្តសឹង្ហបុរីបានឱ្យដឹងថា ត្រឹមតែបន្ទប់ព្យាបាលអ្នកជំងឺផ្ទុកមេរោគ COVID-19 ដែលមានស្ថានភាពពុំសូវធ្ងន់ធ្ងរ តែបែរជារកឃើញសារធាតុរាវផ្ទុកមេរោគ នឹងសកម្មជាប់នឹងបំពង់តម្រងខ្យល់នៃម៉ាស៊ីនត្រជាក់។

ក្រោយឃើញបញ្ហាខាងលើ ក្រុមអ្នកវិទ្យាសាស្រ្តនៃមជ្ឈមណ្ឌលជាតិប្រឆាំងជំងឺឆ្លងនៃប្រទេសសឹង្ហបុរី បានសន្និដ្ឋានជាបឋមថា ប្រភេទមេរោគផ្លូវដង្ហើមនេះ មានសមត្ថភាពខ្លាំងអាចរីករាលដាលជាងអ្វីដែលបានគិតពីមុន។

អត្ថបទពាក់ព័ន្ធ៖

ចិនអាចនឹកដាក់ឱ្យប្រើវ៉ាក់សាំងប្រឆាំងវ៉ីរុស COVID-19 នៅខែក្រោយ
យ៉ាងហោចណាស់មន្ត្រីជាន់ខ្ពស់របស់ប្រទេសពីរ ក្រៅពីចិនឆ្លងវីរុស COVID-19

សម្រាប់បញ្ហានេះ បើតាមការឱ្យដឹងពី លោកសាស្រ្តាចារ្យ James G. Dwyer នៃសាកលវិទ្យាល័យ Purdueរដ្ឋ Indiana សហរដ្ឋអាមេរិក បានលើកឡើងថា ប្រព័ន្ធចម្រោះខ្យល់ម៉ាស៊ីនត្រជាក់ពុំអាចច្រោះ ធាតុល្អិត(រាប់ទាំងមេរោគ) ដែលមានទំហំតូចជាង ៥ពាន់ ណាណូម៉ែត្រឡើយ។

ទំហំរបស់វីរុស COVID-19 បើទោះជាអ្នកវិទ្យាសាស្រ្តពុំទាន់អាចដឹងច្បាស់នៅឡើយ ប៉ុន្តែអាចសន្និដ្ឋានថា អាចប្រហាក់ប្រហែលវីរុសផ្លូវដង្ហើមជំងឺ SARS ដែលទំហំត្រឹមតែ ១២០ ណាណូម៉ែត្រ។ ដូចនេះ លោកសន្និដ្ឋានថា ត្រឹមទំហំនេះ ប្រព័ន្ធចម្រោះខ្យល់ពុំអាចច្រោះសម្លាប់មេរោគបានឡើយ។

ទោះជាយ៉ាងណា ករណីថ្មីនេះ កំពុងស្ថិតនៅក្នុងដំណាក់កាលសន្និដ្ឋាននៅឡើយ ពោលគឺប្រព័ន្ធចម្រោះម៉ាស៊ីនត្រជាក់ផ្សេងៗ តួយ៉ាងនៅតាមមន្ទីរពេទ្យមួយចំនួន និងនៅតាមយន្តហោះ មានសមត្ថភាពបន្ថយហានិភ័យមេរោគបាន ដូចនេះទាមទារឱ្យមានការបញ្ជាក់ជាផ្លូវការពីស្ថាប័នពាក់ព័ន្ធ៕

អត្ថបទពាក់ព័ន្ធ៖

វីរុស Covid-19 អាចសម្ងំក្នុងខ្លួនយើងដល់ទៅ ២៧ថ្ងៃ ទើបចេញរោគសញ្ញា
ក្ដីសង្ឃឹមកាន់តែច្រើន វ៉ាក់សាំងវីរុស COVID-19 ត្រូវបានរកឃើញជាបន្តបន្ទាប់
ការសិក្សា៖ វីរុស COVID-19 អាចចម្លងលឿនដូចផ្តាសាយ
វីរុស COVID-19 ធ្វើឲ្យម៉ាស់ក្លាយជាប្រធានបទក្ដៅ
មន្ត្រីចិន៖ថ្នាំប្រឆាំងជំងឺគ្រុនចាញ់មួយប្រភេទមានប្រសិទ្ធភាពព្យាបាល COVID-19
អាមេរិកកំពុងផលិតវ៉ាក់សាំងវីរុសកូរ៉ុណាថ្មី និងត្រៀមសាកល្បងលើមនុស្ស

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អ្នកវិទ្យាសាស្រ្តដាក់ការសង្ស័យ​ថាម៉ាស៊ីនត្រជាក់អាចជាប្រភពចម្លង វីរុសCOVID-19

អ្នកវិទ្យាសាស្រ្តដាក់ការសង្ស័យថាម៉ាស៊ីនត្រជាក់អាចជាប្រភពចម្លង វីរុសCOVID-19