អ្នកនៅតាមទីក្រុង ឬទីប្រជុំជននានាទំនងជាសុទ្ធតែជួបហើយការរំខានដោយសំឡេង ចេញពីកន្លែងសិប្បកម្ម សំឡេងពីឧបករណ៍បំពងសំឡេង ស៊ីផ្លេឬសំឡេងយានយន្ត និងសំឡេងយន្តហោះ ជាដើម។ យើងពិតជាដឹងហើយថាសំឡេងទាំងនេះរំខានត្រចៀកយើងកម្រិតណា តែថាគ្នាយើងដឹងទេការបំពុលដោយសំឡេងប៉ះពាល់ដល់សុខភាពបេះដូងដែរ?
រងសំឡេងរំខានរយៈពេលយូរ ប៉ះពាល់សុខភាពលើសពីអ្វីយើងគិត
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការសិក្សាមួយចុះផ្សាយនៅក្នុងព្រឹត្តិបត្រ Journal of the American College of Cardiology បានបង្ហាញថាការបំពុលដោយសំឡេងនឹងធ្វើឲ្យមនុស្សយើងប្រឈមនឹងជំងឺសរសៃអាក់ទែ ជំងឺលើសសម្ពាធឈាម និងខ្សោយបេះដូង។
ការសិក្សាឲ្យដឹងទៀតថាកាលពីជាងមួយទសវត្សរ៍មុន គេគិតថាសំឡេងឮខ្លាំងៗគ្រាន់តែរំខានត្រចៀក តែពេលនេះមានភ័ស្តុតាងអាចយកមកពិចារណាបានថាសំឡេងក៏ធ្វើឲ្យមនុស្សយើងមានបញ្ហាសុខភាព ពិសេសជំងឺបេះដូង។
ការស្រាវជ្រាវដដែលបន្តថា ការទទួលរងនូវសំឡេងរំខានក្នុងរយៈពេលយូរ មិនខុសអីពីយើងកំពុងតែប្រមូលផ្ដុំកូលេស្តេរ៉ូលនៅក្នុងខ្លួន និងជំងឺធាត់នោះទេ ដែលសុទ្ធតែជាកត្តាប្រឈមកើតជំងឺបេះដូង។
សំឡេងឮៗ ដែលធ្វើឲ្យយើងមិនអាចទ្រាំបាន ក៏អាចរំញោចឲ្យការឆ្លើយតបស្រ្តេសនៅក្នុងខួរក្បាល ពេលនោះនឹងមានការបញ្ចេញអ័រម៉ូន adrenaline និងcortisol ដែលធ្វើឲ្យសរសៃឈាមអាក់ទែរួមតូច អាចបង្កឲ្យសម្ពាធឈាមកើនឡើង និងទំនងជាអាចធ្វើឲ្យមានកំណកឈាមផងដែរ។
ដើម្បីចៀសវាងពីសំឡេងរំខាន ក្រុមអ្នកស្រាវជ្រាវណែនាំឲ្យមនុស្សយើងប្រើឧបករណ៍ទប់សំឡេងបិទនៅតាមបង្អួច និងប្រើកាសទប់សំឡេងនៅនឹងត្រចៀក ពេលនៅកន្លែងមានសំឡេងរំខានខ្លាំង។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម