រដ្ឋបាលខេត្តសៀមរាប ច្រានចោលព័ត៌មានលទ្ធផលតេស្តបុរសខ្មែរអវិជ្ជមាន COVID-19

នៅថ្ងៃទី១២ ខែមីនានេះ រដ្ឋបាលខេត្តសៀមរាប បានប្រកាសច្រានចោលចំពោះការផ្សព្វផ្សាយព័ត៌មានថា បុរសរស់នៅខេត្តសៀមរាប ដែលបានឆ្លងវីរុស COVID-19 ពីជនជាតិជប៉ុន លទ្ធផលតេស្តអវិជ្ជមានហើយ។

បើតាមរបាយការណ៍របស់ប្រធានមន្ទីរសុខភិបាលបានឲ្យដឹងថា បុរសជនជាតិខ្មែរដែលមានផ្ទុកវីរុស COVID-19 នៅតែវិជ្ជមានដដែល ហើយលោកត្រូវបានដាក់ឲ្យនៅបន្ទប់ដាច់ដោយឡែកនៅមន្ទីរពេទ្យខេត្តនៅឡើយ។ មកដល់ថ្ងៃនេះ បុរសវ័យ ៣៨ឆ្នាំរូបនេះ មានសុខភាពធម្មតា ពុំមានអ្វីគួរឲ្យកត់សម្គាល់នោះឡើយ ហើយមន្រ្តីជំនាញនៅតែតាមដាន និងព្យាបាលបន្តរហូតជាសះស្បើយ។

រដ្ឋបាលខេត្តសៀមរាបក៏បានអំពាវនាវដល់សាធារណជនទាំងអស់កុំឲ្យមានការភាន់ច្រឡំនិងចូលរួមទប់ស្កាត់រាល់ព័ត៌មានមិនពិត ហើយអាជ្ញាធរមានសមត្ថកិច្ចនឹងអនុវត្តទៅតាមផ្លូវច្បាប់ចំពោះជនណាដែលបានផ្សព្វផ្សាយនូវព័ត៌មានមិនពិត ឬប្រឌិតព័ត៌មានធ្វើឲ្យសាធារណជនមានការយល់ច្រឡំ ។

COVID-19

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

រដ្ឋបាល​ខេត្ត​សៀមរាប ​ច្រាន​ចោល​ព័ត៌មានលទ្ធផលតេស្តបុរស​ខ្មែរអវិជ្ជមាន COVID-19

រដ្ឋបាលខេត្តសៀមរាប ច្រានចោលព័ត៌មានលទ្ធផលតេស្តបុរសខ្មែរអវិជ្ជមាន COVID-19