backup og meta

ស្រីៗ​ដឹង​អត់ មក​រដូវ​ម្ដងៗ ខ្លួនយើងអស់​ឈាម​ប៉ុន្មាន?

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ Leng Pechsovatey · កែ Feb 11, 2021

    ស្រីៗ​ដឹង​អត់ មក​រដូវ​ម្ដងៗ ខ្លួនយើងអស់​ឈាម​ប៉ុន្មាន?

    ពេល​ស្មុគស្មាញ​របស់​ស្រីៗជា​ប្រចាំ គឺ​ការ​មក​រដូវ​នេះ​ឯង ពិបាក​ទាំង​ឥរិយាបថ របស់​ញ៉ាំ ហើយ​ពេល​ខ្លះ​ធ្វើ​ទុក្ខ​ដល់​ឈឺ​ក្បាល ចុកពោះ។ “Hello គ្រូពេទ្យ’ ចង់​បង្ហាញ​ពី​ការ​ពិតមួយ​ចំនួនពី​ឈាម​រដូវ និង​ហេតុផល​មួយ​ចំនួន​ទៀតពាក់ព័ន្ធនឹង​បញ្ហា​ឈាមរដូវ។

    ១- បរិមាណឈាមហូរ

    ឈាម​រដូវ​ដែល​ហូរ​ចេញ​មក​ មាន​ផ្ទុក​ទាំង​ទឹក​រំអិល និង​កោសិកា​ផ្សេងៗដែល​ហូរចេញ​ពី​​ភ្នាស​​ស្បូន។ ពេល​ខ្លះ​ ឈាម​អាច​មក​ច្រើន ​តែ​ជាទូទៅ​ក្នុង​បរិមាណ​តិច​ជាង ​១០០ មិល្លីលីត្រទេ។ ឈាម​ដែល​បាត់​បង់​ នឹង​ត្រូវ​ជំនួស​យ៉ាង​លឿន​ដោយ​កោសិកា​បង្ក​បង្កើត​ឈាម​ក្នុង​ខួរ​ឆ្អឹង។ ពេល​ខ្លះ បើ​ស្ត្រី​អាច​ធ្លាក់​ឈាម​ខ្លាំង​ពេល​មក​រដូវ​ និង​ធ្វើ​ឲ្យ​បាត់​បង់​ឈាម​ច្រើនខុស​ប្រក្រតី គួរ​ទៅ​ជួប​គ្រូ​ពេទ្យ​ភ្លាម។

    ២- វ័យ និងការមករដូវ

    ស្ត្រី​ភាគ​ច្រើន​មក​រដូវ​ចាប់​ពី​អាយុ​ ១២-១៤​ឆ្នាំ ​តែ​វា​អាច​ចាប់​ផ្តើម​លឿន​ ឬ​យឺត​ជាង​នេះ។

    – ដើម្បី​ចំណាំ​វដ្ត​រដូវ​ខ្លួនឯង ឬ​បើ​អាច គួរ​កត់​ទុក​ក្នុង​ប្រតិទិន

    – បើ​មិន​ទាន់​មក​រដូវ​នៅ​អាយុ​ ១៦​ឆ្នាំ គួរ​​ទៅ​ពិគ្រោះ​ជា​មួយ​គ្រូ​ពេទ្យ

    – ការ​ប្រែប្រួល ឬ​អាយុ​ខុស​គ្នា ពេល​មក​រដូវ អាស្រ័យ​លើកត្តា​លូត​លាស់​រាងកាយ

    – ពេល​ចាប់​ផ្ដើម​មក​រដូវ​ដំបូង រាង​កាយ​អាច​ប្រើ​រយៈ​ពេល​យូរ​ក្នុង​ការ​សម្រប​ខ្លួន​ដើម្បី​ឲ្យ​រដូវ​មក​ទៀង​ទាត់

    – បើរដូវ​យើង​ផ្លាស់​ប្តូរ ​ហើយ​​កំពុង​មាន​ដៃ​គូ​រួម​ភេទ វា​អាច​មក​ពី​ការ​មាន​ផ្ទៃ​ពោះ ​ឬ​បញ្ហា​សុខភាព​ផ្សេងៗ​ ដូច​ជា ស្រក​ទម្ងន់​ពេក ឬ​ហាត់​ប្រាណ​លើស​កម្រិត។

    ៣- សញ្ញាមុនពេលមករដូវ

    មាន​សញ្ញា​មួយ​ចំនួន​ដែល​បង្ហាញ ​មុន​ពេល​មក​រដូវ​ដែល​បណ្ដាល​មក​ពី​ការ​ផ្លាស់​ប្តូរ​អ័រម៉ូន៖

    – ឡើង​មុន​ជាង​មុន

    – សក់​ឡើង​ប្រេង​

    – មាន​អារម្មណ៍​ថា​ហើម ​ឬ​ឡើង​ទម្ងន់

    – សុដន់​ឡើង​តឹងធំ​ជាង​មុន​បន្តិច ​ហើយឈឺ​តិច​ៗ

    – មាន​អារម្មណ៍​ឆេវ​ឆាវ ឆាប់​ខឹង ឆាប់​ប៉ះ​ពាល់​ និង​ហត់

    – រមួល​ឈឺ​សាច់​ដុំ​នៅ​ក្បាល​ពោះ​ខាង​ក្រោម ជើង ​ឬ​ចង្កេះ​ក្រោយ។

    ៤- សម្លីអនាម័យ Tampon ជួយអីបានខ្លះចំពោះបញ្ហាឈាមមិនស្អាត

    Tampon ធ្វើ​ឡើង​ពី​វត្ថុ​ធាតុ​ដើម​ទន់​ និង​មាន​ខ្សែ​សម្រាប់​ទាញ​ចេញ ហើយ​ត្រូវ​ដាក់​ចូល​ក្នុង​ទ្វារ​មាស។ មាត់​ទ្វារ​មាស​ស្ថិត​នៅ​ចន្លោះ​រន្ធ​នោម ​(កន្លែង​ទឹក​នោម​ចេញ) និង​ទ្វារ​ធំ ​(កន្លែង​លាមក​ចេញ)។ ប្រហែល​ត្រូវ​ចំណាយ​ពេល​យូរ​ដើម្បី​ស៊ាំ​នឹង​ការ​ប្រើ Tampon។ ត្រូវ​ប្តូរ Tampon រៀង​រាល់​ ៤-៨​ម៉ោង ឬ​ពេល​ដែល​វា​ជោក​ឈាម​ពេញ​ហើយ។

    បើ​មាន​អារម្មណ៍​ទើស​ពេល​ប្រើ Tampon វា​នឹង​បាត់​ក្នុង​រយៈ​ពេល​ខ្លី​មួយ។ សម្រួល​អារម្មណ៍​ហើយ​ចាំ​ ២ ​ទៅ ​៣ ​នាទី​រួច​យើង​នឹង​ស៊ាំ​នឹង​វា​ហើយ។

  • អត្ថបទពាក់ព័ន្ធ៖ស្រីៗ​គួរ​ស្គាល់! សម្លី​អនាម័យ​ប្រភេទ​ថ្មី អាច​ជា​ជម្រើស​ល្អ​​ពេល​មក​ខែ
  • សម្លីអនាម័យ Tampon

    ៥- ថ្ងៃមកអ៊ីចឹង ចង់ហែលទឹក បានអត់?

    អត់បញ្ហា​ទេ បើ​ប្រើ​សម្លីនាម័យ Tampon ដើម្បីកុំ​ឲ្យ​ហូរ​ឈាម​ប្រឡាក់​ខោ​អាវ​ហែល​ទឹក ហើយ​កុំ​ប្រើ​សម្លីអនាម័យធម្មតា។ Tampon នឹង​មិន​ជ្រុះ​ទេ​ បើ​ដាក់​​បាន​ត្រឹម​ត្រូវ។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ Leng Pechsovatey · កែ Feb 11, 2021

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម