វិទ្យាស្ថានសុខភាពសាធារណៈ និងប៉ាស្ទ័រ ធ្វើតេស្ត COVID-19 បានប៉ុន្មាន/ថ្ងៃ?

ក្នុងសន្និសីទសារព័ត៌មានព្រឹកនេះរដ្ឋមន្ត្រីក្រសួងសុខាភិបាលលោក ម៉ម ប៊ុនហេង បានបញ្ជាក់ថា ក្នុងមួយថ្ងៃៗទាំងវិទ្យាស្ថានប៉ាស្ទ័រកម្ពុជាអាចធ្វើតេស្តរកវិជ្ជមាន COVID-19 ប្រមាណ ៥០០ នាក់។ លោកបន្តទៀតថា ក្រៅពីវិទ្យាស្ថានប៉ាស្ទ័រកម្ពុជា នៅមានវិទ្យាស្ថានជាតិសុខភាពសាធារណៈក៏មានសមត្ថភាពធ្វើតេស្តសំណាក ប្រមាណ ១០០ នាក់ដែរ។

ឯកឧត្ដមវេជ្ជបណ្ឌិត ម៉ម ប៊ុនហេង បានបន្តទៀតថា ការធ្វើឡើងដល់ ៥០០ នាក់/ថ្ងៃនេះ គឺទាល់តែមានកម្រិតខ្លាំងក្លាប៉ុណ្ណោះ តែធម្មតាមិនទាន់ដល់ដំណាក់កាលនោះឡើយ។

តួលេខឆ្លង COVID-19 សរុបទូទាំងប្រទេស មានចំនួន ១២២នាក់ ក្នុងនោះមានអ្នកជាសះស្បើយចំនួន ៧៧ករណី ចំណែកករណីស្លាប់គ្មាននោះទេ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕