និយាយរឿងស្ត្រេស ឬបញ្ហាស្មុគស្មាញ នរណា ក៏មានដែរ ដោយវាបណ្ដាលមកពីកត្ដាជាច្រើន ដូចជា ការសិក្សា ការងារ ការរកស៊ី ឬគ្រួសារជាដើម។ តែមានការស្រាវជ្រាវ រកឃើញថា ការចំណាយពេល ២០នាទី ជាមួយធម្មជាតិ អាចបន្ថយបញ្ហាស្ត្រេសបាន ហើយគ្នាយើង ក៏អាចសាកល្បងបានដែរ។
ចំណាយ ២០នាទី ជាមួយធម្មជាតិ ជួយបន្ថយបញ្ហាស្ត្រេសយ៉ាងល្អ
ត្រួតពិនិត្យដោយ ជីព ចិត្ត
ការសិក្សានេះ ចេញផ្សាយលើគេហទំព័រសាលាវេជ្ជសាស្ត្រ Harvard របស់អាមេរិក នៅខែកក្កដា ឆ្នាំ២០១៩។ ពីមុន មានការសិក្សា បញ្ជាក់ថា ការចំណាយពេលជាមួយធម្មជាតិ កាត់បន្ថយបញ្ហាស្ត្រេស ប៉ុន្ដែពុំមានការបញ្ជាក់ច្បាស់ ថាតើគួរចំណាយពេលប៉ុន្មាន ហើយញឹកញាប់ប៉ុណ្ណានោះទេ?
សម្រាប់ការសិក្សាថ្មីនេះ អ្នកស្រាវជ្រាវ បានឲ្យមនុស្ស ៣៦នាក់ ចំណាយពេល ១០នាទី និងលើសនេះ ៣ថ្ងៃ/សប្ដាហ៍ នៅទីតាំងដែលអាចមានទំនាក់ទំនងជាមួយធម្មជាតិ នៅតាមសួនសាធារណៈ និងតំបន់បៃតង នៅជិតកន្លែងធ្វើការ។ ពួកគេ អង្គុយ និងដើរ អំឡុងចំណាយពេលជាមួយធម្មជាតិ។
អ្នកចូលរួមក្នុងការសិក្សា ក៏ត្រូវណែនាំមិនឲ្យហាត់ប្រាណ និងចៀសវាងប្រើប្រាស់បណ្ដាញសង្គម ទូរស័ព្ទ និងការអានសៀវភៅ ហើយមុន និងក្រោយចំណាយពេលជាមួយធម្មជាតិ អ្នកសិក្សាបានធ្វើតេស្ដលើកម្រិតអ័រម៉ូន Cortisol ដែលជាអ័រម៉ូនស្ត្រេស តាមរយៈគំរូទឹកមាត់។
លទ្ធផល រកឃើញថា ការចំណាយពេល យ៉ាងតិច ២០-៣០នាទី ជាមួយធម្មជាតិ ជួយធ្វើឲ្យកម្រិតអ័រម៉ូន Cortisol ធ្លាក់ចុះយ៉ាងខ្លាំង។ ដូច្នេះ គ្នាយើងអាចកាត់បន្ថយបញ្ហាស្ត្រេស ឬសុខភាពផ្លូវចិត្ត ដោយស្វែងរកធម្មជាតិ ដែលនៅជិត ដើម្បីចំណាយពេលរីករាយនៅទីនោះបាន។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម