ឆ្លងឆ្នាំចប់ តែកម្មវិធីជួបជុំគ្រួសារនៅមានច្រើន ទាំងបុណ្យ ជប់លៀង ឬការជាដើម ដែលក្នុងកម្មវិធីទាំងនោះអាចមានការញ៉ាំភេសជ្ជៈ គ្រឿងស្រវឹងខ្លះ ឬពេលខ្លះអាចកំដរកម្មវិធីដល់យប់ៗជ្រៅ ទៀតផង។ ទាំងនេះជាហេតុនាំឱ្យស្បែកស្រអាប់ មិនស្រស់ថ្លា ពិសេសស្បែកមុខដែលជាផ្នែកសំខាន់នៃសម្រស់។ តែទោះជាយ៉ាងណា គ្នាយើងអាចអស់បារម្ភ កឺថាមានវិធីមួយចំនួនដែលអាចស្តារស្ថានការនោះឡើងវិញបាន ដែលបានការណែនាំដោយក្រុមគ្រូពេទ្យពីសហរដ្ឋអាមេ៉រិក។

១. ញ៉ាំទឹកឱ្យគ្រប់គ្រាន់

ជាតិអាល់កុលធ្វើឱ្យ រាងកាយយើងបាត់បង់ជាតិទឹក ហើយនេះជាហេតុសំខាន់បង្កឱ្យស្បែកជួបបញ្ហា មិនស្រស់ថ្លា បែរជាស្រអាប់។ លោកវេជ្ជបណ្ឌិត Noah Rosen ជានាយកវិទ្យាស្ថានសុខភាព Northwell បានណែនាំវិធីសាមញ្ញ គឺការញ៉ាំទឹក មុនពេល ឬអំឡុងពេល ឬក្រោយពេលញ៉ាំគ្រឿងស្រវឹង ដើម្បីបង្ការកុំស្បែកឆាប់ខ្សោះជាតិទឹក ឬស្រអាប់ជាំ ដោយការញ៉ាំជាតិអាល់កុល (សុរា)។

២. ញ៉ាំបន្លែ ផ្លែឈើសំបូរជាតិវីតាមីន C និងE

ដោយសារតែអាល់កុល មានសមាសធាតុមួយចំនួនបង្កឱ្យរាងកាយរលាក ឬហើម ដូចនេះការញ៉ាំបន្លែ ផ្លែឈើ ដែលមានវីតាមីន C ឬវីតាមីន E សុទ្ធសឹងជាសមាសធាតុប្រឆាំងអុកស៊ីដកម្ម ហើយកត្តាទាំងនេះ ជួយដោះស្រាយបញ្ហាអាការៈហើមទាំងនោះបាន។ លោកវេជ្ជបណ្ឌិត Adam Sutton បានណែនាំដូចនេះ ហើយលោកបានបន្ថែមថា ពពួកវីតាមីនទាំងនោះ សម្បូរក្នុងបន្លែបៃតង ផ្លែឈើស្រស់ៗមួយចំនួនដូចជា ផ្លែស្រ្តប៊ឺរី ផ្លែប៊ើរជាដើម ។ល។

៣. ចៀសវាងភេសជ្ជៈជាតិស្ករបន្ថែម

បន្ថែមភេសជ្ជៈជាតិស្ករថែម ធ្វើឱ្យអាការៈហើម រលាកកាន់តែខ្លាំង ពេលញ៉ាំជាតិអាល់កុល ហើយអាចបណ្តាលឱ្យមានបញ្ហារោលកើតមុនលើផ្ទៃមុខទៀតផង នេះបើតាមលោកវេជ្ជបណ្ឌិត Brian Ginsberg អ្នកឯកទេសខាងវេជ្ជសាស្រ្តស្បែកបានលើកឡើង។

៤. គេងឱ្យបានគ្រប់គ្រាន់

គេងឱ្យបានលក់ស្កប់ស្កល់ ជាវិធីព្យាបាលជាធម្មជាតិ ដែលជួយឲ្យយើងអាចស្តារឡើងវិញនូវបញ្ហាស្បែកស្រអាប់បាន។ បន្ថែមពីនោះ គួរលុបលាងមុខ នឹងលាបឡេផ្តល់សំណើមខ្លះ ដើម្បីឱ្យស្បែកបានស្រស់ថ្លាឡើងវិញ។

អត្ថបទពាក់ព័ន្ធ៖

៥. ញ៉ាំក្នុងកម្រិតសមល្មម

ការញ៉ាំសុរា ឬភេសជ្ជៈដែលមានជាតិអាល់កុលផ្សេងៗ ក្នុងកម្មវិធីជួបជុំអាចជារឿងចៀសមិនបាន តែការញ៉ាំក្នុងកម្រិតមួយដែលអ្នកអាចដឹងដោយខ្លួនឯងថាល្មមគ្រប់គ្រាន់ មិនច្រើនពេក ជាវិធីសាស្រ្តមួយផងដែរ ដែលការពារទាំងសម្រស់ស្បែកយើងឱ្យនៅស្អាត មិនជួបបញ្ហា និងបានទាំងរីករាយក្នុងឱកាសជួបជុំផង៕

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ស្បែកស្រអាប់ព្រោះសម្បូរកម្មវិធីជួបជុំពេក ដឹង​ប៉ុន្មានវិធីនេះ អាចកែខៃឡើងវិញបាន

១. ញ៉ាំ​ទឹក​​ឱ្យ​គ្រប់​គ្រាន់​

២. ញ៉ាំ​​បន្លែ​ ផ្លែ​ឈើ​​សំបូរ​ជាតិ​វីតាមីន C និង​E

៣. ចៀស​វាង​​ភេសជ្ជៈ​ជាតិ​ស្ករ​បន្ថែម

៤. គេង​ឱ្យ​បាន​គ្រប់​គ្រាន់

៥. ញ៉ាំ​ក្នុង​កម្រិត​សម​ល្មម

ស្បែកស្រអាប់ព្រោះសម្បូរកម្មវិធីជួបជុំពេក ដឹងប៉ុន្មានវិធីនេះ អាចកែខៃឡើងវិញបាន

១. ញ៉ាំទឹកឱ្យគ្រប់គ្រាន់

២. ញ៉ាំបន្លែ ផ្លែឈើសំបូរជាតិវីតាមីន C និងE

៣. ចៀសវាងភេសជ្ជៈជាតិស្ករបន្ថែម

៤. គេងឱ្យបានគ្រប់គ្រាន់

៥. ញ៉ាំក្នុងកម្រិតសមល្មម