ស្រីៗយើងមានដៃគូរួមភេទ បើមានចេញអាការៈរមាស់ ហើម ឬក្រហាយនៅលើប្រដាប់ភេទ ក្រោយពីរួមភេទរួច ទំនងជាសញ្ញាមួយថាយើងមានបញ្ហាអាលែកហ្ស៊ីនឹងទឹកកាមហើយ។

បញ្ហាអាលែកហ៊្សីនឹងទឹកកាមនេះ ជាករណីកម្រមិនងាយកើតមាននោះទេ ហើយច្រើនកើតលើស្រីៗក្នុងវ័យខ្ទស់២០ឆ្នាំ ឬវ័យ៣០ឆ្នាំតិចតួច។ បើស្រីៗយើងឃើញមានសញ្ញាទាំងនេះកើតមានក្រោយរួមភេទ អាចថាយើងមានបញ្ហាអាលែកហ្ស៊ីនឹងទឹកកាមហើយ។

អាការៈមានដូចជា៖

ឡើងក្រហម
ក្រហាយ
រមាស់
ហើម
ចេញកន្ទាលត្រអាក
វិលមុខ
ក្អួត ឬចង្អោរ
ពិបាកដកដង្ហើម និង
ឈឺចាប់ ជាដើម។

អាការៈទាំងនេះអាចកើតមាននៅលើដងខ្លួន លើប្រដាប់ភេទ នៅលើដៃ មាត់ និងរន្ធគូទជាដើម។ បញ្ហាអាលែកហ្ស៊ីទឹកកាមនេះ អាចបង្កឡើងដោយប្រូតេអ៊ីននៅក្នុងទឹកកាមរបស់បុរស ដែលអាចមកពីថ្នាំកំពុងប្រើប្រាស់ អាហារដែលបានញ៉ាំមានពពួកអាលែកហ្ស៊ែន ដែលជាធាតុបង្កអាលែកហ្ស៊ី។

បើស្រីយើងជួបបញ្ហានេះ គួរទៅជួបពិភាក្សាជាមួយគ្រូពេទ្យដើម្បីរកវិធីព្យាបាល ពិសេសបើយើងកំពុងចង់បានកូនទៀតនោះ។ ការមានបញ្ហាអាលែកហ្ស៊ីទឹកកាមមិនមែនមានន័យថាយើងមិនអាចមានកូនបាននោះទេ គ្រាន់តែថាយើងពិបាកក្នុងការរួមភេទប៉ុណ្ណោះ ហើយការពិភាក្សាជាមួយគ្រូពេទ្យ គឺដើម្បីទទួលបានការព្យាបាលត្រឹមត្រូវ និងអាចមានកូនបាន។

សម្រាប់អ្នកមិនចង់បានកូនវិញ ការប្រើស្រោមអនាម័យពេលរួមភេទជាជំរើសល្អមួយ ដើម្បីបង្ការបញ្ហាអាលែកហ៊្សីទឹកកាមនេះ។ មួយវិញទៀត មានការសិក្សាមួយបាននិយាយថាការរួមភេទញឹកញាប់ក៏អាចជួយឲ្យស្រីៗយើងបានធូរស្បើយពីបញ្ហានេះដែរ តែថាវិធីនេះត្រូវតែឆ្លងកាត់ការប្រឹក្សាយោបល់ជាមួយគ្រូពេទ្យជាមុន មិនអាចប្រថុយប្រថានដោយគ្មានការប្រឹក្សានោះទេ។

ស្រីៗខ្លះអាចមានបញ្ហាអាលែកហ្ស៊ីនឹង​ទឹកកាម តើមាន​រោគសញ្ញាអ្វី​ខ្លះ?

ស្រីៗខ្លះអាចមានបញ្ហាអាលែកហ្ស៊ីនឹងទឹកកាម តើមានរោគសញ្ញាអ្វីខ្លះ?